Mathui 14:33 - Ṉa Alaofua Falu 1923 1949

³³ Ma toa na kera ni la foorua eri keka faabaita nia, keka una eri, Oe Kaluwane tha God mamana boo.

Mathui 14:33 Referans Kwoze

Fa Ṉu Abu ki 2:7

Nau kwai faataloa si ṉataa fifi eri: tha Jihova e una eri isaku, Ni oe ṉa Kaluwane nau; afa boṉi eri ku kwalafi oe.

Jone 11:27

Nia soree isana, Iu, Lord: ku fitoo naa na ni oe Christ ba, Kaluwane tha God, wane na kera maakwali oe oki lae mai i fanua nei iano.

Jone 1:49

Tha Nathaniala e luua, ka soree isana, Rabae, oe ṉa Kaluwane tha God; oe Kiṉa Isirela.

Roma 1:4

Ma kera fatai nia na nia Kaluwane tha God ana sukwaia, sulia Spirit ne abu, ana tatae la eri faisia toa mae ki;

Mako 1:1

Thafali lana ṉa faaroṉoa lea tha Jesus Christ, Kaluwane tha God.

Jone 6:69

Ma kamilia mili fitoo ma mili thaitoomana ni oe Christ ba, Kaluwane ṉa God ne maruki.

Mathui 16:16

Ma tha Saimona Pita e luua, ka sorea, Oe ṉa Christ, Kaluwane ṉa God maruki.

Jone 17:1

Si do eki tha Jesus e sorea; sui ka tafoa maana uria ṉa thalo, ka sorea, Maka ae, si kadee maṉa e fula naa; oki faainotoa Kaluwane oe, fasi Kaluwane oe kai faainoto oe lau boo:

Luke 4:41

Ma spirit taa ki lau boo keka kotho i maa faisia toa oro, keka ’ai, keka una eri, Oe ṉa Christ, Kaluwane tha God. Ma nia ka soreda, ma ka ai si alamatanida keki bae, uria na kera thaitoomana nia ṉa Christ.

Mako 15:39

Ma si maṉa na senitiurione, ne takwe otofana, e rikia na nia ’ai una eri ma ka luka ana maṉona, nia ka sorea, Kaluwane tha God mamana boo nai nia.

Mathui 28:17

Ma si maṉa na kera riki nia, keka faabaita nia: ma tei wane keka fitala.

Mathui 28:9

Ma si maṉa na keki lae fasi keki faaroṉoa toa nia ne toleda, rikia fasi, tha Jesus ka toda anida, ka una eri, Muki seethathala. Ma kera fula, keka rau ana tafe ae nia ki, ma keka faabaita nia.

Mathui 26:63

Ma tha Jesus ka bona bana. Ma aofia ni foa ka soree isana, Nau ku faaothi oe ana ṉa God maruki, Oko faaroṉo kamilia mada sa ni oe ṉa Christ, Kaluwane tha God.

Jone 19:7

Ju ki kera luua, keka una eri, Amilia tee lo, ma sulia lo eri e kokoto na nia kai mae, uria ne alaṉi nia ana Kaluwane tha God.

Luke 24:52

Ma kera faabaita nia, ma keka oli uri Jerusalema ana seethathala la baita:

Mathui 27:54

Ma si maṉa na senitiurione, ma toa na kera to bi nia keki lio uria tha Jesus, kera rikia anunu eri, bia si do na kera ilidaki, keka mau faamau, keka una eri, Kaluwane tha God mamana boo nai nia.

Mathui 15:25

Sui kini eri e lae mai ka faabaita nia, ka una eri, Lord, oki adomi nau.

Mathui 4:3

Ma do eri na kai bae aliṉana imole kai fula neri, kai soree isana, So ni oe Kaluwane tha God, oki sorea ṉa fau nei ki kai lioe berede.

Si do Aposela ki kera ilidaki 8:36

Ma ana lae lada sula tale, kera fulatoona tee kafo; ma aufasu eri ka sorea, Oki rikia, tee kafo; si ta ne suusi nau fasi e ai kesi babataesi nau? [

Luke 8:28

Ma si maṉa nia rikia tha Jesus, nia ka ’ai, ma ka aru inaofana, ma ka sorea ana ṉata la baita, Si ta na kwai kwaimani bi oe fafia, Jesus, Kaluwane tha God ne Inoto ka tatha? Ku ṉata kwaitakoi isamu, osi kwae fifi iaku.

Mako 14:61

Ma nia ka bona bana, e ai si luua ana ta si do. Ma aofia ni foa ruana ka soetoona lau, ka soree isana, Oe ṉa Christ, Kaluwane ni Nia na kera taṉoa?

Mathui 27:43

Nia kai fitoona tha God; kai suusi nia maṉa eri, mada sa nia thathami nia: uria ne sorea, Nau Kaluwane tha God.

Mathui 17:5

Si maṉa na nia kai ṉata u bana, rikia fasi, si datha iriroa ka nunufida: ma rikia fasi, liṉana si ṉata la e too mai la datha eri, ka una eri, Kaluwane liliothaua nau fu nia, e lea iaku uri nia; muki roṉoa ṉata lana.

Mathui 2:11

Ma si maṉa na kera kotho i maafera, keka rikia kali wela eri isana thainana na ni Meri; kera aru iano, keka faabaita nia; ma keka egwea ogogonia kera ki, keka tona falea bada si do ki ifana, ṉa goloda ma do inoto thasune makwa lea ma mura.

Mathui 14:32

Ma si maṉa na kero tae i la foorua, thauthau eri ka ai naa.