Mathui 14:31 - Ṉa Alaofua Falu 1923 1949

³¹ Ma si maṉa eri u boo tha Jesus e tekwasia kau abana, ka rau ani nia, ma ka soree isana, Wane fitooa oe e faekwa, o fitala uria ta?

Mathui 14:31 Referans Kwoze

Fa Ṉu Abu ki 138:7

Kwai lae mena imaalutana taa la na ka thauṉi nau, oki faasukwai nau kwai maruki lau; oki tekwasia mai abamu, oki suusi nau faisia rakeaṉoṉoa maalimae nau ki, ma aba aola oe kai faamaruki nau.

Mathui 8:26

Ma nia ka soree isada, Uria ta na muki mau, toa na fitooa kamulua e faekwa? Ma si maṉa eri nia tatae, ka sorea thauthau ma amali; ma amali ka daununu asia naa.

GENESIS 22:14

Ma tha Aberahamo ka alaṉia thatana si kula era ana Jihova‐jaera: sulia si do keka sorea ka fula ana itaraena, Do keki rikia i la gwa tolo tha Jihova neri.

Mathui 17:20

Ma tha Jesus ka soree isada, Sulaania fitala la kamulua: uria mamana ku soree isamulua, Mada sa amulua fitooa ’uria ta foee masitata, do muki soree isana gwa tolo nei, Lae faisia kula nei, oki lae uria kula loko; nia kai lae neri; ma toto ka ai boo ta si do na musi talaana ili lana.

Mako 5:41

Ma ka rau ana abana wela eri, ka soree isana, Talitha Kumi; ma toolaṉai lana si ṉata eri e una eri, Thari ena ae, ku soree isamu, Oki tatae.

Mako 1:31

Ma nia e lae mai ma ka rau ana abana, ka tataea; ma si maṉa eri u boo fule eri ka ai faisi nia, ma kini eri ka bii ra ifada.

Mathui 16:8

Ma tha Jesus e thaitoomana, ka soree isada, Toa na fitooa kamulua e faekwa, uria ta na muki ṉata uri kamulua i talaamulua, sulia ne ai amulua ta berede?

Si do Aposela ki kera ilidaki 4:30

Si maṉa oki tekwasia abamu uria faamaruki lana mataia ki; ma keki ilia bala si do ki ma do ni kwele la ania ki ana thatana Wela abu oe tha Jesus.

Luke 24:34

Keka una eri, Na Lord e tatae mamana boo, me fula fatai isatha Saimona.

Mako 16:7

Muka lae, muka faaroṉoa toa nia ne toleda bia tha Pita, Nia kai lae inaomulua uri Galili: kula eri muki riki nia iei, ’uria ne soree isamulua na ba.

Mako 11:23

Uria mamana ku soree isamulua, Ni tei bana na kai soree isana gwa tolo nai, Keki ṉali oe ma keki u ani oe i la amali; ma ka ai si fitala i ruruuna, kai fitoo sa do nia sorea kai mamana; nia kai rikia atona bana si do ne sorea.

Mako 1:41

Ma tha Jesus e tatakomi nia, ka falea kau abana, ka sua nia, ma ka soree isana, Ku thathamia boo; oe oki falu.

Mathui 6:30

Mania mada sa tha God kai faatooni una eri ana lolo, na kai to bana itaraena i la ra, ma usuwadi keki u ania i la era ni naare la, nia ka ai si falea tooni ne lea ka tatha ifamulua, toa na fitooa kamulua e faekwa?

I. Timothi 2:8

Mania ku thathamia wane ki keki foa ta kula si ei, keki tafoa abada ka dodoloa, rakeiria ma oli susuu la ki kei ei faisida.

I. Pita 1:5

Toa na sukwaia tha God ka fono toi kakali kamulua sulia fitooa uria marukia na ka thathai fasi keki fatai nia asi maṉa iisi eri.

Mathui 14:30

Ma si maṉa nia rikia thauthau eri e baita, kai mau neri; ma si maṉa kai bii thuthu, nia ka ’ai kau, ka una eri, Lord, oko faamaruki nau.

Mathui 14:32

Ma si maṉa na kero tae i la foorua, thauthau eri ka ai naa.

Mako 4:40

Ma nia ka soree isada. Uria ta na muki mau faamau una eri? nifana ade lana e ai u amulua ta fitooa?