Mathui 14:15 - Ṉa Alaofua Falu 1923 1949

¹⁵ Ma toto e thaulafia naa, toa ne toleda kera fula isana, keka una eri, Fanua kwasi nania, ma thato e lio folo naa; arasia kau malului wane nei ki, fasi keki lae uri toaa faekwa ki, keki usia ada tei faṉa.

Mathui 14:15 Referans Kwoze

Mathui 15:23

Ma nia e ai si luu nia ana ta si baea. Ma toa nia ne toleda kera fula, keka ṉata kwaitakoi isana, keka una eri, Arasi nia kau; uria nia kei ’ei buriakulua.

Luke 9:12

Ma si maṉa na thato kai abalili naa, akwala ma ro wane eki keka fula, keka soree isana, Arasia kau malului wane nai, fasi keki lae uria toaa faekwa ki ma fanua kakali ki mai, keki teo si mada iei, ma keka ṉalia ada tei faṉa: uria na kulu ni kunei la fanua kwasi.

Mako 8:3

Ma mada sa kwai arasida uri toaa kera ki maṉa kesi faṉa, keki feda sula tale; uria na tei toa iada kera lae da mai.

Mathui 14:13

Si maṉa na tha Jesus e roṉoa, nia ka lae nana i la foorua faisia toa oro i kula eri, uria tee fanua kwasi: ma lalae malului wane eki kera roṉoa, keka lae tala thara iburiana faisia toaa susu ki.

Mathui 14:14

Ma tha Jesus e lae mai, ka rikia malului wane baita, ma nia tatakomida, ma ka faamarukia toa iada na kera matai.

Mathui 14:16

Ma tha Jesus ka soree isada, E ai ta si do si oga kera fasi keka lae uria; kamulua muki fale iada.