Mathui 13:44 - Ṉa Alaofua Falu 1923 1949

⁴⁴ Tooa i thalo e ’uria ogogonia ne to thaufuni la ra; na tee wane e rikia, ma ka thaufunia; ma nia seethathala sulia, e lae ka usi teefau ana do ne aludaki, ma ka usia ra eri.

Mathui 13:44 Referans Kwoze

Kolose 2:3

Wane na kera alua ogogonia eri sui bana ana liotooa ma manata lea la ka to thaufuni ani nia.

Luke 14:33

Mania kai una eri lau boo, ni tei bana iamulua ne ai si luka teefau asi do ne rikidaki, nau sa kwa tole nia e ai.

Mathui 6:21

Uria na si kula na ogogonia oe ni iei, ruruumu ka ni kula eri lau boo.

Mathui 19:29

Ma ni tei ne akwasia maafera ki, mado doorana kera, mado waiwaena nia ki, mado maka nia, mado thainana, mado wela ki, mado oole ki, inunufana thataku, toto kai ṉalia tee taleṉee do fuliṉana do ne akwasidaki, ma kai fulatoona marukia tatha.

Si do na kera fatai nia 3:18

Nau ku soree isamu oki usia si goloda nau na kera faafalua i la era, fasi oki rikii do; ma tooni kwakwaoa ki, fasi oki tooni ania, ma kesi faaseenoni ani oe si maṉa keki fatai oe no talu; ma si gwai ana maana imole fasi oki gwaia maamu, oki rikia fanua.

Mathui 19:27

Sui tha Pita e luua, ka soree isana, Rikia fasi, kamilia mili akwasia si do ki sui bana, ma mika lae iburiamu; mania si ta na toto mika rikia?

Mathui 19:21

Tha Jesus ka soree isana, Mada so thathamia oki lea bonaa, lae, oki usi asi do no rikidaki, ma oki fale ana toa na kesi rikii do, ma toto oki rikia ogogonia i thalo: ma lae mai, oki lae iburiaku.

Roma 15:4

Sulaania si do eki sui bana na kera keda dini mai inao kera keda uria faamanatai lakulua la, fasi asi lio ni susuu la ma ana inamaruki la na kekeda la abu eki ka faainamaruki kulu ania, kuki manatatoo ṉado uria si do ne lea.

Mathui 13:24

Ta tarifula lau nia ka faaroṉo kera ania, ka una eri, Tooa i thalo e ’uria wane ne afusia foee do lea ki la ra nia:

Hibaru ki 10:34

Uria na mulu tatatakomia toa eki na kera kani fafida, ma si maṉa na kera lagua si do kamulua ki mulu seethathala ania, sulaania mulu thaitoomana amulua do lea ka tatha na muka rikia, ma do na kai to ladoa.

Jone 6:35

Ma tha Jesus ka soree isada, Nau na berede ana marukia: imole na kai lae mai isaku sa ka thaofa e ai, ma imole na kai fitooku liona sa ka lalaṉa lau e ai.

Kolose 3:16

Bae lana tha Christ kai to kai oro i la ruruumulua ana liotooa ni sui bana; muki kwaifamanatai ma muki faamanatai kamulua ana ṉu ki, ana ṉu ana taṉo la ki ma ṉu tha Spirit ki, muki ṉu ana lea la i la ruruumulua ifana ṉa Lord.

Mathui 13:46

Ma lalae e rikia naa tee pala inoto ka tatha, nia lae, ka usi teefau ana do ne aludaki, ma ka usia.

Mathui 13:47

Sui lau, tooa i thalo e ’uria furei, na kera ala ania i la amali, ma ka ofua ia dodola: