Mathui 13:11 - Ṉa Alaofua Falu 1923 1949

¹¹ Nia luuda, ka soree isada, Kamulua kera alamatai kamulua muki thaitoomana si do eki ne to thaufuni ana tooa i thalo, ma ni kera e ai kesi alamatania ifada.

Mathui 13:11 Referans Kwoze

I. Korinitha 2:14

Ma wane mala fanua nei iano sa ka ala fafia si do Spirit tha God ki e ai: sulaania nia alaṉia ana oewanea la; ma nia dora ana thaitoomana lana, uria na tha Spirit ana ka ṉata mala wane ni kotu sulia si do eki.

Mathui 19:11

Ma nia ka soree isada, Toa ni sui sa keki ṉalia si ṉata eri e ai, talitoona boo toa na kera falea ifada.

Jemesi 1:5

Mada sa ta wane iamulua manata lea la ka ai faisi nia, kai gania atha God, na ka fale baita ifana imole ki sui bana ma ka ai si soreda; ma keki falea ifana.

I. Jone 2:27

Ma ni kamulua, gwai eri na nia e kiki kamulua ania ka to ani kamulua, ma musi rofea ta wane na kai kwaifamanatai isamulua; ma ’uria lau boo do nia e kiki kamulua ania ka kwaifa manatai isamulua sulia si do ki sui boo, ma ka mamana, ma do ni lole la e ai, ma ’uria si do ne tooa isamulua, muki to ani nia.

I. Jone 2:20

Ma isamulua gwai eri na Wane Abu eri e kiki kamulua ania, ma mulu thaitoomana si do ki sui bana.

Mathui 16:17

Ma tha Jesus e luua, ka soree isana, Lea iamu, Saimona, kaluwane tha Jona: uria na imole, do ana mariko bia abu, e ai ne fatai nia isamu, Maka nau ana ne ni mei thalo

Efesasi 1:9

Uria ne fatai nia si do ne toto thaufuni isakulua asi do nia thathamia, sulia si thathami la lea nia ne onotoona ani nia

Efesasi 5:32

Si do afetai ne toto thaufuni na kera fatai nia neri: nau ku ṉata sulia tha Christ ma ṉa figua.

Roma 16:25

Sui nia ne sukwai ana faaṉado lamulua la sulia si faaroṉoa lea nau ma ṉata la eri sulia tha Jesus Christ, sulia si do eri na kera fatai nia ne toto thaufuni ita mai asi maṉa u asia mai inao ne ai si sui,

Luke 8:10

Ma nia ka sorea, Kamulua kera alamatai kamulua muki thaitoomana si do eki ne to thaufuni ana tooa tha God: ma ni kera keki ṉata boo isada ana tarifula ki; fasi keki lio ma kesi rikia ta si do, ma keki roṉoa ma kesi thaitoomana.

I. Korinitha 15:51

Rikia fasi, kwai fatai nia do ne toto thaufuni isamulua: Kulu sui boo sa kuka biṉa e ai, ma kulu sui boo kuki tatala,

I. Korinitha 2:7

Liotooa tha God neri na mili ṉata sulia asi do ne toto thaufuni, liotooa eri na kera agwafai nia inao, na tha God e alua mai inao inaofana thafali lana si maṉa totonao ki uria faainoto lakulua la:

Jone 6:65

Ma nia sorea, Uria si kula eri ku sorea naa isamulua, na ta wane si sukwai fasi kai lae mai isaku, mada sa ṉa Maka e ai si faasukwai nia mai.

I. Timothi 3:9

Keki rau asi do eki ne toto thaufuni na kulu fitoona, asi lio ne thathaulia.

I. Korinitha 13:2

Ma mada sa akua ṉata la mala porofeta, ma ku thaitoomana lea maalutana si do ki sui bana ne toto thaufuni ma si do ki sui bana na kera thaitoomana; mado akua fitooa baita, fasi kwa idua gwa tolo ki mena, ma liothau la ka ai faisi nau, nau tonee do.

Mako 4:11

Ma nia ka soree isada, Kamulua kera alamatai kamulua muki thaitoomana si do ne to thaufuni ana tooa tha God: ma ni kera toa na kera to i maa, keki faaroṉo kera asi do ki sui bana ana tarifula ki:

Kolose 2:2

Fasi keka faainamarukia ruruuda, uria na kera lado kera keka rao ana liothau la, ma keka rikii do faamau asi do na kera thaitoomana lea maalutana mamana lana, fasi keka thaitoomana si do tha God na Maka ne toto thaufuni, tha Christ neri,

Efesasi 6:19

Ma uri nau, fasi keki falea si ṉata iaku si maṉa nau kwai ifinia fokoku, kwai seeraa ana fatai lana si do ne toto thaufuni asi faaroṉoa lea,

I. Korinitha 4:7

Sulaania ni tei ne faabaita oe lau ana tei wane? ma ṉa ta asi do no rikidaki na kesi falea iamu? sui mada sa kera falea iamu, uria ta no faabaita oe i talaamu, uria sa kesi falea?

I. Korinitha 4:1

Ta wane kai alaṉi kamilia ana toa ni ra tha Christ, ma toa na kera takofale kamilia asi do tha God ki ne toto thaufuni.

Jone 7:17

Mada sa ta wane e susuu uria ili lana si do ni nia e thathamia, nia kai thaitoomana kwaifamanataia eri, mada sa si do tha God neri, mado kwai ṉata bakua i talaaku.

Fa Ṉu Abu ki 25:14

Si do thaufuni tha Jihova ni sana toa eki na kera faare baita iana; ma nia kai fatai nia alaofua nia isada.

I. Timothi 3:16

Me ai ta wane si tofea na do eri ne toto thaufuni asi lio ni fare baita la atha God e baita; kera fatai nia tha God ana seena imole, kera ala fafia kokoto lana atha Spirit, angel ki kera rikia, kera ṉata sulia isana Jenetaele ki, kera fitoona i fanua nei iano, kera tataea ana inotoa.

Efesasi 1:18

Keki ifinia maana wane nai ruruumulua, fasi muki thaitoomana si do eri ne manatatoo ṉado uria si maṉa ne aili kulu mai, ma si do eki na nia kai rikii do ania uria faainoto lana la na nia kai fulatoona ana toa abu eki,

Si do Aposela ki kera ilidaki 16:14

Ma tee kini, thatana ni Lidia, na ra nia usi la asi maku momothelaa ki, kini ana toaa susu i Thaeatira, ne faabaita tha God, e roṉo kamilia: ma tha Lord e ifinia ruruuna, adedea nia fale nia ana manatatoona lana si do na tha Polo e soredaki.

Mathui 13:10

Ma toa ne toleda kera fula, keka soree isana, Uria ta noko ṉata isada ana tarifula ki?

Mathui 20:23

Ma nia ka soree isadaroa, Toto moki kuu boo ana titiu nau, ma babataesi la na keki babataesi nau ania toto keki babataesi kamaroa ania: ma ono la ibali aba aola nau, bia ibali aba mauli nau, do nau e ai fasi kwai falea, do ifana toa na Maka nau e thauwai nia si kula eri maakwalida.

Mako 10:40

Ma ono la ibali aba aola nau bia ibali aba mauli nau do nau e ai fasi kwai falea: do ifana toa na kera thauwai nia si kula eri maakwalida.

Roma 11:25

Sulaania ku lalakwa, doora kera, na muki dora ania maalutana si do eri ne toto thaufuni, ada manatamulua ka sorea na liomulua ka too i talaamulua, si do eri neri, kera faarorodoa maana tee bali toa ana Isirela, maakwalia si maṉa na inotoa Jenetaele ki kai fuṉu;