Mathui 12:34 - Ṉa Alaofua Falu 1923 1949

³⁴ Kamulua kwalafana baekwa i tolo ki, si do lea ki muki sore ufita ania, na mulu taa nania? sulia fokona imole kai ṉata asi do ne oro i ruruuna.

Mathui 12:34 Referans Kwoze

Luke 6:45

Wane lea kai ṉalia mai si do lea ki ana ogogonia lea i ruruuna; ma wane taa kai ṉalia mai si do taa ki ana ogogonia taa i ruruuna: sulia fokona kai ṉata asi do ne oro i ruruuna.

Mathui 15:18

Ma si do eki na kai lae mai faisia fokoe wane kai lae mai faisia ruruuna; ma kai faasua wane.

Efesasi 4:29

Musi alamatania si ṉata la taa si maṉo i ṉidumulua, si ṉata la ne lea molo ana faasukwai lana imole, si do na kai talaada, fasi kai falea lea la ana toa na keki roṉoa.

I. Jone 3:10

Asi kula eri kera fatai nia baree wela tha God, ma baree wela tha devil: ni tei bana ne ai si ilia kokoto la do tha God e ai, ma ni tei ne ai si liothau ana doorana.

Mathui 12:35

Wane ne lea kai ṉalia mai si do lea ki ana ogogonia lea nia: ma wane taa kai ṉalia mai si do taa ki ana ogogonia taa nia.

Jone 8:44

Kamulua wela maka kamulua na tha devil, ma si lio taa ki, do maka kamulua eri, muki thathamii ilia. Nia thauwane ita mai i thafali la, me ai si to ana mamana la, uria ne ai ta do ne mamana si ni ani nia. Si maṉa nia lole, nia ṉata asi do nia ki u boo: uria nia do na kai lole, ma maka ana lole la.

Mathui 23:33

Kamulua wa aala ki, kamulua kwalafana baekwa i tolo ki, toto muki thaka ufita faisia kotu baita ana hell?

Fa Ṉu Abu ki 64:3

Na kera faaṉaria meada ’uria nini ni firu, ma kera matotoia io kera ki, si baea susubu neri:

Mathui 3:7

Sui si maṉa nia rikia wane oro ana Farisi ki bia Sadiusi ki keki lae mai ana babataesi la nia, nia ka soree isada, Kamulua kwalafana baekwa i toloki, ni tei ne faaroṉo kamulua muki thaka faisia rakeiria ne ni u?

Luke 3:7

Mania nia ka soree isana malului wane na kera lae kau fasi nia ka babataesida, Kamulua kwalafana baekwa i tolo ki, ni tei ne faaroṉo kamulua muki thaka mai faisia rakeiria na kai fula?

Fa Ṉu Abu ki 53:1

Wane ne oewanea e una eri i ruruuna, E a’i bana ta God. Kera dura bonaa, kera ilia si do ni mamagu la ania, na kera lufia; e a’i bana ta imole na kai ilia si do ne lea.

Fa Ṉu Abu ki 64:5

Keka faasukwai kera kwailiu asi manata la taa; keka furi ṉataa sulia alu thaufuni la ana aikwai ki; keka una eri, Ni tei na kai rikia?

Efesasi 5:4

Mado si do faaseenoni, mado ṉata oewanea la, mado waela la sulia si do taa ki, si do ne ai si faramulua ki neri: muki ṉata asi sore lea la.

Jemesi 3:2

Uria asi do oro ki kulu sui kulu taofai kulu. Mada sa ta wane e ai si taofai nia ana bae lana, wane eri e sukwai teefau, ka talaana rau la lau boo fafia seena sui boo.