Mathui 10:23 - Ṉa Alaofua Falu 1923 1949

²³ Ma lalae keki tona ilamatai kamulua i la toaa susu nei, muki thaka uria toaa iburiana: uria na mamana ku soree isamulua, Musi lae i la toaa susu i Isirela ki si sui u, ma Kaluwane imole ka fula.

Mathui 10:23 Referans Kwoze

Mathui 16:28

Mamana ku soree isamulua, Tei wane keki to bada ana toa na keki takwe kunei, ne ai dodoloa keki thaitoomana maea, keki rikia Kaluwane imole kai lae mai ana tooa nia, sui keka bii mae.

Si do Aposela ki kera ilidaki 17:10

Ma si maṉa eri u boo baree wai doorana keka arasia tha Polo ma tha Saelasi afa rodo uria Berea: ma lalae kero fula i kula eri, keko kotho i biu ni ofu la Ju ki.

Si do Aposela ki kera ilidaki 8:1

Ma tha Solo e ala fafia mae lana. Ma kera tona ilamatai nia ṉa figua nai Jerusalema ana ila la baita ne tae mai afa boṉi eri; ma kera faaseesula iada keka lae tataka i la fanua i Judia ma i Sameria, talitoona bana aposela ki kesi lae.

Mako 13:26

Ma sui keki rikia Kaluwane imole kai lae mai ana datha lo ki ana sukwaia baita ma inotoa.

Luke 21:27

Asi maṉa eri keki rikia Kaluwane imole kai lae mai asi datha ana sukwaia ma inotoa baita.

Luke 18:8

Nau ku soree isamulua, nia kai soboṉida si tau lau. Ma sui lalae Kaluwane imole kai fula, nia kai rikia fitooa ana fanua nei iano?

Jone 7:1

Buriana si do eki tha Jesus e lae i Galili: uria na nia lalakwa lae i Judia, sulaania Ju ki kera rofea si ade la na keki ilia fasi keki thauṉi nia.

Mathui 26:64

Tha Jesus ka soree isana, Oi sorea: una ena mena, ku soree isamulua, Too asi maṉa eri do toto muki rikia Kaluwane imole kai ono ibali aba aola ana sukwaia, ma kai lae mai fafona datha lo ki i thalo.

Mathui 24:30

Ma sui bala Kaluwane imole kai fula fatai mai i thalo: ma si maṉa eri kulee toa ni sui bana ana fanua nei iano keki aṉi, ma kekei rikia Kaluwane imole kai lae mai ana datha lo ki i thalo, ana sukwaia ma inotoa baita.

Si do Aposela ki kera ilidaki 17:14

Ma sui si maṉa eri u boo baree wai doorana keka arasia tha Polo kai lae uri amali: ma tha Saelasi bia tha Timothiasi kero to u ana toaa susu eri.

Mathui 25:13

Mania muki tharai, uria na musi thaitoomana fa boṉi eri mado kadee maṉa eri na Kaluwane imole toto kai fula.

Mathui 24:48

Sui mada sa wane ni ra taa eri ka soree i ruruuna, Wane inoto nau kai to, e ai si lae u mai

Mathui 24:27

Sulaania ’uria na manu kai mamaarula ibali tae lana thato, ma keki rikia ibali su lana thato; kai una eri lau boo ana fula lana Kaluwane imole.

Mathui 23:34

Mania, rikia fasi, kwai arasia mai porofeta ki isamulua, bia toa liode too, ma wane ni kekeda ki: tei wane iada muki thauṉia ma muka fota fafida ana ’ai rarafolo; ma tei wane iada muka kwae tataria ana sulida i la biu ni ofu la kamulua ki, ma toto muka tona ilamatanida too ana tee toaa susu, lae ka fula ata toaa susu:

Mathui 4:12

Ma si maṉa na tha Jesus e roṉoa na tha Jone kera suia naa uri la lokafu, nia ka lae uri Galili;

Mathui 2:13

Ma buriana na kera lae naa, rikia fasi, angel tha Lord e fula fatai isatha Josefa i la moosubolea, ka una eri, Tatae, oko tolea kali wela nei bia thainana, oko thaka uri Ijifita, ma oki to kula eri maasia si maṉa kwai faaroṉo oe ania; uria na tha Heroda toto kai rofea kali wela nei uria thauṉi lana.

Si do Aposela ki kera ilidaki 20:1

Ma buriana na ṉataṉata eri e sui, tha Polo e kwaiarasi uria toa na tha Jesus e toledaki, ma ka alulu iada, sui ka lae faisida fasi kai lae uri Masedonia.

Mathui 16:27

Sulaania Kaluwane imole kai lae mai ana inotoa Maka nia bia angel nia ki; ma asi maṉa eri nia kai kwaiaraṉai nia wane ni sui bana sulia abula lada.

Mathui 23:36

Mamana ku soree isamulua, Si do eki sui bana kai fulatoona unii wane nei.

Mathui 24:34

Mamana ku soree isamulua, Kulee toa nei toto kesi sui u, ma si do eki sui boo kai mamana.