Mathui 10:1 - Ṉa Alaofua Falu 1923 1949

¹ Ma nia ailia mai akwala ma ro wane nia ne toleda isana, ma ka falea sukwaia ifada fafia spirit taa ki, fasi keki arasida, bia fasi keki faamarukia toa na si do oro ki bana e thauṉida bia toa na kera matai ana mataia oro ki.

Mathui 10:1 Referans Kwoze

Luke 10:19

Rikia fasi, nau ku falea naa sukwaia ifamulua fasi muki uri fafia baekwa i tolo ki ma fafari ki, ma fafia sukwaia eri sui bana ana sukwaia maalimae eri: me ai dodoloa ta si do si labatai kamulua.

Luke 24:49

Ma rikia fasi, kwa arasia mai alaṉaia Maka nau fafi kamulua: sui muki to i la toaa susu i Jerusalema, maasia si maṉa na keki faatooni kamulua ana sukwaia ne ita mai ia.

Si do Aposela ki kera ilidaki 1:8

Ma lalae tha Spirit Abu e fula fafi kamulua, muki bii ṉalia sukwaia: ma si do mulu thaitoomana suli nau muki faamamanea i Jerusalema, ma i fanua i Judia ka sui bana ma i Sameria, ma ana si kula ne tau faamau mena i fanua nei iano.

Jone 3:27

Tha Jone e luuda, ka sorea, Ta wane sa ka ṉalia ta si do e ai, mada se ai kesi falea iana i thalo mai.

Luke 6:13

Ma si maṉa fanua e dani, nia ka ailia toa nia ne toleda isana: ma nia ka filia tee akwala ma ro nonii wane iada, na nia ka alaṉida lau boo ana aposela ki;

Luke 21:15

Uria nau kwai falea ta fokee imole bia liotooa ifamulua, na maalimae kamulua ki sui boo toto keki dora ana luu lana ma suusi lana.

Si do Aposela ki kera ilidaki 19:15

Ma spirit taa eri ka luuda, ka sorea, Tha Jesus ku thaitoomana, ma tha Polo ku thaitoomana; ma ni kamulua ni tei?

Jone 17:2

’Uria lau boo o alu nia kai inoto ana imole ni sui bana, fasi toa eki sui boo no falea naa iana, nia kai falea marukia tatha ifada.

Jone 6:70

Tha Jesus e luuda, ka una eri, Ta na sa nau ku talisi kamulua tee akwala eri ma ro nonii wane, ma tee wane iamulua na ṉa spirit taa!

Jone 3:35

Ṉa Maka ka liothau ana Kaluwane nia, me falea si do ki sui bana i abana.

Si do na kera fatai nia 12:1

Ma kera rikia bala si do baita i thalo; tee kini ne tooni ana ṉa thato, ma ṉa madami ni fara aaena, ma i la gwauna do ni eregwau ana tee tafulu fa bubulu ro fa bubulu;

Mathui 26:47

Ma si maṉa nia kai ṉata u bana, rikia fasi, tha Judasi, wane ana akwala ma ro wane ba ki, ka fula, malului wane bi nia fafia nini ni firu ma dia ki; wane inoto ni foa ki bia ulunao ana toa eki kera arasida mai.

Mathui 26:20

Ma toto e thaulafia naa, nia kai teoreri sana faṉa la bia akwala ma ro wane ne toleda;

Mathui 19:28

Ma tha Jesus ka soree isada, Mamana ku soree isamulua, na toa na mulu lae iburiaku, ana futa falu la asi maṉa na Kaluwane imole kai ono ana do ni ono la nia ana inotoa, kamulua lau boo muka ono ana tafulu fa do ni ono la ma ro fa do, muki wane ni kotu ki ana tafulu kulee toa ma ro kulee toa Isirela.

Mathui 6:13

Ma osi talai kamilia isana bae aliṉa la, oki suusi kamilia faisia tha Taa, sulaania na do oe na ṉa tooa, ma ṉa sukwaia, ma ṉa inotoa, toto si sui. Emeni.

Mathui 4:23

Ma tha Jesus e liliufia i la Galili ka sui, ka kwaifamanatai la biu ni ofu la kera ki, ma ka ṉata sulia faaroṉoa lea ana ṉa tooa, ma ka faamarukia toa na si do oro ki e thauṉida bia toa na kera matai ana mataia oro ki bana i maalutana toa eri.

Mathui 9:35

Ma tha Jesus e lae olili i la toaa susu ki ma toaa faekwa ki, kai kwaifamanatai la biu ni ofu la kera ki, ma ka ṉata sulia faaroṉoa lea ana tooa, ma kai faamarukia toa na si do oro ki e thauṉida bia toa na kera matai ana mataia oro ki bana.

Mathui 9:38

Mania muki gani ana Lord ana unii do eri, fasi nia kai arasia kau toa ni ra ki la unii do nia ne rafo.