Mathui 1:23 - Ṉa Alaofua Falu 1923 1949

²³ Rikia fasi, thari eri toto kai iana, ma kai tharea ta kaluwane, Ma keka alaṉia atha Emaniuela; ma si ṉata eri e una eri, Tha God bi kulu.

Mathui 1:23 Referans Kwoze

Fa Ṉu Abu ki 46:11

Jihova ana omea baita ki ni isakulua; God tha Jekofo na ṉa biu laṉi ifakulua. (Totoo fasi.)

Jone 1:14

Ma ṉa Baea eri ka imole, ma ka to i maalutamilia (ma mili rikia inotoa nia mala inotoa tee fa Kaluwane ṉa Maka, na nia e arasia mai), e fuṉu ana lea la ma mamana la.

Fa Ṉu Abu ki 46:7

Jihova ana omea baita ki ni isakulua; God tha Jekofo na ṉa biu laṉi ifakulua. (Totoo fasi.)

I. Timothi 3:16

Me ai ta wane si tofea na do eri ne toto thaufuni asi lio ni fare baita la atha God e baita; kera fatai nia tha God ana seena imole, kera ala fafia kokoto lana atha Spirit, angel ki kera rikia, kera ṉata sulia isana Jenetaele ki, kera fitoona i fanua nei iano, kera tataea ana inotoa.

Mathui 28:20

Muki faamanatai kera keki manatatoona si do ki sui bana asi do eki ku fafaaroṉo kamulua ania: ma lio fasi, nau ku to bi kamulua sulia boṉi, lalae ka fula ana susui lana kada nei. Emeni.

II. Timothi 4:22

Tha Lord Jesus Christ kai to bia spirit oe. Lea la kai to bi kamulua. Emeni.

Roma 9:5

Na maka ba inao ki na ṉa maka kera ki, ma Wane iada ana see imole na tha Christ, ne inoto fafia si do ki sui bana, na God na keka taṉoa toto si sui. Emeni.

II. Korinitha 5:19

Ma kwaimani la eri nania, tha God e to atha Christ ka ilia na toa na fanua nei iano kai kwaimani lau bi nia, ka ai si alaṉi kera ana abula garo la kera ki, me takofalea si baea sulia kwaimani la eri ani kamilia.

Si do Aposela ki kera ilidaki 18:9

Ma ṉa Lord ka soree isatha Polo afa rodo ana si na kera fatai lalaa ania, Osi mamau, oki ṉata, me ai osi bona:

II. Timothi 4:17

Ma sui ṉa Lord e takwe isaku, ma ka faasukwai nau; fasi suli nau si ṉata eri keki faaroṉo teefau ania, ma fasi Jenetaele ki sui boo keki roṉoi: ma kera lau nau faisia fokona laeona.

Mathui 1:24

Ma tha Josefa ka tae faisia biṉa la nia, ka ade sulaania si do na angel tha Lord e faaroṉo nia ania, ka tolea matha kwaina isana;

Roma 8:31

Sui si ta na kuki sorea sulia si do eki? Mada sa tha God kai adomi kulu, ni tei na kai maalimae iakulua?

Luke 20:44

Mania tha Defeta e alaṉia ana Lord, ma nia kaluwane nia ufita lau?