Ma tha Jesus e lae olili i la toaa susu ki ma toaa faekwa ki, kai kwaifamanatai la biu ni ofu la kera ki, ma ka ṉata sulia faaroṉoa lea ana tooa, ma kai faamarukia toa na si do oro ki e thauṉida bia toa na kera matai ana mataia oro ki bana.
Si maṉa na tha Jesus e roṉoa, nia ka kwele, ma ka soree isana toa na kera lae iburiana, Mamana ku soree isamulua, e ai kwasi fulatoona fitooa ne baita una eri, i Isirela mena ka ai.
Sulia tha Jesus, Wane i Nasaretha, na tha God e kiki nia ana gwai, ma gwai eri tha Spirit Abu ma sukwaia: ne liu fafia ili lana si do lea ki, ma ka faamarukia toa eki sui boo na tha devil e malataa anida; uria na tha God e to bi nia.
Ma tha Jesus e liliufia i la Galili ka sui, ka kwaifamanatai la biu ni ofu la kera ki, ma ka ṉata sulia faaroṉoa lea ana ṉa tooa, ma ka faamarukia toa na si do oro ki e thauṉida bia toa na kera matai ana mataia oro ki bana i maalutana toa eri.
Ma nia tatae, ka lae faisia fanua eri, ka fula i oli lana Judia ma ibali laba i Jodana: ma toa eki keki figu lau isana; ma ’uria ade la nia kai ililia, nia ka kwaifamanatai lau isada.