Mako 5:7 - Ṉa Alaofua Falu 1923 1949

⁷ Ma ka ’ai ana ’ai la baita, ka sorea, Si ta na kwai kwaimani bi oe fafia, Jesus, Kaluwane tha God ne Inoto ka tatha? Nau ku ṉata fifi isamu atha God, osi kwae fifi iaku.

Mako 5:7 Referans Kwoze

Mathui 8:29

Ma rikia fasi, kero ’ai faamau, keko una eri, Ta si ta fetei na meki kwaimani bi oe fafia, oe Kaluwane tha God? o lae mai kunei fasi oki kwae fifi iamilia asi maṉa ne ai u bana neri?

Si do Aposela ki kera ilidaki 16:17

Thari eri ka lae iburiatha Polo fai kamilia, ka’ai faamau, ka una eri, Wane nai ki na toa ni ra la ifana ṉa God ne Inoto ka tatha, na kera faaroṉo kulu ana tala ana marukia.

Jude 1:6

Ma angel ki na kesi to sulia to lada mai inao, na kera akwasia fanua kera i talaada, e kani fafia ana nailii thalo na kai to ladoa ki la maerodo maakwalia kotu baita afa boṉi baita eri.

Mathui 26:63

Ma tha Jesus ka bona bana. Ma aofia ni foa ka soree isana, Nau ku faaothi oe ana ṉa God maruki, Oko faaroṉo kamilia mada sa ni oe ṉa Christ, Kaluwane tha God.

Si do na kera fatai nia 12:12

Mania muki seethathala, thalo lo ki, ma ni kamulua na mulu to iei. Taa la kai thauṉi kamaroa fanua nei iano ma amali: uria na tha devil e sifo kau isamaroa, ana rakeiria baita, uria ne thaitoomana kasi maṉa seseka ni bana kai to sulaania.

Si do Aposela ki kera ilidaki 19:13

Ma sui tei Ju na kera liu keketo ana ṉata sukwai la isana spirit taa nai seena imole ki, keki seeraraa fasi keki sorea thatana tha Lord Jesus fafia toa eki na spirit taa ni ani kera, keka una eri, Miki ṉata fifi isamulua atha Jesus, Wane na tha Polo ka ṉata suli nia.

Luke 8:28

Ma si maṉa nia rikia tha Jesus, nia ka ’ai, ma ka aru inaofana, ma ka sorea ana ṉata la baita, Si ta na kwai kwaimani bi oe fafia, Jesus, Kaluwane tha God ne Inoto ka tatha? Ku ṉata kwaitakoi isamu, osi kwae fifi iaku.

Mako 3:11

Ma spirit taa ki, si maṉa na kera riki nia, keka asi kera iano isana, ma keki ’ai, keka una eri, Oe Kaluwane tha God.

Mathui 4:3

Ma do eri na kai bae aliṉana imole kai fula neri, kai soree isana, So ni oe Kaluwane tha God, oki sorea ṉa fau nei ki kai lioe berede.

I. Jone 3:8

Wane na ka abula taa ṉado, do tha devil nania; uria na tha devil ka abula taa ṉado ita i thafali la mai. Sulia si kula eri kera fatai nia Kaluwane tha God, fasi nia kai labatania si ra tha devil ki.

II. Pita 2:4

Sulaania mada sa tha God e ai si suusia taa la faisia angel ki si maṉa na kera abula taa, me naṉa anida keka sifo i hell, ma ka aluda i la malau rorodoa ki, keki to maakwalia kwae lada;

Mako 1:24

Ka una eri, To ana; ta si ta fetei miki kwaimani bi oe fafia, oe tha Jesus, wane i Nasaretha? o lae mai fasi oki labatai kamilia? Nau ku thaitoomamu, oe Wane Abu tha God.

Mathui 16:16

Ma tha Saimona Pita e luua, ka sorea, Oe ṉa Christ, Kaluwane ṉa God maruki.

GENESIS 3:15

Ma nau kwai alua maalimae la imaalutamaroa kini eri, ma imaalutana kwalafamu ma kwalafana; ni nia kai thau mala ana gwaumu, ma ni oe oki thau mala ana bora aena.

Hibaru ki 7:1

Sulaania wane eri na tha Melakisideke, kiṉa i Seleme mai, wane ni foa atha God ne Inoto ka tatha, ne toda atha Aberahamo si maṉa ne oli na mai buriana ne thauṉia kiṉa ba ki, ma ka alua lea la ka to fafi nia,

Hibaru ki 2:14

Mania sulaania baree wela eri ada abu bia mariko, ni nia lau boo e ṉalia seedo eri boo; fasi ana mae lana kai faaai nia ne gwauwai ana maea, na tha devil;

Si do Aposela ki kera ilidaki 8:36

Ma ana lae lada sula tale, kera fulatoona tee kafo; ma aufasu eri ka sorea, Oki rikia, tee kafo; si ta ne suusi nau fasi e ai kesi babataesi nau? [

Jone 20:31

Ma si do nei ki kera keda, fasi muki fitoona tha Jesus ṉa Christ, Kaluwane tha God; ma uria na mulu fitoo, muki maruki ana thatana.

Luke 6:35

Muki liothau ana maalimae kamulua ki, ma muki abula lea, ma muki falea si do na keki duua, musi onotoona lau ṉali lana ta si do i maana; ma kwaiara kamulua kai baita, ma ni kamulua kaluwane Nia ne Inoto ka tatha ki: uria nia kai ade lea ifana toa na kesi sore lea bia toa na kera taa.

Luke 4:34

Ka una eri, To ana! ta si ta fetei na miki kwaimani bi oe fafia, Jesus, wane i Nasaretha? o lae mai fasi oki labatai kamilia? nau ku thaitoomamu, oe Wane Abu tha God.

Luke 1:32

Nia kai baita, ma keki alaṉia ana Kaluwane Nia ne Inoto ka tatha: ma tha Lord God kai falea do ni ono la ana inotoa maka nia tha Defeta ifana:

Mako 14:61

Ma nia ka bona bana, e ai si luua ana ta si do. Ma aofia ni foa ruana ka soetoona lau, ka soree isana, Oe ṉa Christ, Kaluwane ni Nia na kera taṉoa?

Roma 16:20

Ma tha God ana enenoa kai makee alua tha Satan muki uru fafi nia. Lea la na Lord kulu tha Jesus Christ kai to bi kamulua. Emeni.

Mako 5:6

Ma si maṉa nia rikia tha Jesus ni da u mai, nia ka fita isana ma ka faabaita nia;

Mako 5:8

Uria nia soree isana, Lae mai faisia tha wane ena, oe spirit taa.

Jemesi 2:19

O faamamanea na tee God boo e to bana; o abula lea: spirit taa ki kera faamamanea lau boo, ma keka leleba.