Mako 4:8 - Ṉa Alaofua Falu 1923 1949

⁸ Ma tei fo lau ka asia i la gano lea, ka fuṉu, ka kobu ma ka baita; tei ei ka fuṉu ana ulu finitee do, tei ei ka fuṉu ana ono finitee do, ma tei ei ka fuṉu ana tee taleṉee do, fuliṉana do na kera fasidaki.

Mako 4:8 Referans Kwoze

Jone 15:5

Nau na ṉa faene, kamulua ṉa tharee do ki: wane na kai to ani nau, ma ni nau ani nia, wane eri kai fuṉu ana foee do oro ki: uria ni nau e ai faisi kamulua musi talaana ili lana ta si do.

Kolose 1:6

Ne fula isamulua; ’uria lau boo e ni ana fanua nei iano ni sui bana me fuṉu ana foee do, alafana lau boo ani kamulua, ita mai afa boṉi eri na mulu bii roṉoa ma mulu thaitoomana mamana lea la tha God;

Mako 4:20

Ma kera nai nia na kera afusida fafona gano lea; toa na kera roṉoa si baea eri, ma keki ṉalia; ma keki fuṉu ana foee do, tei ei ana ulu finitee do, tei ei ana ono finitee do, ma tei ei ana tee taleṉee do, fuliṉana do na kera fasidaki.

GENESIS 26:12

Sui tha Aesiki ka afusia foee do ki i fanua eri, ka fulatoona too tee taleṉee do fuliṉana si do ne fasidaki: ma tha Jihova ka alua lea la fafi nia.

Si do Aposela ki kera ilidaki 17:11

Liona toa eki e lea ka tatha ana Ju nai Thesalonika ki, uria na kera ṉalia si baea eri ana manatada ne thathai maakwalia, keka rofe sulia boṉi i la kekeda la abu eki, sa mado e ai do eki e mamana.

Mathui 13:8

Ma tei fo lau ka asia fafona gano lea, ma ka fuṉu, tei ei ka fuṉu ana taleṉee do, tei ei ka fuṉu ana ono finitee do, ma tei ei ka fuṉu ana ulu finitee do, fuliṉana do na kera fasidaki.

Filifae 1:11

Ma muki fuṉu asi foee do ana kokoto la, na kai fula mai atha Jesus Christ, ana inotoa tha God ma taṉo lana.

Jone 7:17

Mada sa ta wane e susuu uria ili lana si do ni nia e thathamia, nia kai thaitoomana kwaifamanataia eri, mada sa si do tha God neri, mado kwai ṉata bakua i talaaku.

Luke 8:15

Ma si do i fafona si gano lea, kera neri na kera roṉoa si baea eri ana ruruuna imole ne nunufa ma ka lea, keka rau ṉado ania, ma keka fuṉu ana foee do asi lio ni susuu la.

Luke 8:8

Ma tei fo lau ka asia i la gano lea, ka tae, ma ka fuṉu ana talaṉee do fuliṉana si do na kera fasia. Ma si maṉa nia e sorea naa si do eki, nia ka ’ai, Wane ana ta ro aliṉa uria roṉo la, nia kai roṉoi fasi.

Mathui 13:23

Ma wane na kera afusia fafona gano ne lea, nia nania na kai roṉoa si baea eri, ma ka thaitoomana, na kai fuṉu mamana boo, ka fuṉu, tei ei ana taleṉee do, ma tei ei ono finitee do, ma tei ei ulu finitee do, fuliṉana do na kera fasia.

Mako 4:7

Ma tei fo lau ka asia i maalutana kwarafifi ki, ma kwarafifi eki ka tae, ma ka tae suusia, ma ai eri e ai si fuṉu.

Mako 4:9

Ma nia ka soree isada, Wane ana ta ro aliṉa uria roṉo la, nia kai roṉoi fasi.

Efesasi 2:21

Ma biu eri sui boo, na kera lado lea ania, kai tae ani nia fasi kai biu baita abu tha God ana ṉa Lord;