Mako 4:19 - Ṉa Alaofua Falu 1923 1949

¹⁹ Ma manata baita la asi do kada nei ki, bia kaura lana inotoa ki, ma thathami lana do eeta ki kai kotho mai, kai suusia si baea eri, ka ai si fuṉu.

Mako 4:19 Referans Kwoze

I. Timothi 6:17

Oki faaroṉoa toa na kera rikii do i kada nei, kesi fare baita ani kera i talaada, me kesi lio uria do na keka rikidaki ne ai si to ṉado isada, keki manatatoo ṉado uria ṉa God maruki, na kai fale baita iakulua asi do ki sui bana fasi kuki seethathala ania;

Filifae 4:6

I la ruruumulua si ototo fufuli uria atona bana ta si do; ma asi do ki sui bana ana foa la ma ana ṉata fifi la isana bia si sore lea la muki fatai nia si do na muki ganidaki isatha God.

Mathui 19:23

Sui tha Jesus ka soree isana toa nia ne toleda, Mamana ku soree isamulua, E afetai sa ta wane ne rikii do kai kotho ana tooa i thalo.

Jone 15:2

Atona bana ta tharee do na ni ani nau ma ka ai si fuṉu ana foee do ki, nia kai ṉalia faisi nau: ma atona bana ta tharee do na ka fuṉu ana foee do ki, nia fuloa, fasi kai fuṉu ana foee do oro ka tatha.

Luke 21:34

Sui muki to kinakina ana beta lamulua la, ada ana ta si maṉa ruruumulua kai kulua asi do ne liliṉa, ma bula la na kafo bubula kai buloa imole, ma manata baita la asi do fanua nei iano ki, ma fa boṉi eri kai fula fatonamulua:

Luke 10:41

Ma tha Jesus e luua, ka soree isana, Matha, Matha, o laloma fufuli ma oko isi fufuli sulia do oro ki:

II. Pita 1:8

Sulaania mada sa si do eki ni isamulua ma ka oro, kai adea na musi seedadaola ma musi ’uria ’ai ne ai si fuṉu, uria thaitoomana lana Lord kulu tha Jesus Christ.

II. Timothi 4:10

Uria na tha Dimasi e akwasi nau, sulaania nia thathamia si do kada nei ki, e lae uri Thesalonika; tha Keresenasi uri Galesia, tha Taetasi uri Dalamesia.

Jude 1:12

Toa eki neri ne ’uria gwa mai ne to thaufuni ki ana fafaṉa kamulua ki ana liothau la si maṉa na kera faṉa bi kamulua, ma kesi mau ana thare lada la i talaada; si datha ne ai ta si kafo iei, na thauthau kai taria; ’ai ne ai si fuṉu ki asi maṉa na unii do kai rafo, na ka mae ana ro fa mae la, kera lafu fa lalida;

Mathui 3:10

Ma si maṉa eri mena kera alua naa matau e teo naa sana laila ’ai ki: mania ’ai ni sui bana ne ai si fuṉu ana foee do lea, keka kasia, ma keka naṉa ania i la era.

Mathui 13:22

Ma wane na kera afusia maalutana kwarafifi ki, nia nania na kai roṉoa si baea eri; ma manata baita la ana si do kada nei ki, bia kaura lana inotoa ki, kai suusia si baea eri, ma nia ka ai si fuṉu.

Mako 4:18

Ma kera nai nia na kera afusida i maalutana kwarafifi ki; toa na kera roṉoa si baea eri,

Roma 12:2

Ma musi abula ’uria abula lana unii wane nai maṉa eri: keki alu kamulua muki eeta uria manatamulua na kera adea e falu, fasi muki ilitoona si do na tha God e thathamia ne lea, ma do na kera ala fafia, ma ka sukwai teefau.

Efesasi 2:2

Na mulu abula sulia dini mai inao sulia si maṉo eri na ni ana toa na fanua nei iano, suli nia ne inoto ana toa gwauwai eki i la mamatalea, spirit na ka ra si maṉa eri i lala unii wane na kera ade faisia si ṉata;

Efesasi 6:12

Sulaania do ana mariko ma abu e ai na kulu kwaikwairaui bia, toa inoto eki molo, toa sukwai eki, toa gwauwai fafia si kada nei ana maerodo nei, omea spirit taa ki nai thalo.