Mako 3:10 - Ṉa Alaofua Falu 1923 1949

¹⁰ Uria nia e faamarukia toa oro; adedea toa na kera matai ana mataia oro ni bana kera beresi nia fasi keki sua nia.

Mako 3:10 Referans Kwoze

Mako 6:56

Ma fanua ifei na nia ka fula iei, i la toaa faekwa ki, mado i la toaa susu ki, mado i fanua na ṉadee si toaa ni iei, kera alua toa na kera matai keki teo isana usia ki, ma kera ṉata kwaitakoi isana fasi mado e ai keka suana boro so talitoona tagwarana tooni nia ni mena: ma toa eki na kera sua nia kera maruki.

Mathui 14:36

Ma kera ṉata kwaitakoi isana fasi mado e ai keka suana talitoona tagwarana tooni nia ni bana: ma toa eki na kera sua nia kera maruki.

Mathui 4:23

Ma tha Jesus e liliufia i la Galili ka sui, ka kwaifamanatai la biu ni ofu la kera ki, ma ka ṉata sulia faaroṉoa lea ana ṉa tooa, ma ka faamarukia toa na si do oro ki e thauṉida bia toa na kera matai ana mataia oro ki bana i maalutana toa eri.

Si do Aposela ki kera ilidaki 5:15

Adedea keka ṉalia naa mataia ki uria sula tale ki, keka aluda keki teo i la thamataia ki ma do ni teo la ki, fasi, si maṉa nia tatha, boro sa nuna mena tha Pita kai nunufia ta imole iada.

Luke 7:2

Ma tee senitiurione wane ni ra nia, na nia e liothau ania, e matai ma karaṉia kai mae naa.

Hibaru ki 12:6

Uria na wane na tha Lord ka liothau ania, wane nia kai kwaea ana faaoolo lana neri, Ma kai kwae tataria ana suila ni tei ne thathagonia mai kai kaluwane ania.

Mako 5:34

Ma nia ka soree isana, Thari nau ae, fitooa oe e faamaruki oe; oki lae ana eneno la, ma oki maruki naa faisia do ne thathauṉi oe.

Mathui 14:14

Ma tha Jesus e lae mai, ka rikia malului wane baita, ma nia tatakomida, ma ka faamarukia toa iada na kera matai.

Mathui 12:15

Ma si maṉa na tha Jesus e thaitoomana, nia ka lae nana faisia kula eri: ma toa oro kera lae iburiana; ma nia faamarukida ka sui,

GENESIS 12:17

Ma tha Jihova ka alua unii taa la baita ki ka to fafia tha Fero ma toa na i maafera nia inunufana ni Serai, kwaina tha Aberamo.

Mako 8:22

Ma nia lae mai uri Betheseida. Ma keka talaia mai tee wane maane rodo isana, kera ṉata kwaitakoi isana sa nia ka suana.

Luke 5:3

Ma nia ka tae i la ta foorua ana do eki, na do tha Saimona, ma ka sorea sa nia kai idu faekwa ania faisia i thara. Ma nia ka ono i la foorua ka kwaifamanatai isana toa eki.

Luke 6:19

Ma malului wane eki sui keka rofe uria sua lana: uria na sukwaia e lae faisi nia, ma ka faamarukida sui boo.

Luke 7:21

Ma asi kadee maṉa eri boo nia ka faamarukia toa oro faisia feda la ki ma si do ne thauṉida ma spirit taa ki; ma toa oro na maade rodo nia ka adea maada ka laa.