Mako 2:16 - Ṉa Alaofua Falu 1923 1949

¹⁶ Ma wane ni kekeda ki ana Farisi ki, si maṉa na kera riki nia ka faṉa bia wane na kera ṉalia takisi ki bia toa na kera abula taa, keki soree isana toa nia ne toleda, Uria ta na nia kai faṉa ma kai kuu ana bia wane na kera ṉalia takisi ki bia toa na kera abula taa?

Mako 2:16 Referans Kwoze

Luke 19:10

Uria na Kaluwane imole e fula uria rofe lana ma faamaruki lana si do ne lalae garo.

Luke 18:11

Farisi eri e takwe kai foa una eri ana i talaana, God ae, ku sore lea tale oe, na nau kwasi ’uria oroṉana toa, toa na keki laulau, toa na kesi kokoto, toa na kera oe, ma wane nei ni ṉali lana takisi ki mena e ai kwasi ’uria.

I. Korinitha 2:15

Ma wane tha Spirit ka ṉata mala wane ni kotu sulia si do ki sui bana, me ai ta wane si ṉata una eri suli nia.

Si do Aposela ki kera ilidaki 23:9

Ma kera ṉaluṉalu faamau: ma tai wane ni kekeda ana Farisi ki keka takwe ia, keka ṉata ni firua, keka una eri, Kamilia e ai misi fulatoona ta si do ne taa ana wane nai: ma mada sa tee spirit e ṉata isana mado tee angel, e ai si lea sa kuki firu bia tha God.

Luke 19:7

Ma si maṉa na kera rikia, kera sui boo keka uubulu taa, keka una eri, Nia e lae kai to si ana bia wane ne abula taa.

Hibaru ki 12:3

Mania muki onotoona Wane ne susuu ana oli susuu la baita eri na toa ana abula taa la kera firu ania bi nia, fasi e ai musi feda, i la ruruumulua si mamaketho.

Mako 2:7

Uria ta na wane nei kei ṉata una eri ana fare toliṉi lana tha God? ni tei ne farana manata lube lana abula taa la ki? ta na sa tee tha God boo.

Mathui 18:17

Sui mada sa nia lalakwee roṉoa ṉata lada, oki faaroṉoa ana figua: sui mada sa nia lalakwee roṉoa lau boo ṉata lana figua eri, oki riki nia ka ’uria bana Jenetaele ma wane na ka ṉalia takisi ki.

Mathui 9:11

Ma si maṉa na Farisi ki kera rikia, keka soree isana toa nia ne toleda, Uria ta na Wane ni kwaifamanatai kamulua kai faṉa bia wane na kera ṉalia takisi ki, ma toa na kera abula taa?

Mathui 5:46

Uria na mada sa muki liothau ana toa na keki liothau iamulua, nifenia kwaiara kamulua? ta na sa toa na kera ṉalia takisi ki keki ade lau boo una eri, mado?

Mako 2:15

Ma lalae mai, si maṉa na tha Jesus kai teoreri kai faṉa ana i la biu tha Lifae, wane oro na kera ṉalia takisi ki bia toa oro na kera abula taa keki teoreri lauboo isatha Jesus bia toa nia ne toleda: uria toa eki kera oro, ma keka lae mai iburiana.

Luke 5:30

Ma wane ni kekeda kera ki bia Farisi ki keka uubulu taa uria toa nia ne toleda, keka una eri, Uria ta na muki faṉa ma muki kuu bia wane ni ṉali lana takisi ki ma toa na kera abula taa?