Mako 13:9 - Ṉa Alaofua Falu 1923 1949

⁹ Ma muki to kinakina ana beta lamulua la: uria na toto keki fale kamulua ifana ofu la ki; ma keki kwae kamulua i la biu ni ofu la ki; ma toto keki talai kamulua inaofana wane inoto ki ma kiṉa ki inunufaku, uria faamamane la isadalua.

Mako 13:9 Referans Kwoze

Jone 16:2

Keki arasi kamulua muka lae faisia biu ni ofu la ki: iu, si kadee maṉa lalae kai fula, na ni tei bana na kai thauṉi kamulua manatana do sa kai ra ifatha God.

Mako 13:5

Ma tha Jesus e luuda, ka bii soree isada, Muka fia ada ta wane kai talai garo ani kamulua.

Si do na kera fatai nia 2:13

Nau ku thaitoomana si ra oe ki, ma si kula no to mai iei, fuila do ni ono la tha Satan ana inotoa nia neri: mo rau ṉado ana thataku, ma osi sorea o dora bamua asi do eki no fitoona suli nau, asi maṉa ba mena na tha Adipasi e to u, wane nau ana faamamane lana si do ne thaitoomana suli nau, ma wane fitoo nau, na kera thauṉia i maalutamulua, asi kula na tha Satan ka to mai iei.

Si do na kera fatai nia 2:10

Osi mau ana taa la eki na toto oki to ania: rikia fasi, e ai si tau na tha devil kai suia tai toa iamulua uri la lokafu, fasi keki ilitoomulua; ma muki to ana taa la sulia tafulu fa boṉi. Oki to mamana boo uria maea, kwai falea do ni eregwau ana marukia ifamu.

Si do na kera fatai nia 1:9

Nau tha Jone, dooramulua ma wane ku ṉalia lau boo ta si ana to la eri ana taa la bi kamulua ma tooa eri ma si lio ni susuu la na ni atha Jesus Christ, nau ku to ana auua na kera alaṉia ani Patamosi, uria bae lana tha God ma si do na tha Jesus Christ e faamamanea.

II. Thesalonika 1:5

Si do na ka fatai lalaa asi do kokoto na tha God na Wane ni Kotu kai sorea; fasi manatana na ni kamulua muki farana tooa tha God, si do na mulu to ana taa la inunufana:

Filifae 1:29

Sulaania kera falea si kula eri iamulua inunufatha Christ, talitoona na muki fitoona e ai, na muki to ana taa la lau boo inunufana:

Si do Aposela ki kera ilidaki 21:11

Ma nia ka fula isamilia, ka ṉalia si do na tha Polo e ali nia ania, ka kani fafia ro ae nia ki ma ro aba nia ki i talaana, ma ka sorea, Tha Spirit Abu ka sorea, Ju nai Jerusalema ki keki kani una eri ana wane ne ana ana do ni ali lana ana imole nania, ma keki fale nia i abana Jenetaele ki.

Si do Aposela ki kera ilidaki 9:16

Uria ni nau kwai fatai nia do baita oro isana na kai thauṉi nia e ai si ei boo inunufana thataku.

Si do Aposela ki kera ilidaki 7:54

Ma si maṉa na kera roṉoa si do eki, ka fi i ruruuda ’uria sa kera furia, ma keka ṉiṉita ere uri nia.

Jone 15:20

Muki onotoona si baea ba na nau ku soree isamulua, Wane ni ra e ai si baita si tatha ana wane inoto nia. Mada sa kera tona ilamatai nau, keki tona ilamatai kamulua lau boo; mada sa kera ade sulia bae laku, keki ade lau boo sulia bae lamulua.

Luke 9:5

Ma ni tei bana na kai lalakwee thathagoni kamulua, si maṉa na muki lae faisia toaa susu eri, muki tagaraṉai nia gegeona theegano faisia lofo aemulua ana faamamane la suli kera.

Mako 6:11

Ma ni tee bana ne ai si thathagoni kamulua, ma ka ai si roṉoa bae lamulua, si maṉa na muki lae faisia fanua eri, muki tagaraṉai nia gegeona theegano faisia lofo aemulua ana faamamane la isada. Mamana ku soree isamulua, Si do taa na kai uria i Sodomo ma i Gomora kai faekwa asi do taa na kai uria toaa susu eri afa boni ana kotu baita.

Mako 1:44

Ma nia soree isana, Ada oko sorea ta si isata wane: lae kamua, oko fatai oe isana wane ni foa, ma oki falea si do ba ki na tha Mosesi e sorea maana faafalu lamu, ana faamamane la isada.

Mathui 5:22

Ma ni nau ku soree isamulua, Ni tei na kai tona rakeiri uria doorana kai to karaṉia kotu; ma ni tei bana na kai soree isana doorana, O wane oewanea, kai to karaṉia ofu la; ma ni tei bana na kai sorea, O wane oewanea bonaa, kai to karaṉia hell ana era.

Mako 13:8

Uria na toa ata fanua toto keki tatae keki firu bia toa ata fanua, ma toa ta wane inoto keki firu bia toa ta wane inoto: ma anunu kai liu ata fanua ma ta fanua na mai; ma unii thaofa ki ma taa la ki kai tatha: si do eki thafali lana bana fiwela la.

II. Jone 1:8

Beta suli kamulua, fasi si do na kulu ra naa anidaki e ai si aana faisi kulu, ma fasi kuki ṉalia foli lakulua na kai talaana.