Mako 13:7 - Ṉa Alaofua Falu 1923 1949

⁷ Ma toto muka roṉoa omea ki ma faaroṉoa ana omea ki, musi mamau: uria na kera to’oa u boo sa do eki kai lae mai e ai si ei; ma susui lana si do e ai u bana.

Mako 13:7 Referans Kwoze

Jone 14:27

Enenoa ku akwasia isamulua; enenoa nau, kwai falea iamulua: ’uria fale lana fanua nei iano e ai, kwai falea iamulua. I la ruruumulua si tataa, ma ka ai si mamaula.

Si do Aposela ki kera ilidaki 17:3

Ka fatai nia maalutana ma ka sorea, na ṉa Christ e to’oa boo fasi kai to ana taa la, ma kai tatae lau faisia toa mae ki. Ma tha Jesus, Wane eri na nau ku faaroṉo kamulua ania (ṉata lana neri) na ṉa Christ.

Mathui 18:7

Taa la kai thauṉia fanua nei iano sulaania si do ni faataofai la ki! uria na kera to’oa u boo sa si do ni faataofai la ki kai fula; sui taa la kai thauṉia wane eri na si do eki kai fula sulaania!

Fa Ṉu Abu ki 112:7

Nia sa ka mau asi faaroṉoa taa, e a’i: ruruune ṉado bana, ka fitoona tha Jihova.

Fa Ṉu Abu ki 27:3

Boro sa omea baita keka to mena ada i la biui‐maku kera ki uria firu la bi nau, ruruuku sa ka mau e a’i: sa keka tae mena ana firu la bi nau, asi maṉa una eri mena nau kwai seeraraa bakua.

Jone 14:1

I la ruruumulua si tataa: mulu fitoona tha God, fitooku lau boo.

Mathui 2:3

Ma si maṉa na tha Heroda ṉa kiṉa eri e roṉoa, nia ka isi fufuli, ma toa nai Jerusalema sui boo bi nia.

Mako 13:6

Uria na toa oro toto keki lae mai ana thataku, keki una eri, Nau ni nia; ma keki talai garo ana toa oro.

Mako 13:8

Uria na toa ata fanua toto keki tatae keki firu bia toa ata fanua, ma toa ta wane inoto keki firu bia toa ta wane inoto: ma anunu kai liu ata fanua ma ta fanua na mai; ma unii thaofa ki ma taa la ki kai tatha: si do eki thafali lana bana fiwela la.