Mako 13:11 - Ṉa Alaofua Falu 1923 1949

¹¹ Ma lalae keki talai kamulua, ma keki fale kamulua, musi laloma fufuli totonao uria si do na toto muki sorea; ma musi thathaia ṉata lamulua totonao: ta si ta na keki falea si kadee maṉa eri, do eki muka sorea: uria ni kamulua e ai na muki ṉata neri, tha Spirit Abu ana.

Mako 13:11 Referans Kwoze

Si do Aposela ki kera ilidaki 6:10

Ma kesi sukwai ana duu lana liotooa eri ma tha Spirit na nia ṉata mania.

I. Pita 1:12

Toa na kera fatai nia si kula eri isada, na fani kera e ai, fani kamulua fetei, na kera ra asi do eki, na toa na kilu ṉata sulia si faaroṉoa lea isamulua atha Spirit Abu na kera arasia mai thalo kilu faaroṉo kamulua ania; si do na aini angel ki keka thathamii lio i lala.

I. Korinitha 2:13

Ma si do eki mika ṉata lau boo sulia, ana si baea na liotooa imole ka tooa isamilia e ai, asi baea na tha Spirit ana e tooa; mili faaroṉo asi do tha Spirit ki asi ṉata tha Spirit ki.

Jemesi 1:5

Mada sa ta wane iamulua manata lea la ka ai faisi nia, kai gania atha God, na ka fale baita ifana imole ki sui bana ma ka ai si soreda; ma keki falea ifana.

Efesasi 3:5

Na kesi faaroṉo ania ana wela wane ana unii wane nai nao ki, alafana si do na kera fatai nia si maṉa eri isana aposela abu nia ki ma porofeta ki atha Spirit;

Si do Aposela ki kera ilidaki 4:31

Ma buriana na kera foa, si kula eri na kera figu mai iei ka igiigi; ma kera faafuṉua toa eki sui boo atha Spirit Abu, ma keka seeraa ana ṉata la sulia bae lana tha God.

Si do Aposela ki kera ilidaki 2:4

Ma kera faafuṉua toa eki sui boo atha Spirit Abu, keka bii ṉata asi ṉata la eeta ki, sulia si ṉata na tha Spirit e faaṉata kera ania.

Si do Aposela ki kera ilidaki 3:13

God tha Aberahamo, ma tha Aisaka, ma tha Jekofo, God maka kulu ba inao ki, e faainotoa Kaluwane nia tha Jesus; Wane eri na mulu alamai nia, ma mulu sorea inaofatha Paelate na mulu dora bamulua ani nia, si maṉa manatana sa nia kai lubea ka lae.

Jone 3:27

Tha Jone e luuda, ka sorea, Ta wane sa ka ṉalia ta si do e ai, mada se ai kesi falea iana i thalo mai.

Mako 13:9

Ma muki to kinakina ana beta lamulua la: uria na toto keki fale kamulua ifana ofu la ki; ma keki kwae kamulua i la biu ni ofu la ki; ma toto keki talai kamulua inaofana wane inoto ki ma kiṉa ki inunufaku, uria faamamane la isadalua.

Mathui 10:17

Muki fia imole: uria na toto keki fale kamulua ifana ofu la ki, ma keki kwae tataria ana sulimulua i la biu ni ofu la kera ki;

Si do Aposela ki kera ilidaki 7:55

Ma ni nia, na kera faafuṉu nia atha Spirit Abu, ka lio tete uri thalo lo, ka rikia inotoa tha God, ma tha Jesus kai takwe ana aba aola tha God,

Si do Aposela ki kera ilidaki 6:15

Ma toa eki sui boo na kera ono ana ofu la eri, kera lio tete uri nia, keka rikia maana ’uria sa maana angel.

Mako 13:12

Ma wane kai falea doorana uria mae la, ma wane ana wela kai falea kaluwane nia; ma ta baree wela keki lalakwatania maka kera ki bia thainada kera, ma keki adea na keki thauṉida.

Luke 21:12

Ma si do totonao sui do eki ka bii fula, keki rau ani kamulua, ma keki tona ilamatai kamulua, keki fale kamulua ifana biu ni ofu la ki ma lokafu ki, keki talai kamulua inaofana kiṉa ki ma wane gwauwai ki inunufana thataku.