Mako 11:1 - Ṉa Alaofua Falu 1923 1949

¹ Ma si maṉa na kera fula karaṉia Jerusalema, keka tatha fasi karaṉia i Bethefage ma i Bethani, isana gwa tolo i Olifesi, nia ka arasia ro wane ana toa nia ne toleda,

Mako 11:1 Referans Kwoze

Jone 8:1

Tha Jesus e lae uria gwa tolo i Olifesi.

Si do Aposela ki kera ilidaki 1:12

Sui kera oli kau uri Jerusalema faisia gwa tolo eri na kera alaṉia ani Olifeta, si kula na ni karaṉia Jerusalema, ’uria lae la na kera alamatania imole kai lae sulia afa boṉi mamaloa.

Mako 14:13

Ma nia e arasia ro nonii wane ana toa nia ne toleda, ka soree isada, Moki lae i la toaa susu, ma toto tee nonii wane kai toda ani kamaroa, kai ṉalia do kafo ni iei: moki lae iburiana;

Mako 6:7

Ma nia ailia mai akwala ma ro wane eki isana, ma ka bii arasida too ro wane iada; ma ka falea sukwaia iada fafia spirit taa ki;

Mathui 26:30

Ma buriana na kera ṉulia tee fa ṉu e sui, keki kotho i maa, keki lae uria gwa tolo i Olifesi.

Mathui 24:3

Ma si maṉa nia kai ono sulia gwa tolo i Olifesi, toa ne toleda kera fula isana tee kera, keka una eri, Oki faaroṉo kamilia, do eki kai mamana iaṉita? ma nifenia bala ana fula lamu, ma susui lana kada nei?

Mathui 21:17

Ma nia akwasida, ma ka lae kau faisia toaa susu eri, ka lae uri Bethani, ma ka to i fanua eri.

Mako 13:3

Ma si maṉa nia kai ono sulia gwa tolo i Olifesi otofana biu baita eri, tha Pita ma tha Jemesi ma tha Jone ma tha Adaru, talifili kera, keka soetoona,

Mako 11:2

Ka soree isada, Moki lae i la toaa faekwa na ni otofamaroa: ma si maṉa eri u boo na moka fula iei, do moki fulatoona tee kalee ase na kera kania, na ta wane si ono u i suila; lubea, moki talaia mai.