Mako 1:5 - Ṉa Alaofua Falu 1923 1949

⁵ Ma toa na fanua i Judia sui boo kera lae isana, bia toa i Jerusalema; ma nia ka babataesida ka sui boo i la kafo i Jodana, keka faaroṉo ana abula taa la kera ki.

Mako 1:5 Referans Kwoze

Si do Aposela ki kera ilidaki 19:18

Ma toa oro ana toa na kera fitoo sui naa keka lae mai, keka faaroṉo lalaa ana abula taa lada, ma keka fatai nia.

Si do Aposela ki kera ilidaki 2:38

Ma tha Pita e soree isada, Muki akeletania manatamulua, ma keki babataesi kamulua, ta wane iamulua si ei, ana thatana tha Jesus Christ uria doanita la ana abula taa la kamulua ki; ma muki bii ṉalia si do na kera tona falea na tha Spirit Abu.

Jone 3:23

Ma tha Jone e babataesi lau boo i Aenona karaṉia i Salima, uria na kafo oro ni iei: ma kera lae mai, nia ka babataesida.

Jone 1:28

Kera ilia si do eki i Bethabara ibali laba i Jodana, asi kula na tha Jone e babataesi iei.

Mathui 4:25

Ma malului wane keka lae iburiana, kera toto mai i Galili, i Dikapolisi, i Jerusalema, i Judia ma ibali laba i Jodana.

Fa Ṉu Abu ki 32:5

Nau ku faaroṉo oe lalaa ana abula taa laku, me a’i kwasi thaufunia abula laku asi do kera lufia: nau ku una eri, Nau kwai fatai lalaa ana abula garo laku isatha Jihova; ma ni oe o manata lube nau ana abula laku asi do kera lufia, ana abula taa laku neri. (Totoo fasi.)

Mako 1:4

Tha Jone e babataesi la fanua kwasi, ma ka ṉata sulia babataesi la ana manata akele la uria doanita la ana abula taa la ki.

Mako 1:6

Ma tha Jone e tooni ana ifuna kamela, ma tee uṉee do i litana, ma nia ka ania siko ki ma dudualiṉa.

Jone 5:35

Wane eri na ṉa laeta ne tharu ma ka laa: ma ni kamulua mulu thathamia muki seethathala ta kasi maṉa faekwa ana laa lana.

Jemesi 5:16

Muki faaroṉo kamulua kwailiu ana abula garo lamulua ki, ma muki foa kwailiu uri kamulua, fasi keki faamaruki kamulua. Wane kokoto, ṉata fifi la nia ana foa la, na nia kai ra ania, kai sukwai faamau.