Mako 1:21 - Ṉa Alaofua Falu 1923 1949

²¹ Ma kera lae uri Kapaneama; ma si maṉa eri u boo ana fa boṉi mamaloa nia kotho i la biu ni ofu la, kai kwaifamanatai.

Mako 1:21 Referans Kwoze

Mako 6:2

Sui lalae fula afa boṉi mamaloa, nia ka bii kwaifamanatai la biu ni ofu la: ma toa oro kera roṉoa, keka tona, keka una eri, Ifei mai wane nei e ṉalia do eki iei? ma, Si liotooa ta na kera falea ifana, na ra sukwai una eki mena keki ilia ana abana?

Mako 1:39

Ma nia ka ṉata i la biu ni ofu la kera ki ta si kula si ei boo i Galili, ma ka arasia spirit taa ki.

Mathui 4:23

Ma tha Jesus e liliufia i la Galili ka sui, ka kwaifamanatai la biu ni ofu la kera ki, ma ka ṉata sulia faaroṉoa lea ana ṉa tooa, ma ka faamarukia toa na si do oro ki e thauṉida bia toa na kera matai ana mataia oro ki bana i maalutana toa eri.

Si do Aposela ki kera ilidaki 17:2

Ma tha Polo, si ade la nia na kai ililia ṉado neri, ka kotho isada, ma ulu fa boṉi mamaloa ki ka kwaifamanatai ana kekeda la abu ba ki isada,

Si do Aposela ki kera ilidaki 18:4

Ma nia kwaifamanatai la biu ni ofu la afa boṉi mamaloa ki, ta fa boṉi si ei, ka thathamii bulasia ruruuna Ju ki ma toa i Girisi ki.

Mathui 4:13

Me akwasia i Nasaretha, lalae mai ka to i Kapaneama, fanua ni fafo asi, i oli lana Sebiulona ma i Nafatalae:

Luke 13:10

Ma nia kai kwaifamanatai i la ta biu ana biu ni ofu la ki afa boṉi mamaloa.

Luke 10:15

Ma ni oe, Kapaneama, na kera kwau oe ia uri thalo, keki sifo fafi oe uri fanua toa mae ki.

Luke 4:16

Ma nia ka fula i Nasaretha, fanua ne toto iei ka baita: ma ’uria biraṉana naa, nia ka kotho i la biu ni ofu la afa boṉi mamaloa, ma ka takwe fasi kai teemai.

Mako 10:1

Ma nia tatae, ka lae faisia fanua eri, ka fula i oli lana Judia ma ibali laba i Jodana: ma toa eki keki figu lau isana; ma ’uria ade la nia kai ililia, nia ka kwaifamanatai lau isada.

Mako 2:1

Sui aṉee fa boṉi buriana nia lae lau uri Kapaneama, ma keka roṉoa na nia e ni la biu eri.

Mako 1:20

Ma si maṉa eri u boo nia ka ailida: ma kero akwasia maka keroa na tha Sebede i la foorua bia toa ni ra ki na kera usida, ma keko lae iburiana.

Mako 1:29

Ma si maṉa eri u boo, na kera kotho mai faisia biu ni ofu la eri, keka kotho i maafera tha Saimona ma tha Adaru, bia tha Jemesi ma tha Jone.

Mako 1:33

Ma toa na toaa susu eri sui boo kera figu i maana olofolo.

Mako 3:1

Ma nia e kotho lau i la biu ni ofu la; ma tee wane ka ni kula eri na abane mae.

Luke 4:23

Ma nia ka soree isada, Toto si ei boo do muki tarifula asi tarifula nei uri nau, Doketa ena, oki faamaruki oe i talaamu: atona bana si do na mili roṉoa kera ilia i Kapaneama, oki ilia lau boo kunei i fanua oe u boo.