Luke 9:26 - Ṉa Alaofua Falu 1923 1949

²⁶ Uria ni tei bana na kai seenoni suli nau ma sulia bae laku, Kaluwane imole kai seenoni lau boo suli nia, si maṉa na nia kai lae mai ana inotoa nia i talaana, ma inotoa ṉa Maka, ma angel abu ki.

To'abaita Scripture NT

²⁶ Ma mada sa ta imole ka se'enoni 'ani nau bia ba'elaku, na kaluwane imole kai se'enoni la'u bo'o 'ani nia 'ana si manga nia kai fula mai 'ana 'inotoa nia, ma 'inotoa Maka ma 'ensolo abu ki la'u bo'o.

Luke 9:26 Referans Kwoze

II. Timothi 2:12

Mada sa kuka susuu, toto kuki inoto lau boo bi nia: mada sa kuka sorea kulu dora bakulua iana, nia toto kai sorea e dora lau bana iakulua:

Roma 1:16

Sulaania e ai kwasi seenoni asi faaroṉoa lea tha Christ: uria sukwaia tha God ana marukia neri fani tei na kai fitoo; ṉa Ju totonao, ma ṉa wane i Girisi ni lau boo.

Mako 8:38

Mania ni tei bana na kai seenoni suli nau ma kai seenoni sulia bae laku maalutana unii wane nei na kera oe ma kera abula taa, Kaluwane imole kai seenoni lau boo suli nia, si maṉa na nia kai lae mai ana inotoa Maka nia bia angel abu ki.

Si do na kera fatai nia 21:8

Ma toa ana mau la, ma toa ana fitala la, ma toa ni mamagu la anida, ma toa ni thauwane la, ma toa ni oe la, ma toa ni ra la ana sukwaia spirit taa ki, ma toa na kera foa ana god eeta ki, ma toa ni lole la ki sui bana, keki fulatoona si do kera ki asi kula ne ’uria gwa kafo baita me fuṉu ana era ma do thasuna ka makwafifi; ruana fa maea neri.

Mathui 16:27

Sulaania Kaluwane imole kai lae mai ana inotoa Maka nia bia angel nia ki; ma asi maṉa eri nia kai kwaiaraṉai nia wane ni sui bana sulia abula lada.

Mathui 25:31

Lalae Kaluwane imole kai lae mai ana inotoa nia, ma angel ki sui bana bi nia, asi maṉa eri nia kai ono ana do ni ono ana inotoa nia:

Jone 12:43

Uria na kera thathamia inotoa ita ana wane ki ka tatha ana inotoa ita atha God.

Si do na kera fatai nia 20:11

Ma nau ku rikia do baita kwakwaoa ni ono la ana inotoa, ma ni nia ne ono ania, ma fanua nei iano ma thalo lo ka thaka faisia maana; ma kesi fulatoona lau ta si kula ifada.

Jude 1:14

Ma sulia wane eki tha Inoka lau boo, fiuna unii wane ita mai atha Adam, e ṉata mala porofeta, ka una eri, Rikia fasi, ṉa Lord e lae mai bia toa abu nia ki na eta eta ka dora,

II. Timothi 1:12

Ma sulia si do eri lau boo ku to ana taa la eki: sui e ai kwasi seenoni; uria nau ku thaitoomana ni nia na nau ku fitoona sui, ma nau ku thaitoomana boo na nia e sukwai fasi kai beta si do nau ku takofale nia ania maakwalia fa boṉi eri.

Si do na kera fatai nia 3:5

Wane na si nia kai tatha keki tooni nia ana tooni kwakwaoa ki; ma nau e ai dodoloa kwa usua thatana faisia ṉa buka ana marukia, ma nau kwai faamamanea thatana inaofana Maka nau, ma inaofana angel nia ki.

Si do na kera fatai nia 1:7

Rikia fasi, nia kai lae mai la datha; ma toa na fanua ni sui bana keki riki nia ana maada, ma wane eki na kera labukwadaṉi nia lau boo; ma kulee toa eki sui bana ana fanua nei iano keki tatao uri nia. Iu, Emeni.

Galesia 6:14

Ma ni nau ku lalakwa faamau ana faabaita laku la fafia ta si do eeta lau, talitoona bana ’ai rarafolo na Lord kulu tha Jesus Christ, si do na kera fota fafia si do ana fanua nei iano ki ania faisi nau, ma ni nau faisia si do ana fanua nei iano ki.

Mathui 26:64

Tha Jesus ka soree isana, Oi sorea: una ena mena, ku soree isamulua, Too asi maṉa eri do toto muki rikia Kaluwane imole kai ono ibali aba aola ana sukwaia, ma kai lae mai fafona datha lo ki i thalo.

Hibaru ki 13:13

Mania kuki lae kau isana faisia toaa eri, kuki susuu ana ṉata taa la na kera ṉata taa ania uri nia.

Hibaru ki 11:26

Manatana na ṉata taa la na kera ṉata taa ania uria tha Christ do nia rikii do ania ka tatha ana ogogonia i Ijifita ki: sulaania e lio uria kwaiara eri.

II. Korinitha 12:10

Mania nau ku seethathala uria feda la, uria fare faekwa la ki, uria rofe la ki, uria tona ilamatai la ki, uria fualaṉa ki, inunufatha Christ: sulaania si maṉa nau ku feda, si maṉa ku sukwai neri.

Jone 5:44

Muki fitoo ufita, toa na muki faainoto kamulua kwailiu, ma inotoa ne ita atha God tee nia e ai musi rofea?

Si do Aposela ki kera ilidaki 10:22

Ma keka sorea, Tha Koneliasi ṉa senitiurione, wane kokoto ma wane ne mau atha God, na Ju ki sui bana kera ala fafi nia, tha God e faaroṉo nia ana angel abu sorea kai kwaiarasi iburiamu, oki lae uri biu nia, oki faaroṉo asi baea.

I. Timothi 5:21

Nau ku faaroṉo oe inaofatha God, ma tha Lord Jesus Christ, ma angel eki na kera filida oki ade sulia si do eki, si do na manatamu e toea i talaamu ka ai faisia, osi ilia boo ta si do uria bana o rikia ta wane ka lea.