Luke 6:30 - Ṉa Alaofua Falu 1923 1949

³⁰ Oko fale ani tei na kai gani oe; ma wane na kai ṉalia si do oe ki, osi gania lau uria.

To'abaita Scripture NT

³⁰ 'Oko fale 'ana imole ki na kera gani 'oe ura ta si doo, ma mada sa ta imole ka ngalia ta si doo 'amu'a, a'i 'osi gania la'u ura olita'ilana fasi nia.

Luke 6:30 Referans Kwoze

II. Korinitha 8:9

Sulaania mulu thaitoomana lea la Lord kulu tha Jesus Christ, na, boro sa nia ka rikii do mena, e toto ana rofe la uri kamulua, fasi ana rofe la nia eri ni kamulua muki rikii do.

Si do Aposela ki kera ilidaki 20:35

Asi do ki sui bana abula laku e dodoloa, fasi muki lio sulia, muki thaitoomana e kokoto na muki ulafu una eri, muki rausualia toa na kera feda ki, ma muki onotoona bae lana tha Lord Jesus, na talani nia e sorea, Imole na kai faledo, kai lea iana ka tatha ana imole na kai ṉalia.

Mathui 6:12

Ma oki manata lube kamilia ana abula taa la kamilia ki, ’uria lau boo na miki manata lube kera na kera abula taa iamilia.

Luke 18:22

Ma si maṉa na tha Jesus e roṉoa si do eki, nia ka soree isana, Tee do e ai u faisi oe: oki usi asi do oe ki sui boo no rikidaki, ma oki toliṉia faisia toa na kesi rikii do, ma toto oki rikia ogogonia i thalo: ma lae mai, oki lae iburiaku.

Fa Ṉu Abu ki 41:1

Lea iana, wane eri na ka onotoona toa inamae ki: tha Jihova kai suusi nia afa boṉi ana taa la.

Luke 12:33

Muki usi asi do na mulu alua, ma muki tona faledo ifana toa na kesi rikii do; muki thauwai nia wai ni alumalefo ifamulua na toto si lafu, ṉa ogogonia i thalo lo ki mai na toto si sui, si kula na wane na kai bili si fula karaṉia, ma fufuru si labatania.

Luke 11:41

Ma sui muki tona fale asi do na mulu rikidaki; ma rikia fasi, si do ki sui bana e falu ifamulua.

Luke 6:38

Muki fale, ma keki fale iamulua; do ni olotooa kai fuṉu lea, na kera feledudua, ma kera isua ka ofu tee si kula, ma kai olomaaliṉa, keki falea i ruruumulua. Uria si do ni olotooa na muki olotoona si do ania, si do eri keki olotoona lau ifamulua.

Mathui 18:35

Una eri lau boo Maka nau ne ni mei thalo kai ilia iamulua, mada sa ni kamulua sui musi manata lubea dooramiu ki i ruruumulua ki mai.

Fa Ṉu Abu ki 112:9

E ukalia si do ki, e tona falea ifana toa ana rofe la; kokoto la nia ka toto si sui: keki tafoa susukee do nia uri iaa ana faabaita lana.

Efesasi 4:28

Wane ne bibili sa ka bili lau e ai: kai ulafu boo, kai ra ana abana asi do ne lea, fasi kai rikii do uria fale la ifana wane ne to ana rofe la.

Mathui 5:39

Ma ni nau ku soree isamulua, Musi suusi kamulua faisia wane ne taa: ma ni tei bana na kai fidalia balii babali aola oe, oko akeletania lau boo balii babali mauli oe ifana.

Luke 6:29

Ma wane na kai fidalia babalimu, oko falea ruana babali ifana; ma wane na kai ṉalia tooni i thara oe, osi lufia tooni lalo oe lau boo faisi nia.

Luke 6:31

Ma si do na mulu thathamia imole keki ilia ifamulua, muki ilia lau boo ifana imole ka una eri lau boo.