Luke 24:47 - Ṉa Alaofua Falu 1923 1949

⁴⁷ Bia keka ṉata sulia manata akele la ma doanita la ana abula taa la ki ana thatana i maalutana kulee toa ni sui, keka thafalia mai i Jerusalema.

To'abaita Scripture NT

⁴⁷ ma manata akelelaa uria manatalubelaa fasia ta'aalaa ki sui keki fa'arongo talo 'ania 'ana thatana fana kula ki sui, thafali 'i Jerusalem.

Luke 24:47 Referans Kwoze

Si do Aposela ki kera ilidaki 5:31

Ni nia tha God e faabaita ana aba aola nia, Wane Inoto ma Wane ni Kwaifaamaruki, fasi kai falea manata akele la ana Isirela, ma manata lube la ana abula taa la ki.

Si do Aposela ki kera ilidaki 2:38

Ma tha Pita e soree isada, Muki akeletania manatamulua, ma keki babataesi kamulua, ta wane iamulua si ei, ana thatana tha Jesus Christ uria doanita la ana abula taa la kamulua ki; ma muki bii ṉalia si do na kera tona falea na tha Spirit Abu.

Si do Aposela ki kera ilidaki 20:21

Ku faamamanea isana Ju ki ma toa i Girisi lau boo si do nau ku thaitoomana sulia manata akele la uria tha God, ma fitooa uria Lord kulu tha Jesus Christ.

Si do Aposela ki kera ilidaki 13:46

Ma tha Polo bia tha Banabasi kero ṉata seeraa, keko sorea, Do kera ilia e ai si ei boo, keka faaroṉo kamulua totonao ana bae lana tha God. Ma sui uria na mulu usutania faisi kamulua, manatamulua na musi farana marukia tatha, lio fasi, meki akele uria Jenetaele ki.

Mathui 28:19

Mania muki lae, muki to’oa si do ki isana kulee toa ki sui bana, muki babataesi kera ana thatana ṉa Maka ma ṉa Kaluwane ma tha Spirit Abu:

Si do Aposela ki kera ilidaki 11:18

Ma si maṉa na kera roṉoa si do eki, keka bona bada, sui kera taṉoa tha God, keka una eri, O ma Jenetaele ki lau boo tha God e falea manata akele la ifada uria marukia.

Si do Aposela ki kera ilidaki 26:18

Fasi oki ifinia maada, kikui akele faisia maerodo uria ṉa lalaa la, ma faisia sukwaia tha Satan isatha God, fasi keki manata lubea abula taa la kilua ki, ma kikui ṉalia si do na kikui fulatoona i maalutana toa na kera faaabuda ana fitoona laku la.

Fa Ṉu Abu ki 86:9

Kulee toa eki sui boo no thauwanida, keki lae mai, keki foa inaofamu, Arai Lo ae; ma keki faare inoto ana thatamu.

Mathui 3:2

Kei una eri, Muki akeletania manatamulua; uria na tooa i thalo ni karafi naa.

Fa Ṉu Abu ki 22:27

Toa asi kula ne tau faamau ki i fanua na i iano toto keki onotoona ma keki akele mai satha Jihova: ma ina lana imole ni sui boo ana kulee toa ni sui keki faabaita oe inaofamu.

GENESIS 12:3

Ma nau kwai alua lea la ifana toa eki na kera alua lea la ifamu, kwai alua taa la fani tei ne alua taa la fafi oe: ma ani oe keki alua lea la ifana ina lana toa eki sui bana na ni fanua na i iano.

I. Jone 2:12

Kwai kekeda kau isamulua, kala wela ki, sulaania abula taa la kamulua ki kera manata lubea ana thatana.

Kolose 1:27

Na tha God e thathamii faaroṉoda keka thaitoomana si do eri ma keki rikii do ania uria faainoto lada la asi do eri ne toto thaufuni i maalutana Jenetaele ki, tha Christ ne ni ani kamulua neri, ne adea muki manatatoo ṉado uria inotoa:

Si do Aposela ki kera ilidaki 10:43

Porofeta eki sui boo keka faamamanea si do na kera thaitoomana suli nia, na ni tei bana na kai fitoona keki doanita ana abula taa la nia ki ana thatana.

Si do Aposela ki kera ilidaki 4:12

Ma marukia e ai si ni ata wane lau: sulaania e ai lau ta thata si to ifara thalo, ana thata eki na kera falea ifana wela wane ki, na keki faamaruki kia e ai si ei boo ana thata eri.

Si do Aposela ki kera ilidaki 3:19

Mania muki akeletania manatamulua, ma muki akele buri, fasi keki usua abula taa la kamulua ki, fasi maana si do eri si maṉa ana faalea lakulua la ki kai thafali mai asi kula na ni inaofatha Lord;

Efesasi 3:8

Ni nau, wane nai buri bonaa buriana wane nai buri ana toa abu eki sui bana, kera falea lea la eri iaku, kwai ṉata isana Jenetaele ki sulia si do lea tha Christ ki na kesi talaana rofe lana maalutana;

Efesasi 1:6

Ana taṉo lana inotoa lea la nia, ne ala fafi kulu ania ana Wane liliothaua nia:

Roma 5:20

Ma ṉa lo e lae lau bomai, fasi ade garo la eri kai oro alaa; ma asi kula na abula taa la e oro alaa, lea la e oro faamau ka tatha:

Si do Aposela ki kera ilidaki 28:28

Mania muki thaitoomana, keki falea kau marukia tha God neri ana Jenetaele ki: ma ni kera keki roṉoa.

Si do Aposela ki kera ilidaki 26:20

Ku soree isana toa nai Damasikasi totonao, ma i Jerusalema, ma ana fanua i Judia ni sui bana, ma isana Jenetaele ki lau boo, keki akeletania manatada ma keki akele uria tha God, keki ilia si ra ne farana manata akele la.

Luke 13:34

Jerusalema, Jerusalema no thauṉia porofeta ki, ma oko ufauna toa na kera arasia mai isamu! si maṉa oro sa kwai ofua wela oe ki, mala kukua na kai ofua kaela i fara kukubana, ma muka lalakwa!

Mathui 9:13

Ma sui lae, muki thaitoomana fasi maalutana si ṉata eri, Ku thathamia tatakomi la, do ni foa la e ai: sulia e ai kwasi fula uria aili lana toa na kera kokoto, ku fula uria aili lana toa na kera abula taa uria manata akele la.

Fa Ṉu Abu ki 67:7

Tha God kai alua lea la fafi kulu; ma toa ni sui bana asi kula eki mena ne tau asia naa i la fanua na i iano keki faare baita iana.