Luke 19:47 - Ṉa Alaofua Falu 1923 1949

⁴⁷ Ma nia kai kwaifamanatai sulia boṉi la biu baita tha God. Ma wane inoto ni foa ki bia wane ni kekeda ki bia toa inoto ana toa eki kera rofe uri thauṉi lana:

To'abaita Scripture NT

⁴⁷ Fa thato ki sui bana nia kai to'odoo laa bi'u ni fo'alaa. Sui na wane naana'o ki 'ana to'a ni fo'a ki, wane ni to'odoo 'ana biibiranga ki ma tei wane kwaitalai ki la'u keka ili uria thaungilanalaa.

Luke 19:47 Referans Kwoze

Mako 11:18

Ma wane ni kekeda ki bia wane inoto ni foa ki kera roṉoa, ma keka rofe fufuli uria si ade la na keki ilia fasi keki thauṉi nia: uria na kera mau iana, sulia malului wane eki sui bana kera kwele ana kwaifamanatai la nia.

Mathui 26:55

Ana kadee maṉa eri tha Jesus ka soree isana malului wane eki, Mulu lae mai mala toa na kera lae uria rau lana wane ne bili, fafia nini ni firu ki ma dia ki fasi muki rau iaku nania? Nau ku oono sulia boṉi la biu baita tha God, ku kwaifamanatai, me ai musi rau iaku.

Jone 18:20

Tha Jesus e luua, ka una eri, Nau ku ṉata lalaa isana toa na fanua: ku kwaifamanatai ṉado i la biu ni ofu la ma i la biu baita tha God, kula na Ju ki sui bana keki ofu mai iei; ma nau e ai kwasi sore thaufuni ata do.

Jone 10:39

Mania kera rofe lau uria rau lana: ma nia e lae nana faisia abada.

Jone 7:44

Ma tei toa iada kera thathamia sa keka rau nia; sui e ai ta wane si alua abana ania.

Jone 7:19

Ta na sa tha Mosesi e falea ṉa lo ifamulua, me ai ta wane iamulua si ade sulia lo eri, mado? Uria ta na muki rofe uria thauṉi laku?

Mako 14:1

Ro fa boṉi e to ana fafaṉa tathafafi la ba bia fafaṉa berede e ai ta lefena iei: ma wane inoto ni foa ki bia wane ni kekeda ki kera rofe fufuli uria si ade la na keki ilia keki uida asi afe, fasi keki thauṉi nia:

Mako 12:12

Ma keka rofe uria rau lana; sui keka mau ana malului wane eki; uria na kera thaitoomana na nia e ṉata asi tarifula eri suli kera: ma keka akwasi nia, keka lae nada.

Mathui 21:23

Ma si maṉa na nia fula i la biu baita tha God, wane inoto ni foa ki bia ulunao ki ana toa eri keka fula isana si maṉa nia kai kwaifamanatai, ma keka sorea, Sukwaia ta oki ilia ana do nei ki? ma ni tei ana ne falea sukwaia nei ifamu?

Mako 14:49

Nau ku toto sulia boṉi bi kamulua i la biu baita tha God, ku kwaifamanatai, me ai musi rau iaku: sui kekeda la abu ba ki kai mamana e ai si ei boo.

Luke 19:48

Ma keka dora ana rofetoona lana si do fasi mado e ai keki ilia; sulia na toa eki sui bana kera atabubu uri nia, keki roṉo uria ṉata lana.

Luke 20:19

Ma wane inoto ni foa ki bia wane ni kekeda ki, kadee maṉa eri u boo, keka rofe uria rau lana; sui keka mau ana toa eki: uria na kera thaitoomana na nia e ṉata asi tarifula eri suli kera.