Luke 18:13 - Ṉa Alaofua Falu 1923 1949

¹³ Ma wane eri ni ṉali lana takisi ki e takwe da mai, ma nia boro so maana mena ka lalakwee tafoa uri thalo lo, ma ka kumua ruruuna, ka una eri, God ae, oko tatakomi nau wane ku abula taa.

To'abaita Scripture NT

¹³ “Sui ma wane ni konilana takisi ka takwe daa kau. Ma nia si kwaua mena 'ana maana uria 'i thalo, sui nia ka kwa'ea bana ruuru'una 'ana kwaimanatailaa, ka sore'a, ‘God, 'o tatakomi nau mai, wane ku abula ta'aa.’ ”

Luke 18:13 Referans Kwoze

I. Timothi 1:15

Si ṉata mamana neri, me farana na keki faamamanea ṉado, na tha Christ Jesus e lae mai uria fanua nei iano uria faamaruki lana toa na kera abula taa; ma ni nau wane ku abula taa ka tatha ani kera sui:

Fa Ṉu Abu ki 41:4

Ni nau ku una eri, Jihova ae, oko tatakomi nau: faagwaria fasi maṉoku; uria na ku abula taa boo iamu.

Luke 23:48

Ma malului wane eki sui boo na kera figu uria riki lana, si maṉa na kera rikia si do na kera ilidaki, keka kumua ruruuda, ma keka oli.

Hibaru ki 8:12

Uria ni nau kwai tatakomida fafia abula lada ne ai si kokoto, Ma abula taa la kera ki ma abula lada asi do na kera lufia sa kwa onotoona lau e ai.

Si do Aposela ki kera ilidaki 2:37

Sui si maṉa na kera roṉoa, e fi ’uria sa kera thaukwadaṉia ruruuda, ma keka soree isatha Pita ma toa na kera aposela bi nia, Doora kera, si ta na miki ilia?

Hibaru ki 4:16

Mania kuki idu seeraa karaṉia do ni ono la ana inotoa ma lea la, fasi keki tatakomi kulu, ma kuki fulatoona lea la na kai kwaiadomi asi maṉa ana rofe la.

Roma 5:8

Ma tha God ana kai ṉata ifana liothau la nia uri kulu, uria si kula eri, si kada na kulu abubula taa u mena, tha Christ e mae uri kulu.

Luke 5:8

Ma si maṉa na tha Saimona Pita e rikia, nia ka asi nia isana ururu tha Jesus, ka una eri, Oki lae faisi nau; uria nau wane ku abula taa, Lord.

Fa Ṉu Abu ki 25:11

Inunufana thatamu, Jihova ae, oki manata lube nau ana abula laku asi do na kera lufia, uria na abula laku ne una eri ka baita faamau.

II. Korinitha 7:11

Uria rikia fasi, si do eri boo, na kera faaliodila kamulua ana liodila na tha God e falea, e ilia na mulu aṉasi faamau, iu, mulu sorea mulu dodoloa, iu, e taa faamau iamulua sulia do eri, iu, mulu mau faamau, iu, mulu thathamia faamau do lea ki, iu, mulu seemabe faamau, iu, mulu duua do eri! Asi do ki sui bana mulu fatai kamulua mulu dodoloa asi do eri.

Fa Ṉu Abu ki 25:7

Ada oko onotoona abula taa la nau ki asi maṉa ku bii baita, ma abula laku ne garo: sulia ade lea lamu oko onotooku fasi, inunufana si lio oe ne lea, Jihova ae.

Mathui 9:13

Ma sui lae, muki thaitoomana fasi maalutana si ṉata eri, Ku thathamia tatakomi la, do ni foa la e ai: sulia e ai kwasi fula uria aili lana toa na kera kokoto, ku fula uria aili lana toa na kera abula taa uria manata akele la.

Luke 17:12

Ma si maṉa nia kai lae i la tee toaa faekwa, tee akwalee wane na uru e thauṉida keka toda ania, keki takwe da mai:

Fa Ṉu Abu ki 130:7

Isirela ae, manatatoo ṉado fasi uria si do lea atha Jihova; uria na si lio ni tatakomi la ni atha Jihova, ma ani nia tae la faisi kulu kai oro faamau.

Fa Ṉu Abu ki 119:41

Alua fasi tatakomia oe ki kai fula lau bomai isaku, Jihova ae, na faamaruki la noki faamaruki nau mania neri sulia bae lamu.

Fa Ṉu Abu ki 106:6

Kamilia mili abula taa bia maka kamilia inao ki, mili ilia si do no lufidaki, mili abula asi abula la ne taa.

Fa Ṉu Abu ki 40:12

Uria na taa la ki ne eteta ka dora ka tori nau, abula laku asi do na kera lufia ka tari buriaku, ka fulatooku, adedea kwa dora ana lio alaa la; e oro ka tatha ana ifuna gwauku; mania, manoku ka thathala naa.

Mathui 6:5

Ma si maṉa noki foa, osi ’uria lau toa na keki olodola: uria na kera thathamia faamau keki takwe ma keki foa i la biu ni ofu la ki ma sula luuni tala ki, uria bana fasi imole keki rikida. Mamana ku soree isamulua, Kera ṉalia naa kwaiara kera.

Mathui 10:3

Tha Filifi, ma tha Batholomiu; tha Tomasi, ma tha Mathiu wane ne ṉaṉalia takisi ki; tha Jemesi kaluwane tha Alafiasi, ma tha Lebeasi, na kera alaṉia atha Thadeasi;

Mako 11:25

Ma si maṉa na muki takwe, muka foa, mada sa manatamulua e teo ana ta si do uria ta wane, muka manata lube; fasi Maka kamulua lau boo ne ni mei thalo ka manata lube kamulua ana abula garo lamulua,

Luke 22:41

Ma nia ka lae faisida uria si kula mada sa kera u ana fau ka fula iei; ma ka boururu ka foa,