Luke 14:13 - Ṉa Alaofua Falu 1923 1949

¹³ Lalae o thasi faṉa, oko laefia toa na kesi rikii do, ma toa na ta si kula iada e kodo, toa aede katu, toa maade rodo:

To'abaita Scripture NT

¹³ Sui si manga na 'o raa 'ana ta faafangaa, alungania to'a kesi riki'i doo, nga tero, ma 'afumae ma to'a maada rodo,

Luke 14:13 Referans Kwoze

Luke 14:21

Mania wane ni ra eri e fula, ka faaroṉoa wane inoto nia asi do eki. Ma wane ana biu eri, uria ne rakeiri, ka soree isana wane ni ra nia, Lae fofoa sula tala rerebaa ki bia tala faekwa ki ana toaa susu, oko tolea mai toa kesi rikii do ma toa na ta si kula iada e kodo ma toa aede katu ma toa maade rodo.

Hibaru ki 13:2

Musi lilio dora ana fatai lana liothau la uria toa kwaita ki: sulaania asi kula eri tei toa kera thathagonia mai angel ki si maṉa na kesi thaitoomana.

Nehemiah 8:10

Sui nia ka soree isada, Lae namulua, ania fasi si do gwagwarurutaa ki, kuu fasi ana si kafo gwagwaria, muki falea kau moriṉa kera ki ifana toa eki na kesi betaa ta si do iada: uria na fa boṉi nei e abu ifana Arai kulu: ada muka liliodila; uria na sukwaia kamulua ni ana seethathala la atha Jihova.

Mathui 22:10

Mania toa ni ra eki kera lae kau uri la tala ki, keka ofua toa eki sui bana na kera fulatooda mai, toa taa bia toa lea: ma fafaṉa ana lumaa eri ka fuṉu ana imole na kera lae mai uri fafaṉa.

I. Timothi 5:10

Keki ala fafi nia sulia si ra lea ki; mada sa nia e thai sulia wela ki, mada sa nia e beta toa kwaita ki, mada sa nia e taua aaena toa abu ki, mada sa nia e adomia toa ne taa iada ki, mada sa nia e seemabe asi ra ki sui bana ne lea.

I. Timothi 3:2

Mania wane nanao kai dodoloa, ana tee kwai boo, seena si inoto ani nia, kai seeeno, abula lana kai kokoto, kai beta ṉado sulia toa kwaita ki, liona kai too uria kwaifamanatai la;

Nehemiah 8:12

Ma toa eki sui bana keka lae fasi keki reree ada, keki kuu, keki falea kau moriṉa ki ifana tei toa lau, keki seethathala faamau, uria na kera thaitoomana maalutana si ṉataa eki na kera faaroṉoda mania.

Taetasi 1:8

Kai beta ṉado sulia toa kwaita ki, kai liothau ana wane lea ki, kai seeeno, kai kokoto, kai abu, seena si inoto ani nia;

Faelimone 1:7

Uria na mere seethathala faamau ma kera faainamaruki kamarea ana liothau la oe, sulaania kera adomia ruruuna toa abu eki ani oe keka to lea lau, doora.

Si do Aposela ki kera ilidaki 9:39

Ma tha Pita ka tatae, ka lae bidaroa. Lalae mai e fula, keka talai nia uria kadee biu laṉi eri: ma gwa oru eki sui boo kera takwe isana, keka aṉi, ma keka fatai nia tooni ki ma si maku na ni Dokasi e taidaki, si maṉa ne to bida.

Luke 11:41

Ma sui muki tona fale asi do na mulu rikidaki; ma rikia fasi, si do ki sui bana e falu ifamulua.

Mathui 15:30

Ma malului wane baita ki kera fula isana, keka tolea mai toa aede katu, toa maade rodo, fokoato ki, toa abade oela, bia toa oro ki lau, ma kera aluda isana aaena; ma nia ka faamarukida:

Luke 14:12

Sui nia ka sorea lau boo isana wane eri ne laefi nia mai, Lalae o thasi faṉa i la thato mado i thaulafi, osi laefia toa na kera ado bi oe, mado Jooramu kera, mado ina lamu kera, mado toa oe ki na kera rikii do; ada keki laefi oe lau boo, ma keki duua si do eri ifamu.

Luke 14:14

Ma ni oe kai lea iamu; uria na kesi talaana duu lana si do eri ifamu: uria na toto keki duua si do eri ifamu asi maṉa na tatae lana toa kera kokoto.