Kolose 4:8 - Ṉa Alaofua Falu 1923 1949

⁸ Wane na nau ku arasia kau isamulua uria si kula eri, fasi nia kai thaitoomana to lamulua, ma fasi kai faainamarukia ruruumulua;

Kolose 4:8 Referans Kwoze

Efesasi 6:22

Wane na nau ku arasia kau isamulua uria si do eri lau boo, fasi muka thaitoomana to lamilia, ma fasi kai faainamarukia ruruumulua.

Kolose 2:2

Fasi keka faainamarukia ruruuda, uria na kera lado kera keka rao ana liothau la, ma keka rikii do faamau asi do na kera thaitoomana lea maalutana mamana lana, fasi keka thaitoomana si do tha God na Maka ne toto thaufuni, tha Christ neri,

II. Thesalonika 2:17

Kai faainamarukia ruruumulua ma kai faasukwai kamulua uria si ra ma si baea lea ki sui bana.

I. Thesalonika 5:14

Ma miki soree isamulua, doora kera, muki faamanataia toa na kera abula kekeo, muki faainamarukia toa ruruude mau, muki rausualia toa na kera feda ki, muki doanita ka tau ana toa eki sui boo.

I. Thesalonika 5:11

Mania muki faainamaruki kamulua, ma muki faasukwai kamulua kwailiu, ’uria lau boo na mulu ilia.

I. Thesalonika 4:18

Mania muki faainamaruki kamulua kwailiu asi baea eki.

I. Thesalonika 3:5

Mania, si maṉa na nau ku dora ania to la lau faisia, ku kwaiarasi kau fasi kwai thaitoomana maalutana fitooa kamulua, ada mado e ai nia na kai bae aliṉana imole e bae aliṉamulua, ma ra ba mili ululafu ania na ṉa tonee do.

I. Thesalonika 3:2

Ma mili arasia kau tha Timothiasi, doorakulua ma wane ni ra ofu la bi kamilia ifatha God asi faaroṉoa lea tha Christ, fasi kai faasukwai kamulua, ma kai faainamaruki kamulua sulia si do eki na mulu fitoona;

I. Thesalonika 2:11

Uria na mulu thaitoomana na mili ṉata isamulua ta wane iamulua si ei boo ’uria maka bia baree wela nia, ma mili faainamaruki kamulua, ma mika faamamanea si do na mili thaitoomana,

Filifae 2:28

Mania ku aṉasi ka tatha uria arasi lana, fasi, lalae mulu riki nia lau, muki seethathala, ma liodila nau kai suka akwa.

II. Korinitha 12:18

Ku ṉata kwaitakoi isatha Taetasi, ma ku arasia kau doorakulua eri bi nia. Tha Taetasi e abula dodora iamulua ana ta si do? mesi abula sulia tee Spirit eri boo? abula lamarea e ai si totoo?

II. Korinitha 2:7

Adedea lea na muki manata lube nia ma muki faainamarukia, ada mado e ai wane eri keka thuthumai nia ana liodila nia ne baita ka tatha.

II. Korinitha 1:4

Na kai faainamaruki kulu ana taa la eki sui bana na kulu to ania, fasi ni kulu kuki talaana faainamaruki lana toa na kera to ana atona bana ta taa la, ana inamaruki la eri na tha God e faainamaruki kulu ania i talaakulua.

I. Korinitha 4:17

Uria si kula eri ku arasia kau tha Timothiasi isamulua, ne wela liliothaua ma mamana nau ana ṉa Lord, na kai faaroṉo kamulua lau ani nau muki onotoona abula laku na ni atha Christ, talafana si do ni nau ku kwaifamanatai sulia ana figua eki sui boo ta fanua si ei.