Kolose 4:3 - Ṉa Alaofua Falu 1923 1949

³ Ma muki foa uri kamilia lau boo, fasi tha God kai ifinia maa ifamilia ifana si baea eri, miki ṉata sulia si do tha Christ ne toto thaufuni, si do na kera kani nau lau boo fafia;

Kolose 4:3 Referans Kwoze

Si do Aposela ki kera ilidaki 14:27

Ma lalae kero fula, keko bii ailia mai figua eri, keko uunu sulia si do eki sui bana na tha God e ilia ani keroa, me ifinia maethaka ana fitooa ifana Jenetaele ki.

Kolose 1:26

Si do ne toto thaufuni faisia si maṉa nai nao ki sui bana ma faisia unii wane ki sui boo neri: ma si maṉa eri kera fatai nia naa isana toa abu nia ki,

II. Korinitha 2:12

Ma si maṉa ba na nau ku fula i Toroasi uria si faaroṉoa lea tha Christ, ma kera ifinia maa ifaku ana ṉa Lord,

II. Timothi 2:9

Si do eri na nau ku to ana taa la uria ka fula ana kani la, ’uria ta wane ne abula taa; sui bae lana tha God kesi kani fafia.

Filifae 1:7

Ma si do kokoto neri na manataku kai una eri uri kamulua sui, uria na mulu to ana ruruuku, sulaania, ana kani la na kera kani nau ania, ma ana luu lana si do na kera alaṉia si faaroṉoa lea ania, ma ana faaṉado lana, kamulua sui boo mulu ṉalia lau boo ta si ana lea la na ni nau ku ṉalia.

Efesasi 4:1

Mania ni nau, wane ana ṉa Lord na kera suusi nau i la lokafu, ku ṉata kwaitakoi ku soree isamulua muki abula ana abula la ne farana aili la eri na kera aili kamulua mania,

I. Korinitha 16:9

Uria na maethaka baita ana ra sukwai kera ifinia ifaku, ma maalimae ki kera oro.

I. Korinitha 4:1

Ta wane kai alaṉi kamilia ana toa ni ra tha Christ, ma toa na kera takofale kamilia asi do tha God ki ne toto thaufuni.

I. Thesalonika 5:25

Doora kera, muki foa uri kamilia.

Mathui 13:11

Nia luuda, ka soree isada, Kamulua kera alamatai kamulua muki thaitoomana si do eki ne to thaufuni ana tooa i thalo, ma ni kera e ai kesi alamatania ifada.

Faelimone 1:22

Ma oki beta lau boo kula na nau kwai makafa to iei: uria nau ku manatatoo ṉado na sulaania foa la kamulua ki keki alamatai nau ifamulua.

Filifae 1:19

Uria nau ku thaitoomana do eri ṉa do ana marukia nau sulaania foa la kamulua ma sulaania fale la baita na keki falea ana Spirit tha Jesus Christ,

II. Timothi 1:16

Ku thathamia ṉa Lord kai tatakomia toa ni maafera tha Onesiforasi: uria si maṉa oro nia adomi nau kwa to lea lau, me ai si seenoni ana nailii thalo nau;

Efesasi 3:1

Uria si kula eri ni nau tha Polo, wane tha Jesus Christ na kera suusi nau i la lokafu uri kamulua Jenetaele ki, —

Roma 16:25

Sui nia ne sukwai ana faaṉado lamulua la sulia si faaroṉoa lea nau ma ṉata la eri sulia tha Jesus Christ, sulia si do eri na kera fatai nia ne toto thaufuni ita mai asi maṉa u asia mai inao ne ai si sui,

Efesasi 3:3

Na kera fatai nia si do eri ne toto thaufuni isaku fasi kwa thaitoomana, ’uria aṉee si do ku keda dini na ba,

Efesasi 3:4

Ma ana teemai lana leta eri, muki thaitoomana nifana ade lana na nau ku thaitoomana filoa maalutama si do tha Christ ne toto thaufuni;

Efesasi 3:9

Ma kwai fatai nia isana wane ki sui bana si do na kera takofale nau ania ne toto thaufuni ita asi maṉa nai nao ki ka fula asi maṉa eri ni atha God ne thauwai nia si do ki sui bana atha Jesus Christ;

Kolose 4:18

Nata laku tha Polo ana abaku i talaaku nai nia. Muki onotoona kani la na kera kani nau ania. Lea la kai to bi kamulua. Emeni.

II. Timothi 4:2

Oko ṉata sulia si baea eri; oki fifarao uria asi maṉa na kera maakwalia, ma asi maṉa na kesi maakwalia lau boo: oki faaseenoni kera, oki soreda, oki ṉata isada, asi lio ni doanita tatha la ma ana kwaifamanataia.