Kolose 4:12 - Ṉa Alaofua Falu 1923 1949

¹² Epafarasi, wane ani kamulua, na wane ni ra tha Christ, e thathamia kwai ṉata isamulua ’uria sa ni nia kai ṉata, me aṉasi ṉado uri kamulua ana foa la nia ki, fasi muki takwe ṉado, muki sukwai teefau asi do ki sui bana na tha God e thathamia.

Kolose 4:12 Referans Kwoze

Roma 15:30

Ma nau ku ṉata kwaitakoi, kwa soree isamulua, doora kera, uria na Lord kulu tha Jesus Christ, ma uria liothau la eri na ni atha Spirit, muki aṉasi ofu bi nau ana foa la kamulua ki atha God uri nau;

Kolose 1:9

Sulia si kula eri ni kamilia lau boo, ita mai afa boṉi na mili bii roṉoa si do eri, mili foa uri kamulua ta si maṉa si ei ma mili gani, fasi keki faafuṉu kamulua asi lio ana thaitoomana lana si do ne thathamia ana liotooa ni sui bana ma manata lea la atha Spirit,

Faelimone 1:23

Tha Epafarasi, wane na kera suusi nia bi nau i la lokafu atha Christ Jesus, e thathamia kwai ṉata isamu ’uria sa ni nia kai ṉata;

Kolose 1:28

Wane na mili faaroṉo ania neri, mili ṉata fifi isana wane eki sui boo ma mili kwaifamanatai isana wane eki sui boo ana liotooa faamau, fasi miki fatai nia wane eki sui boo keki sukwai teefau atha Christ Jesus;

Kolose 1:7

Alafana si do na mulu roṉoa na ba atha Epafarasi wane liliothaua kamilia ma wane ni ra ofu la bi kamilia, na nia wane ni ra fitoo tha Christ uri kamulua,

II. Pita 1:1

Saimona Pita, wane ni ra tha Jesus Christ ma aposela nia, isana toa eki na kera fulatoona fitooa ne ’uria fitooa inoto kamilia eri na ni ana kokoto la God kulu ne faamaruki kulu, tha Jesus Christ:

Galesia 4:19

Wela faekwa nau ki, na nau ku to lau ana fiwela la uri kamulua maakwalia si maṉa na keki thauwai nia tha Christ ani kamulua,

Galesia 1:10

Sulaania wane ki neri na nau ku thathamia keki ala fafi nau, mado tha God? mado wane ki neri na nau ku thathamii faalea kera? mada sa ku faalea wane ki ka fula asi maṉa eri, nau wane ni ra tha Christ e ai.

Roma 15:14

Ma ni nau lau boo ku thaitoomana boo suli kamulua, doora kera, ni kamulua mulu fuṉu ana lea la, mulu thaitoomana lea maalutana si do ki sui bana, mulu talaana lau boo faamanatai lamulua la kwailiu.

Jude 1:24

Ma sui nia ne sukwai fasi kai rau iamulua faisia taofai lamulua la, ma kai faatakwe kamulua muki dodoloa inaofana inotoa nia ana fula lana mai, ana seethathala la ne baita ka tatha,

Hibaru ki 5:14

Ma si faṉa ne ṉilo do ifana wane na kera manata naa, toa na manatade thaitoomana talisi lana si do lea ki ma si do taa, uria na do kera ililia ṉado naa.

Hibaru ki 5:7

Ma ni nia afa boṉi eki ne toto ana seena imole, si maṉa ne falea foa la ki ma ṉata fifi la ki ana foa la bia gagafu baita la ma kafona maana fani nia ne sukwai fasi kai oli fafi nia faisia maea, ma si maṉa na kera roṉoa ṉata lana maana fare baita la ne fare baita atha God,

Kolose 1:22

Ana seena i talaana uria maea, fasi kai fatai kamulua muki abu ma muki dodoloa ma kesi rikia ta si do na keki sore kamulua fafia inaofana:

II. Korinitha 13:11

Si do iisi, doora kera, muki seethathala. Keki oolo kamulua; keki faainamaruki kamulua; muki to ana tee si lio; muki to ana enenoa; ma ṉa God ana liothau la ma enenoa kai to bi kamulua.

I. Korinitha 14:20

Doora kera, manatamulua e ai si ’u’uria kala wela: sui asi lio ne taa muki ’uria kali wela faekwa ki, ma manatamulua kai ’uria wane baita ki.

I. Korinitha 2:6

Ma sui mili ṉata mala wane na lione too i maalutana toa na kera manata naa: sui ana liotooa i kada nei e ai, ma ana liotooa toa inoto ki i kada nei, na toto keki sui, ka ai lau boo:

Jone 12:26

Mada sa ta wane ka ra ifaku, nia kai lae mai iburiaku; ma si kula nau kwai to iei, kula eri lau boo wane ni ra nau kai to iei: mada sa ta wane ka ra ifaku, nia na Maka nau kai fare baita ania.

Mathui 5:48

Mania muka lea bonaa, ’uria na Maka kamulua ne ni mei thalo e lea bonaa.

Jemesi 5:16

Muki faaroṉo kamulua kwailiu ana abula garo lamulua ki, ma muki foa kwailiu uri kamulua, fasi keki faamaruki kamulua. Wane kokoto, ṉata fifi la nia ana foa la, na nia kai ra ania, kai sukwai faamau.

Jemesi 1:1

Tha Jemesi, wane ni ra tha God ma tha Lord Jesus Christ, kai aratai lea la ana tee akwala ma ro kulee toa ba ki na kera lae tataka.

I. Thesalonika 5:23

Ma ṉa God ana enenoa talani nia kai faaabu teefau ani kamulua; ma keki beta sulia spirit kamulua ma maṉomulua ma seemulua kai laulau, ma kai dodoloa, ana fula lana Lord kulu tha Jesus Christ.

Luke 22:44

Ma uria ne taa faamau iana nia ka bii foa fifi: ma iidana ka ’uria naa kwakwee abu baita ki kai asia i theegano.

Luke 1:1

Uria na toa oro kera ili uria alu ofu la asi do ba ki na kera ilia ka mamana naa i maalutamilia,

Kolose 1:29

Ma ku ulafu lau boo uria si kula eri, si maṉa ku aṉasi sulia ra lana ni nia, ne ra sukwai ani nau.

Kolose 4:9

Bia doora mamana liliothaua kulu tha Onesimasi, na wane ani kamulua. Keroa kekoi faaroṉo kamulua asi do ki sui bana na kera ilia kunei.

Jemesi 1:4

Ma muki alamatania si lio ni susuu la eri kai ra sukwai, fasi muki sukwai teefau ma muki laulau, e ai ta si do si ei faisi kamulua.