Kolose 3:5 - Ṉa Alaofua Falu 1923 1949

⁵ Mania muki faamaea si do na ana seemulua ki na ni fanua nei iano; oe la, manata taa la, si lio ni oea, thathami lana do taa, ma thathami lana si do kera ki, si do eri na ṉa foa la ana god eeta ki;

Kolose 3:5 Referans Kwoze

Roma 8:13

Sulaania mada sa muki abula sulia see imole, muki mae e ai si ei boo; ma mada sa atha Spirit muki faamaea abula lana see imole, muki maruki boo.

Galesia 5:24

Ma toa eki atha Christ kera fota fafia seena imole ana ’ai rarafolo ana si lio ma si thathami la taa nia ki.

Roma 6:13

Bia musi falea si do na ana seemulua ki ifana abula taa la ana do ni ra la ki asi lio ne ai si kokoto; muki fale kamulua ifatha God, ’uria toa na muka maruki faisia toa mae ki, ma si do na ana seemulua ki na do ni ra la ki ana kokoto la ifatha God.

I. Pita 2:11

Toa liliothaua nau ki, ku ṉata kwaitakoi, ku soree isamulua mala toa na muka makafa to bamulua ma toa kwaita ki, muki to faisia si thathami la taa ki seena imole, na ka firu bia maṉoka;

I. Korinitha 6:18

Muki thaka faisia oe la. Abula taa la ki sui boo na wane kai abula taa ania ka to mai i thara faisia seena; ma nia na kai oe kai abula taa iana seena i talaana.

Efesasi 4:19

Toa ne ai ta si do si oga kera naa, sui kera lukatai kera uria daidei la, fasi keka oe taa bia keka thathamia si do kera ki.

II. Korinitha 12:21

Ada, maṉa kwai fula lau isamulua, God nau kai alu faekwa iaku inaofamulua, ma lioku kai dila uria toa oro ana toa eki na kera abubula taa ka fula asi maṉa eri, ma kesi akeletania manatada faisia do taa ma oe la ma daidei la na kera ililidaki.

Si do na kera fatai nia 21:8

Ma toa ana mau la, ma toa ana fitala la, ma toa ni mamagu la anida, ma toa ni thauwane la, ma toa ni oe la, ma toa ni ra la ana sukwaia spirit taa ki, ma toa na kera foa ana god eeta ki, ma toa ni lole la ki sui bana, keki fulatoona si do kera ki asi kula ne ’uria gwa kafo baita me fuṉu ana era ma do thasuna ka makwafifi; ruana fa maea neri.

Roma 7:23

Ma nau ku rikia ta lo eeta lau, ni ana si do na ana seeku ki, na ka firu bia ṉa lo ana ruruuku, ma ka suuwai nau ku roo sulia ṉa lo ana abula taa la na ni ana si do eki ana seeku.

Mathui 15:19

Sulaania si lio taa ki kai lae mai faisia ruruuna wane, thauwanea, oe la, oe la toa keki oe fafia kwaida, bili la ki, lole la fafia imole, ṉata taa la seena imole:

Si do na kera fatai nia 22:15

Uria na koito ki ni thara, ma toa ba ki na kera ra ana sukwaia spirit taa ki, ma toa ba ki ni oe la, ma toa ba ki ni thauwane la, ma toa ba ki ni foa la ana god eeta ki, ma ni tei bana ne thathamia lole la ma kai lole ana.

Jemesi 4:1

Firu la ki ma kwaithauṉi la ki i maalutamulua ita mai ifei? Ta na sa i kunei, asi do mulu thathamidaki fasi ka faalea kamulua, si do na ka firu ana si do na ana seemulua ki, mado?

I. Korinitha 6:13

Si do ana faṉa ki ifana rakena imole, ma rakena imole ifana si do ana faṉa ki: sui tha God toto kai faaaia rakena imole ma si do ana faṉa ki lau boo. Ma seena imole do ifana oe la e ai, do ifana ṉa Lord neri; ma ṉa Lord ifana seena imole:

Roma 6:6

Uria na kulu thaitoomana si do eri neri, wane totonao kulu kera fota fafia ofu bi nia, fasi keki faaaia seedo eri ana abula taa la, fasi ita asi maṉa eri kesi suuwai kulu kuki roo lau sulia abula taa la;

Hibaru ki 13:4

Keki fare baita ana lumaa i maalutana toa na fanua, ma kesi faasua fitei eri: uria na toa na kera oe ma toa na kera oe fafia kwaida tha God na Wane ni Kotu kai ṉata sulia.

Hibaru ki 12:16

Ada ta wane ni oe la ka toto bana, mado ta wane eeta faisia tha God, ’uria tha Iso, ne usi, uria ta si faṉa ne ania ana tee si maṉa boo, asi do nia i talaana na kai tae fuli ania ana maka nia.

I. Thesalonika 4:3

Uria na si do na tha God e thathamia neri, na faaabu lamulua la, na muka to faisia oe la;

I. Korinitha 5:1

Kera sorea mena oe la e ni maalutamulua, ma oe la na Jenetaele ki mena e ai kesi oe ania, na tee nonii wane e tolea kwaina maka nia.

Roma 7:5

Sulaania si maṉa ba na kulu abula sulia see imole, si lio taa ki, ne lae mai ana ṉa lo, e ra asi do na ana seekulua ki fasi kai fuṉu ana foee do ifana maea.

Roma 1:29

Uria na kera faafuṉu kera asi abula la ni sui bana ne ai si kokoto, oe la, taa la, thathami lana si do kera ki, si lio ne taa; kera fuṉu ana uga la, thauwane la, firu la, lole la, manata taa la; kera toa ana fuaro la,

Roma 1:26

Sulia si kula eri tha God e lukatai kera asi lio ni oea ne taa ka tatha: uria kini kera ki kera taala si do imole tala thaitoomana sulia ṉa kini asi do ne eeta faisia si do eri:

I. Thesalonika 4:5

Ana si thathami la taa faamau, ’uria lau boo Jenetaele ki na kesi thaitoomana tha God, e ai;

I. Korinitha 6:11

Ma tei toa iamulua mulu una eri inao: ma sui kera faasiufi kamulua, ma sui kera faaabu kamulua, ma sui kera ala fafia kokoto la kamulua, ana thatana tha Lord Jesus, ma ana Spirit God kulu.

Kolose 2:11

Ma kera kwai kali kamulua lau boo ani nia ana kwai kakali la na kesi kwaia ana abee imole, ana tanusi lana seemulua mala fanua nei iano, ana kwai kakali la tha Christ.

I. Timothi 6:10

Sulaania thathami lana malefo na ṉa laila si do ki sui bana ne taa: na tei toa na keka tekwasia abada sa keki ra uria kera tala faisia si do eki na kulu fitoona, ma keki tala thaukwadaṉia seeda i talaada ana taa la oro ki.

Hibaru ki 13:5

Thathami lana malefo kai ei naa faisia abula lamulua; muki seeeno asi do na muka rikidaki: uria ni nia e sorea, Sa kwa akwasi oe e ai dodoloa, me ai dodoloa sa kwa luka faekwa ani oe.