Kolose 3:3 - Ṉa Alaofua Falu 1923 1949

³ Sulaania mulu mae naa, ma marukia kamulua kai to thaufuni bia tha Christ ni atha God.

Kolose 3:3 Referans Kwoze

Galesia 2:20

Kera fota fafi nau sui naa ana ’ai rarafolo bia tha Christ; una ena mena, ku maruki bakua; sui ni nau e ai lau, tha Christ ana ne maruki i seeku; ma marukia eri na nau ku to ania i seena imole ku to ania ana fitooa, na ni ana Kaluwane tha God, ne liothau iaku, ma ka alamatai nia uri nau.

Roma 6:2

Si do ka ai neri. Kulu na kulu mae naa faisia abula taa la, nifana ade lana fasi kuki to lau ania?

Kolose 2:20

Mania mada sa mulu mae naa bia tha Christ faisia si do totonao fanua nei iano ki, uria ta na mulu ’uria imole ne maruki u ana fanua nei iano, mulu roo sulia si ṉata fifi ki,

Jone 5:24

Mamana, mamana, ku soree isamulua, Wane na kai roṉoa bae laku, ma kai fitoona nia ne arasi nau mai, ana marukia tatha, ma Wane ni Kotu toto ka ai si ṉata suli nia, me tatha naa faisia maea uria marukia.

Roma 8:2

Sulaania ṉa lo ana ṉa Spirit ana marukia atha Christ Jesus e adea kwa tonee to faisia ṉa lo ana abula taa la ma maea.

Roma 5:10

Sulaania mada sa, asi kada na kulu maalimae ki u, kera ilia na kulu kwaimani lau bia tha God ana mae lana Kaluwane nia, e kwaiakaori ka tatha na keki faamaruki kulu ana marukia nia, si maṉa eri na kera ilia na kulu kwaimani naa bia tha God;

II. Korinitha 5:14

Sulaania liothau la tha Christ ka suuwai kamilia; uria na manatamilia e unei, na tee nonii Wane e mae uria toa ni sui bana, mania toa eri sui bana kera mae bonaa;

Jone 5:21

Uria talafana ṉa Maka ka tataea toa mae ki ma ka faamarukida, alafana lau boo ṉa Kaluwane ka faamarukia ni tei bana ne thathamia.

Jone 3:16

Uria na tha God e liothau una eri ana fanua nei iano, nia ka falea mai tee fa Kaluwane nia, fasia ni tei bana na kai fitoona ka ai si sui, ma kai to ana marukia tatha.

Jone 14:19

Ta kasi maṉa faekwa ni u, sui fanua nei iano ka ai si riki nau lau; ma ni kamulua muki riki nau: uria ni nau ku maruki, muki maruki lau boo.

I. Pita 3:4

Wane ne to thaufuni ana i ruruumulua na muki lauṉia, ana lauṉia na toto si fufuraa na ṉa spirit kamulua ne abula marabibi ma ka eno, si do na kera usi baita ania inaofatha God.

Mathui 11:25

Asi maṉa eri tha Jesus e luua, ka sorea, Nau ku sore lea iamu, Maka ae, Lord ana thalo lo ma fanua nei iano, uria na thaufunia si do eki faisia toa liode too ma toa manatade kali, mo fatai nia isana wela aabu ki:

Kolose 3:4

Lalae asi maṉa na keki fatai nia tha Christ, na ṉa marukia kulu, keki fatai kamulua lau boo bi nia ana inotoa.

Hibaru ki 7:25

Mania e sukwai lau boo kai faamaruki teefau ana toa na keka idu karaṉia tha God ani nia, uria ne maruki ṉado bana fasi kai lae isana urida.

Kolose 2:3

Wane na kera alua ogogonia eri sui bana ana liotooa ma manata lea la ka to thaufuni ani nia.

Jone 5:40

Ma mulu lalakwee lae mai isaku, fasi muki maruki.

Jone 4:14

Ma ni tei bana na kai kuu ana kafo ni nau kwai falea ifana liona sa ka lalaṉa lau tai si maṉa e ai; kafo eri na nau kwai falea ifana kai ni ruruuna ’uria ta ruka‐mauri kai tae mai ana marukia tatha.

Si do na kera fatai nia 2:17

Wane na ana aliṉa, kai roṉoa si do na tha Spirit kai soree isana figua ki. Wane na si nia kai tatha, nau kwai falea sina mana thaufuni lana eri iana, ma nau kwai falea tee fau kwakwaoa ifana, ma tee thata falu na kera keda fafia fau eri, ne ai ta imole lau si thaitoomana, talitoona boo wane eri na kai ṉalia.

I. Jone 3:2

Toa liliothaua nau ki, si maṉa eri kulu baree wela tha God, ma kesi fatai nia u si do na toto kuki fulatoona. Kulu thaitoomana na, maṉa na toto keki fatai nia, riki lakulua kai ’uri nia; uria na kuki rikia seena ana to lana i maṉa eri.

Filifae 4:7

Ma enenoa tha God, ne baita ka tatha asi do na manatana imole ka thaitoomana maalutana, kai fono toi kakalia ruruumulua ma kakalia si manatai la kamulua ki atha Christ Jesus.

I. Korinitha 15:45

’Uria lau boo na kera keda, Tha Adam totolenao na ṉa do maruki. Tha Adam, Wane buri, na ṉa Spirit na kai kwaifaamaruki.

I. Korinitha 2:14

Ma wane mala fanua nei iano sa ka ala fafia si do Spirit tha God ki e ai: sulaania nia alaṉia ana oewanea la; ma nia dora ana thaitoomana lana, uria na tha Spirit ana ka ṉata mala wane ni kotu sulia si do eki.

Roma 5:21

Fasi, talafana abula taa la e inoto fafi kia ana maea, alafana lau boo lea la kai inoto uria kokoto la ana marukia tatha atha Jesus Christ na Lord kulu.

Kolose 1:5

Sulaania si do lea eri na mulu manatatoo ṉado uria na kera alua maakwali kamulua i thalo lo, si do eri na mulu roṉoa mai inao asi baea sulia mamana la eri na si faaroṉoa lea,

II. Korinitha 5:7

(Uria na mili abula ana fitooa, sulia si do na mili rikia ka ai);

Roma 6:11

Alafana lau boo manatamulua na ni kamulua mulu mae lau boo ana abula taa la, ma muka maruki ifatha God atha Jesus Christ na Lord kulu.

Efesasi 3:9

Ma kwai fatai nia isana wane ki sui bana si do na kera takofale nau ania ne toto thaufuni ita asi maṉa nai nao ki ka fula asi maṉa eri ni atha God ne thauwai nia si do ki sui bana atha Jesus Christ;

I. Pita 4:2

Fasi asi maṉa na nia kai to u ana seena imole e ai si to lau uria si do eki na wane ki kera thathamia, si do na tha God e thathamia naa na nia kai to uria.