Kolose 3:22 - Ṉa Alaofua Falu 1923 1949

²² Wane ni ra ki, muki ade sulia ṉata lana wane inoto kamulua ki ana see imole asi do ki sui bana; ana si maṉa eri bana na keki rikia ra lamulua, sa muki ade mala toa na kera thathamia faalea lana imole ka ai, muki ilia ana tee si lio i ruruumulua, muka mau atha God:

Kolose 3:22 Referans Kwoze

Galesia 1:10

Sulaania wane ki neri na nau ku thathamia keki ala fafi nau, mado tha God? mado wane ki neri na nau ku thathamii faalea kera? mada sa ku faalea wane ki ka fula asi maṉa eri, nau wane ni ra tha Christ e ai.

I. Thesalonika 2:4

Ma talafana tha God e ala fafi kamilia fasi ka takofale kamilia asi faaroṉoa lea, alafana na mili ṉata; ’uria sa miki faalea imole ki e ai, tha God ne ilitoona ruruumilia.

Kolose 3:20

Kala wela, muka ade sulia ṉata lana maka kamiu ki ma thainamiu ki asi do ki sui bana, uria na si kula eri e lea ana ṉa Lord.

Luke 6:46

Ma uria ta na muki alaṉi nau ana Lord, Lord, ma musi ilia si do ku soredaki?

Faelimone 1:16

Mala wane na kera suuwai nia kai tona ra e ai lau, e baita ka tatha ana wane una eri, mala doora liliothaua, na nau ku riki nia ka lea faamau, ma ni oe faamau ka tatha, dooramu i seena imole ma ana ṉa Lord lau boo.

II. Korinitha 7:1

Mania uria na alaṉaia eki ifakulua, toa liliothaua nau ki, kuki faafalu kulu faisia si do ki sui bana na kai faataalia seekulua ma spirit kulu, kuki faaabu teefau ani kulu ana mau la atha God.

Si do Aposela ki kera ilidaki 2:46

Ma sulia boṉi kera seemabe ana figu la ana tee si lio i la biu baita tha God, keka nia berede i maafera kera ki, keka ania faṉa kera ana seethathala la ma ana tee si lio i ruruuda,

Luke 7:8

Uria ni nau lau boo kera alu nau keka inoto iaku, ku inoto ana toa ana firua: ma ku soree isana wane nei, Lae, ma nia kai lae; ma ku soree isata wane lau, Lae mai, ma nia kai lae mai; ma ku soree isana wane ni ra nau, Ilia si do nei, ma nia kai ilia.

Mathui 8:9

Uria ni nau wane kera inoto lau boo iaku, ku inoto ana toa ana firua: ma ku soree isana wane nei, Lae, ma nia kai lae; ma ku soree isata wane lau, Lae mai, ma nia kai lae mai; ma ku soree isana wane ni ra nau, Ilia si do nei, ma nia kai ilia.

Mathui 6:22

Laafa ana seena imole na ṉa maana: mania mada sa maamu e laa, seemu sui boo kai laa teefau.

Fa Ṉu Abu ki 123:2

Rikia fasi, talafana maana wane ni ra ki ka lio uria abana wane inoto kera ki, talafana lau boo maana thari ka lio uria abana gwaulii ei nia, alafana lau boo maakulua kai lio uria tha Jihova na God kulu, maasia si maṉa nia kai tatakomi kulu.

Nehemiah 5:15

Wane gafumanu ki na kera gwauwai, na kera toto inaoku, kera suuwai nia toa eki keka usida boo, keka ṉalia ta si faṉa ma ta si waene faisida, fai tafulu sekele ana silifa ka safua; iu, wane ni ra kera ki mena keka thasi naunau uria toa eki: ni nau molo, uria faare baita la na nau ku faare baita atha God, e a’i kwasi ade una eri.

GENESIS 42:18

Ma ana ula fa boṉi eri tha Josefa ka soree isada, Si ade la na muki ilia na muki maruki sulia nania; uria ni nau ku faare baita atha God:

Nehemiah 5:9

Nau kwa una eri lau bakua, Si do e a’i si lea na mulu ilia neri: e a’i si faramulua sa muka abula ana faare baita la ana God kulu, mado? sulaania faare faekwa la na maalimae kulu ki, na ṉa toa ithara, kera faare faekwa ani kulu.