Kolose 3:17 - Ṉa Alaofua Falu 1923 1949

¹⁷ Ma atona bana ta si do na muki ilia, ana bae la mado abula la, muka ilia ka sui ana thatana tha Lord Jesus, muki sore lea talea tha God na Maka ani nia.

Kolose 3:17 Referans Kwoze

I. Korinitha 10:31

Mania mada sa muki faṉa, mado muki kuu, mado atona bana ta si do na muki ilia, muki ilia bamulua ifana inotoa tha God.

Kolose 3:23

Atona bana ta si do muki ilia, muki ra seemabe uria, ’uria sa muki ilia ifana ṉa Lord, ifana imole e ai;

Efesasi 5:20

Si maṉa na muki sore lea ṉado talea tha God na Maka uria si do ki sui bana ana thatana Lord kulu tha Jesus Christ;

I. Pita 4:11

Mada sa ta wane kai ṉata, ’uria sa nia ṉata asi ṉata tha God; mada sa ta wane kai ra, kai ra una eri ana sukwaia na tha God kai falea: fasi asi do ki sui bana keki fare inoto atha God atha Jesus Christ, Wane ana ṉa inotoa ma ṉa tooa toto si sui. Emeni.

I. Thesalonika 5:18

I maalutana si do ki sui bana na ka fula muki sore lea: uria na si do na tha God e thathamia atha Christ Jesus uri kamulua neri.

I. Pita 2:5

Ni kamulua lau boo, mala fau maruki‐ki, keki ofu kamulua muki tae ana biu tha Spirit, fasi muki toa ni foa la abu ki, na muki falea do ni foa la tha Spirit ki, na tha God kai ala fafia atha Jesus Christ.

Hibaru ki 13:15

Mania kuki falea si sui do ni foa la ifatha God, na ṉa taṉo lana la ani nia, si foee do i ṉiduna imole na ka faamamanea thatana neri.

I. Jone 3:18

Kala wela ki, kusi liothau ana toa ana bae lakulua, mado ana meakulua; ana abula lakulua bana ma ana mamana la.

I. Pita 2:9

Ma ni kamulua ina lana toa na kera filidaki, kiṉa ki na muka toa ni foa la, kulee toa abu, toa ifatha God i talaana, fasi muki fatai nia lea lana ni nia ne aili kamulua mai faisia maerodo ana lalaa lana na kera kwele ania:

Filifae 2:11

Ma fasi meana toa eki sui bana kai faamamanea tha Jesus Christ na nia Lord, ana inotoa tha God na Maka.

Si do Aposela ki kera ilidaki 4:30

Si maṉa oki tekwasia abamu uria faamaruki lana mataia ki; ma keki ilia bala si do ki ma do ni kwele la ania ki ana thatana Wela abu oe tha Jesus.

II. Thesalonika 2:17

Kai faainamarukia ruruumulua ma kai faasukwai kamulua uria si ra ma si baea lea ki sui bana.

Filifae 1:11

Ma muki fuṉu asi foee do ana kokoto la, na kai fula mai atha Jesus Christ, ana inotoa tha God ma taṉo lana.

Si do Aposela ki kera ilidaki 19:17

Ma si ade la eri e fula i aliṉana toa nai Efesasi ki sui bana, Ju ki ma toa i Girisi ki lau boo; ma mau la e toe kera sui, ma kera faainotoa thatana tha Lord Jesus.

Kolose 1:12

Muki sore lea ana ṉa Maka, ne adea kuka farana ṉali Iana ta si asi do toa abu eki keki fulatoona i la lalaa la;

Efesasi 1:17

Fasi nia ne God na Lord kulu tha Jesus Christ, ṉa Maka ana inotoa, kai falea spirit ana manata lea la ifamulua ma riki lana si do nia kai fatai nia ana thaitoomana lana la;

Kolose 2:7

Lalimulua kai ṉado ani nia ma keka faasukwai kamulua ani nia lau boo, muki takwe ṉado asi do eki na kulu fitoona, ’uria lau boo kera tooa isamulua, ma muki sore lea faamau.

Mathui 28:19

Mania muki lae, muki to’oa si do ki isana kulee toa ki sui bana, muki babataesi kera ana thatana ṉa Maka ma ṉa Kaluwane ma tha Spirit Abu:

I. Jone 2:23

Ni tei bana na ka sorea e dora bana ana ṉa Kaluwane, wane eri e ai ana ṉa Maka: wane na ka faamamanea ṉa Kaluwane ana ṉa Maka ni lau boo.

Roma 1:8

Si do totonao, ku sore lea talea God nau atha Jesus Christ uri kamulua sui, uria na kera ṉata sulia fitooa kamulua i la fanua nei iano ni sui bana.

Hibaru ki 1:5

Sulaania ni tei ana aini angel eki na nia e soree isana ana ta si maṉa, Kaluwane nau ni oe, Afa boṉi eri ku kwalafi oe? ma ta si lau, Nau kwai Maka iana, Ma ni nia kai Kaluwane nau?

I. Thesalonika 1:1

Tha Polo, ma tha Silafenasi, ma tha Timothiasi, isana figua toa nai Thesalonika atha God na Maka ma tha Lord Jesus Christ: Lea la iamulua ma enenoa ita atha God na Maka kulu ma tha Lord Jesus Christ.

Kolose 3:15

Ma enenoa tha God kai inoto i la ruruumulua, si do eri lau boo na kera aili kamulua mai uria ana tee seedo; ma muki sore lea.