Kolose 3:12 - Ṉa Alaofua Falu 1923 1949

¹² Mania toa na tha God e fili kamulua, na mulu abu ma kera liothau ani kamulua, muka tooni asi do nai ki, si lio ni tatakomi la, ade lea la, abula seseka la, abula marabibi la, si lio ni doanita tatha la;

Kolose 3:12 Referans Kwoze

Efesasi 4:32

Ma muki ade lea kwailiu iamulua, si lio kamulua ana mamasoro la, muki manata lube kamulua kwailiu, ’uria lau boo tha God e manata lube kamulua atha Christ.

Efesasi 4:2

Ana abula seseka la faamau ma abula marabibi la, asi lio ni doanita tatha la, muki mamasoro kamulua kwailiu ana liothau la;

I. Jone 4:19

Kulu liothau, uria ne liothau ani kulu totonao.

Kolose 3:10

Ma muka tooni naa ana wane falu, na keki adea kai falu uria thaitoomana la sulia nuna ni nia ne thauwai nia:

II. Pita 1:10

Mania, doora kera, muki seemabe ka tatha fasi muki adea aili lamulua la eri ma fili lamulua la kai mamana: sulaania mada sa muki ilia si do eki, sa muka taofai kamulua ana ta si maṉa e ai:

I. Thesalonika 5:15

Beta suli kamulua ada ta wane ka duua abula taa lana ta wane uri nia ana abula taa la; muki tari ṉado buriana si do ne lea, uri kamulua kwailiu, ma uria toa eki sui boo.

II. Korinitha 6:6

Asi lio ne thathaulia, ana thaitoomana la, asi lio ni doanita tatha la, ana adelea, atha Spirit Abu, ana liothau la na kesi lole ania,

Galesia 5:6

Uria atha Jesus Christ kwai kakali la e ai si kwaiadomi, ma mada sa kesi kwai kakali ata wane do eri ka ai si kwaiadomi lau boo; talitoona bana fitooa na kai ra ana liothau la.

I. Pita 1:2

Na kera fili kamulua sulia si do na tha God na Maka e thaitoomana totonao, ana faaabu lamulua la atha Spirit, uria ade la sulia ṉata lana ma uria taṉasi lamulua la ana abuna tha Jesus Christ: Lea la ma enenoa kai oro alaa iamulua.

II. Timothi 2:10

Mania nau ku susuu asi do ki sui bana ifana toa na tha God e filida, fasi ni kera lau boo keki fulatoona marukia eri na ni atha Christ Jesus bia inotoa na kai to tatha.

Roma 1:7

Isana toa nai Roma ki sui bana, na tha God e liothau ani kamulua, toa abu ne aili kamulua mai: Lea la iamulua ma enenoa ita mai atha God na Maka kulu ma tha Lord Jesus Christ.

Taetasi 1:1

Polo, wane ni ra tha God, ma aposela tha Jesus Christ, sulaania si do eki na toa na tha God e filida kera fitoona, ma thaitoomana lana mamana la eri asi lio ni fare baita la atha God,

Mathui 24:31

Ma nia kai arasia mai angel nia ki fafia aṉi lana buṉu ne aṉi baita, ma keki ofua mai toa nia ne talisida faisia fai sui fanua, faisia susui lana tee bali ana thalo lo, lae ka fula ata bali.

Luke 18:7

Ma tha God ka ai si soboṉia toa ne filida, na keki ’ai thatana afa thato mafa rodo, nia ka to mena asi lio ne ai si rakeiri fofoa sulida?

Luke 1:78

Sulia tatakomia i ruruuna God kulu, Na thato ne raraṉia fanue too mai ia e thai suli kulu sulia,

Mako 13:27

Ma sui nia kai arasia mai angel nia ki, ma kai ofua mai toa nia ne talisida faisia fai sui fanua, asi kula ne tau asia mena i fanua nei iano, ma asi kula ne tau asia mena i thalo lo.

Efesasi 4:24

Ma mulu tooni naa ana wane falu, na kera thauwai nia sulia tha God ana kokoto la ma si lio ne abu ana mamana la eri.

II. Timothi 1:9

Ne faamaruki kulu, me aili kulu mai ana aili la ne abu, sulaania ra kulu ki e ai, sulaania si do ni nia e tala thathamii ilia ma uria lea la nia, na kera falea naa iakulua atha Christ Jesus to u asia mai inao ne ai si sui,

Filifae 1:8

Uria na tha God kai faamamanea si do nia thaitoomana suli nau, na nau ku thathami kamulua faamau sui boo ana ruruuna tha Jesus Christ.

Efesasi 1:4

’Uria lau boo e fili kulu ani nia si maṉa na kesi boa u fanua nei iano, fasi kuki abu ma kuki dodoloa inaofana ana liothau la:

Roma 9:11

Uria si maṉa na wela eki kesi futa u mai, ma kesi ilia u si do ne lea mado si do ne taa, fasi si do eri na manatana tha God e thathamii ilia sulia fili la kai ṉado, asi ra ki e ai, ani nia na ka ailia mai.

Mako 13:22

Uria na Christ na kesi mamana ki ma porofeta na kesi mamana toto keki tatae, keki fatai nia bala si do ki ma do ni kwele la ania ki, fasi mada sa kera talaana, do keki talai garo ana toa na kera talisida mena.

Mako 13:20

Ma mada sa tha Lord e ai si lofoṉurusia fa boṉi eki, ta wane sa ka maruki e ai: sui uria toa na kera talisida, na nia e filida, nia ka lofoṉurusia boo fa boṉi eki.

Mathui 24:22

Ma mada sa kesi lofoṉurusia fa boṉi eki, ta wane so ka maruki e ai: sui keki lofoṉurusia boo fa boṉi eki ifana toa kera talisida.

Si do na kera fatai nia 17:14

Toa eki kikui firu bia ṉa Lama, ma ṉa Lama si nia kai tatha iadalua, uria nia Lord inoto ka tatha ana lord ki, ma Kiṉa inoto ka tatha ana kiṉa ki; ma toa eki lau boo na kiku lae bi nia, na kera ailida mai ma kera filida ma kiku mamana.

II. Jone 1:13

Baree wela dooramu, kini na tha God e fili nia, kera thathamia kwai ṉata isamu ’uria sa ni kera keki ṉata. Emeni.

Mathui 24:24

Uria na Christ na kesi mamana ki, ma porofeta na kesi mamana toto keki tatae, keki fatai nia bala si do baita ki ma do ni kwele la ania; fasi, mada sa kera talaana, do keki talai garo ana toa na kera talisida ni mena.

Roma 13:14

Muki tooni fafia seemulua atha Lord Jesus Christ, ma musi beta ta si do maakwalia see imole, ifana si thathami la taa nia ki.

I. Korinitha 13:4

Liothau la e doanita ka tau, ma ka ade lea; liothau la e ai si uga; liothau la e ai si uunaona e ai si tala faabaita nia i talaana,