Kolose 3:10 - Ṉa Alaofua Falu 1923 1949

¹⁰ Ma muka tooni naa ana wane falu, na keki adea kai falu uria thaitoomana la sulia nuna ni nia ne thauwai nia:

Kolose 3:10 Referans Kwoze

Roma 12:2

Ma musi abula ’uria abula lana unii wane nai maṉa eri: keki alu kamulua muki eeta uria manatamulua na kera adea e falu, fasi muki ilitoona si do na tha God e thathamia ne lea, ma do na kera ala fafia, ma ka sukwai teefau.

Efesasi 2:10

Uria ni kulu do nia e thauwai nia, ne thauwai kulu atha Christ Jesus maakwalia si ra lea ki, na tha God e thathaia totonao fasi kuki abula sulia.

Kolose 3:12

Mania toa na tha God e fili kamulua, na mulu abu ma kera liothau ani kamulua, muka tooni asi do nai ki, si lio ni tatakomi la, ade lea la, abula seseka la, abula marabibi la, si lio ni doanita tatha la;

II. Korinitha 5:17

Mania mada sa ta wane ni atha Christ, nia do falu: si do u inao ki ka sui naa; rikia fasi, si do ki sui bana e falu naa.

Fa Ṉu Abu ki 51:10

Oko thauwai nia do faalu i la ruruuku, God ae; oko adea spirit nau kai kokoto lau bana.

Kolose 3:14

Ma muki tooni ana liothau la fafia do eki sui boo, si do ne faaṉadoa do eki kai too neri.

I. Jone 2:5

Ma ni tei bana na kai ade sulia bae lana, ana wane eri kera faasukwaia mamana boo liothau la tha God. Asi kula eri mili thaitoomana na mili to ani nia:

Roma 13:14

Muki tooni fafia seemulua atha Lord Jesus Christ, ma musi beta ta si do maakwalia see imole, ifana si thathami la taa nia ki.

I. Jone 2:3

Ma asi kula eri kuki thaitoomana suli kulu na kuki thaitoomana ni nia, mada sa kuki ade sulia si ṉata fifi nia ki.

Roma 8:29

Sulaania toa ne thaitoomana totonao si do na keki ilia, toa eki manatana e sorea lau boo totonao keki ’uria nuna Kaluwane nia, fasi nia kai ulunao ana baree wai doorana oro ki:

Jone 17:3

Ma marukia tatha eri nai nia, na keki thaitoomamu God na talitoomu o mamana, bia keki thaitoomana tha Jesus Christ, no arasi nia mai.

Si do na kera fatai nia 21:5

Ma nia ne ono ana do ni ono la ana inotoa eri ka sorea, Rikia fasi, nau ku faafalua si do ki sui bana. Ma nia soree isaku, Oki keda: sulaania si baea fitoo ma mamana neri.

Efesasi 2:15

Uria ne faaaia ana seena si do na kera firu fafia, na ṉa lo asi ṉata fifi na kera ṉata sukwai sulia; fasi ana ro si do eki nia kai thauwai nia tee wane ne falu, ma kai fofolo una eri;

Galesia 6:15

Sulaania atha Christ Jesus kwai kakali la e ai si kwaiadomi, ma to lana toa kesi kwai kakali anida ka ai lau boo, talitoona boo thauwai falu la.

II. Korinitha 4:6

Uria na tha God neri, nia ne sorea, Lalaa la kai laa i la maerodo, ne laa i ruruumilia, fasi kai falea lalaa la na ṉa thaitoomana lana inotoa tha God ana maana tha Jesus Christ.

II. Korinitha 3:18

Ma ni kulu sui, ana maakulua ne ai ta maku si thu fafia, uria na kulu rikia ’uria i la ironunu inotoa tha Lord, kera tala ani kulu kuka lioe nuna ana inotoa na kai baita alaa, uria si do na kai ita ana Spirit tha Lord.

Roma 13:12

Baita lana fa rodo e sui naa, si maṉa eri karaṉi dani naa: mania kuki naṉa ania si ra ana maerodo ki, ma kuki alua rauma ana lalaa la fafia seekulua.

Galesia 3:27

Sulaania kamulua sui bana, toa na kera babataesi kamulua ana thatana tha Christ, mulu tooni kamulua naa atha Christ.

Hibaru ki 6:6

Ma sui kera asi kera faisia, do afetai ka tatha sa keki faafalu kera lau ana manata akele la; uria na kera fota lau fafia Kaluwane tha God faisida, ma kera fare taa lalaa ani nia.

GENESIS 5:1

Buka asi ade la ne ita mai atha Adam nai nia. Afa boṉi eri na tha God e thauwai nia imole, ka thauwai nia sulia nuuna tha God;

Roma 6:4

Mania kera kwaiṉei kulu ofu bi nia ana babataesi la eri ana maea: fasi talafana na kera tataea tha Christ faisia toa mae ki uria inotoa ṉa Maka, alafana lau boo ni kulu kuka abula ana marukia ne falu.

II. Korinitha 4:16

Mania misi feda ania; ma wane na kera rikia ana seemilia toto kai taa mena, wane i ruruumilia keka faasukwaia kai falu sulia boṉi.

Faelimone 1:6

Fasi kwaimani lea la eri ana fitooa oe kai ra sukwai ifatha Christ Jesus, uria na kera thaitoomana si do lea eki sui bana na ni ani oe.