Kolose 3:1 - Ṉa Alaofua Falu 1923 1949

¹ Mada sa kera tatae kamulua naa bia tha Christ neri, muki rofe uria si do nai ia ki, asi kula na tha Christ ni iei, kai ono ibali aba aola tha God.

Kolose 3:1 Referans Kwoze

Roma 8:6

Uria na manatana see imole na ṉa maea; manatana tha Spirit na ṉa marukia ma enenoa:

Mathui 6:33

Muki rofe totonao uria tooa tha God, ma kokoto la nia; ma si do eki sui bana keki safua bia ifamulua.

II. Korinitha 4:18

Si maṉa na miki lio uria si do na kera rikidaki e ai, uria si do ne ai kesi rikidaki: sulaania si do na kera rikidaki kai tatha bana; ma si do ne ai kesi rikidaki kai to tatha.

Kolose 3:2

Muki alua manatamulua asi do nai ia ki, ma si do nai iano ki ka ai.

Mathui 6:20

Muka teiṉania ogogonia ki ifamulua i thalo, kula ne ai ta fufuru ma ka ai ta bura la si faaaia, ma toa na keki bili kesi ogebiu ma kesi bili:

Hibaru ki 12:2

Kuki lio uria tha Jesus na fitooa kulu ita mai ani nia, ma nia na kai faasukwai teefau ania, Wane ne susuu uria seethathala la eri na kera alua inaofana ana ’ai rarafolo, me fare faekwa asi do ni faaseenoni la eri, sui ka ono ibali aba aola ana do ni ono la ana inotoa tha God.

Luke 12:33

Muki usi asi do na mulu alua, ma muki tona faledo ifana toa na kesi rikii do; muki thauwai nia wai ni alumalefo ifamulua na toto si lafu, ṉa ogogonia i thalo lo ki mai na toto si sui, si kula na wane na kai bili si fula karaṉia, ma fufuru si labatania.

Fa Ṉu Abu ki 16:11

Oki fatania tala ana marukia isaku: seethathala la na kai fuṉu i ruruuku ni inaofamu; i aba aola oe si do ki na kai faaleaa imole ka toto bana.

Hibaru ki 1:3

Ma ni nia, uria ne iriroa ana inotoa tha God, ma alafana bonaa na ni nia, ma uria na ka raufaaṉado asi do ki sui bana asi ṉata ana sukwaia nia, buriana ne faafalu kulu faisia abula taa la ki, ka bii ono i aba aola ni Nia ne Inoto ka tatha ia mai;

Luke 22:69

Too asi maṉa eri Kaluwane imole kai ono ibali aba aola ana sukwaia tha God.

Kolose 2:20

Mania mada sa mulu mae naa bia tha Christ faisia si do totonao fanua nei iano ki, uria ta na mulu ’uria imole ne maruki u ana fanua nei iano, mulu roo sulia si ṉata fifi ki,

Hibaru ki 8:1

Ma gwauna si do na mili soredaki nania: Akulua aofia ni foa ne una eri, na ka ono bana i aba aola do ni ono la ni nia ne Inoto ka tatha i thalo lo ki,

Roma 8:34

Ni tei na kai sorea kwae lakulua? Tha Christ ana e mae, iu, kera tataea boo faisia toa mae ki, ka to bana ana aba aola tha God, ma kai lae lau boo isana uri kulu.

Hibaru ki 10:12

Ma Wane eri molo e falea tee do ni foa la uria abula taa la ki, sui ka bii ono toto si sui ibali aba aola tha God;

Mathui 26:64

Tha Jesus ka soree isana, Oi sorea: una ena mena, ku soree isamulua, Too asi maṉa eri do toto muki rikia Kaluwane imole kai ono ibali aba aola ana sukwaia, ma kai lae mai fafona datha lo ki i thalo.

Efesasi 4:10

Nia ne sifo, Wane eri lau boo ne tae uria si kula ni da fafia thalo lo ki sui, fasi kai faafuṉua si do ki sui bana.)

Mako 14:62

Ma tha Jesus ka sorea, Nau ni nia: ma toto muki rikia Kaluwane imole kai ono ibali aba aola ana sukwaia, ma kai lae mai ana datha lo ki i thalo.

Hibaru ki 1:13

Ma sulia ni tei ana aini angel eki ne sorea ana atona bana ta si maṉa, Oki ono ibali aba aola nau, Maasia si maṉa na nau kwai alua maalimae oe ki do ana alu lana aaemu fafoda?

Si do Aposela ki kera ilidaki 2:34

Sulaania tha Defeta e ai si tae uri thalo lo ki: ma ni nia e sorea, Tha Lord e soree isana Lord nau, Oki ono ibali aba aola nau,

Luke 20:42

Ma tha Defeta talani nia e sorea i la buka ana Ṉu ki, Tha Lord e soree isana Lord nau, Oki ono ibali aba aola nau,

Mako 16:19

Mania ṉa Lord, buriana ne ṉata isada e sui, kera tae fafi nia uri thalo lo, ma nia ka ono ibali aba aola tha God.

Mako 12:36

Uria na tha Defeta talani nia e sorea atha Spirit Abu, Tha Lord e soree isana Lord nau, Oki ono ibali aba aola nau, Maasia si maṉa kwai adea maalimae oe ki kera do ni alu lana aaemu ifafona.

I. Pita 3:22

Ne fula naa i thalo, ma ka to bana ana aba aola tha God; ma kera alua aini angel ki ma toa gwauwai ki ma toa sukwai ki keka roo suli nia.

Si do Aposela ki kera ilidaki 7:55

Ma ni nia, na kera faafuṉu nia atha Spirit Abu, ka lio tete uri thalo lo, ka rikia inotoa tha God, ma tha Jesus kai takwe ana aba aola tha God,

Mathui 22:44

Tha Lord e soree isana Lord nau, Oki ono ibali aba aola nau, Maasia si maṉa kwai alua maalimae oe ki fara aaemu?

Fa Ṉu Abu ki 110:1

Tha Jihova e soree isana Arai nau, Oki ono ibali aba aola nau, maasia si maṉa kwai adea maalimae oe ki kera do ni alu lana ’a’aemu ifafona.

Efesasi 5:22

Ai ila ai ki muki roo sulia kwaimulua ki, ’uria sa muki roo sulia ṉa Lord.