Kolose 2:8 - Ṉa Alaofua Falu 1923 1949

⁸ Beta suli kamulua ada mado e ai ta wane kai bili kamulua asi thathami la nia uria manata lea la ma kaura la ne fakoka, sulia si do imole kai sorea, sulia si do totonao ba ana fanua nei iano ki, ma sulia tha Christ e ai:

Kolose 2:8 Referans Kwoze

I. Timothi 6:20

Timothi ae, oko fono toi kakalia si do na keka takofale oe ania, oki keto faisia ṉata la ne fakoka ne eeta faisia tha God bia kwaisuusi la ana ṉa manata lea la na kera alaṉi garo ania;

Efesasi 5:6

Musi alamatania ta wane si lole kamulua asi baea ne fokoka: sulaania sulia si do eki rakeiria tha God kai fula fafia unii wane na kera ade faisia ṉata lana.

Mathui 7:15

Muka fia porofeta na kesi mamana ki, na keki lae mai isamulua, keki tooni ana maku sifi, ma sui i lala kera ṉa koito kwasi ne isialoṉa ki.

Galesia 4:9

Ma si maṉa eri na mulu fulatoona thaitoomana lana tha God, mado na tha God e thaitoomamulua, uria ta na mulu akele buri uria si do totonao ba ne ai si sukwai ki ma ka fakoka, si do na mulu thathamia keki suuwai kamulua ania muki roo lau sulia?

Kolose 2:20

Mania mada sa mulu mae naa bia tha Christ faisia si do totonao fanua nei iano ki, uria ta na mulu ’uria imole ne maruki u ana fanua nei iano, mulu roo sulia si ṉata fifi ki,

II. Timothi 3:13

Ma wane taa ki ma toa ni lole la keki taa ka lae tatha, keki lole ma kera loleda lau boo.

II. Pita 3:17

Mania ni kamulua, toa liliothaua nau ki, uria na mulu thaitoomana si do eki totonao, muki fia ada mado e ai keki tole garo ani kamulua ana ade garo la toa taa eki, ma muki asi kamulua faisia si lio ni takwe ṉado la kamulua.

Hibaru ki 13:9

Kesi tole garo ani kamulua ana kwaifamanataia oro eeta ki: sulaania e lea na keki faaṉadoa rurui imole ana lea la; asi do ni ani lana ki e ai, si do ne ai si adomia toa ne oga kera faamau.

II. Jone 1:8

Beta suli kamulua, fasi si do na kulu ra naa anidaki e ai si aana faisi kulu, ma fasi kuki ṉalia foli lakulua na kai talaana.

Galesia 4:3

Alafana ni kulu lau boo, si maṉa kulu wela ki u, kera suuwai kulu kuka roo sulia si do totonao ki ana fanua nei iano:

II. Korinitha 10:5

Mika naṉa ania manata baita la ki, ma si do baita ki sui bana na kera faabaita fasi kai suusia thaitoomana lana tha God, ma mika talaia mai si manata la ki sui bana mika suuwanida keki ade sulia tha Christ;

Kolose 2:18

Musi alamatania ta wane si laua kwaiara kamulua faisi kamulua ana ili lana si do nia tala thathamia ana abula seseka la ma faabaita lana angel ki, uria ne onotoona si do ne ai si rikia, ma manatana i talaana ka tona faabaita nia,

I. Pita 1:18

Uria na mulu thaitoomana na kera tae fasi kamulua, asi do toto kai taa ki, uria silifa bia goloda, e ai, faisia abula lamulua ne ai si kwaiadomi ne ita mai ana maka kamulua nai nao ki;

Roma 16:17

Sui ku ṉata kwaitakoi, kwa soree isamulua, doora kera, lio, fasi muki thaitoomana toa eki na to la ana tafulu si lio ma si do ni faataofai lana imole ki ita mai ani kera, si do ne ai si totoo bia kwaifamanataia eri na mulu ṉalia naa: ma muki akele faisida.

Efesasi 4:20

Ma ni kamulua e ai musi ṉalia si do una eki atha Christ;

Galesia 1:14

Ma asi do eri na Ju ki kera faamamanea nau ku inoto ka tatha ana toa oro ana unii wane nau ana kulee toa nau, uria nau ku seemabe faamau ka tatha uria si ṉata maka nau nai nao ki.

Filifae 3:2

Muki fia koito eki, muki fia wane eki na kera abula taa, muki fia kwaimusi lana tai si kula ana seemulua:

Mathui 16:6

Sui tha Jesus ka soree isada, Muki to kinakina, muka fia lefena Farisi ki bia Sadiusi ki.

Mathui 10:17

Muki fia imole: uria na toto keki fale kamulua ifana ofu la ki, ma keki kwae tataria ana sulimulua i la biu ni ofu la kera ki;

Kolose 2:22

(Si do eki sui boo na kera tooa kai sui u bomai si maṉa na kera rara mai ania), sulia ṉata lana imole ma kwaifamanatai lana?

Efesasi 2:2

Na mulu abula sulia dini mai inao sulia si maṉo eri na ni ana toa na fanua nei iano, suli nia ne inoto ana toa gwauwai eki i la mamatalea, spirit na ka ra si maṉa eri i lala unii wane na kera ade faisia si ṉata;

Si do Aposela ki kera ilidaki 17:18

Ma tei wane ana Epikureana ki ma Sitoika ki, toa na kera thathamia manata lea la, keka fulatoona. Ma tei toa keka sorea, Si ta na wane na kai tona ṉataṉata nania ka thathamii sorea? ma tei toa lau, E ’uria sa nia fatai nia god eeta ki: sulaania e ṉata sulia tha Jesus ma tatae la faisia toa mae ki.

Si do Aposela ki kera ilidaki 17:32

Sui si maṉa kera roṉoa ṉa tatae la faisia toa mae ki, tei wane kera aefara; mat ei wane ki lau keka sorea, Miki roṉo oe si lau sulia si do eri.

I. Korinitha 8:9

Ma muki beta suli kamulua ada mado e ai sukwaia kamulua eri na ṉa do ni faataofai lana toa na kera maketho.

I. Korinitha 10:12

Mania nia na ka manataia i talaana na nia takwe ṉado, wane eri kai beta suli nia ada kai asi nia iano.

Galesia 5:15

Ma mada sa muki ale kamulua kwailiu ma muki dudumeme ani kamulua, muka fia ada muka faaai kamulua kwailiu.

Kolose 2:23

Ma riki lana si do eki fetei na kai ’uria si do ana liotooa sulia thathami lana foa la, ma abula seseka la, ma fare taa la ana see imole; sui sa ka talaana firu la bia si do na seena imole thathamii ilia e ai.

Hibaru ki 3:12

Muki fia, doora kera, ada mado e ai atona bana ta wane iamulua ana ruruuna ne taa ma ka fitala, na ka akwasia ṉa God maruki: