Kolose 2:7 - Ṉa Alaofua Falu 1923 1949

⁷ Lalimulua kai ṉado ani nia ma keka faasukwai kamulua ani nia lau boo, muki takwe ṉado asi do eki na kulu fitoona, ’uria lau boo kera tooa isamulua, ma muki sore lea faamau.

Kolose 2:7 Referans Kwoze

Efesasi 3:17

Fasi tha Christ kai to i ruruumulua ana fitooa; adedea, na keka faaṉadoa lalimulua ana liothau la,

Kolose 1:23

Mada sa muki to ṉado asi do eki na kulu fitoona, ma keka faaṉado kamulua muki takwe ṉado, ma kesi idu kamulua faisia si do eri na kulu manatatoo ṉado uria asi faaroṉoa lea na mulu roṉoa, na kera ṉata sulia isana imole eki sui boo na kera thauwai nia ifara thalo lo; si do na kera alu nau tha Polo nau wane ni ra la ania.

II. Thesalonika 2:17

Kai faainamarukia ruruumulua ma kai faasukwai kamulua uria si ra ma si baea lea ki sui bana.

I. Pita 5:10

Ma tha God ana lea la ni sui bana, ne aili kamulua mai atha Christ Jesus uria inotoa nia ne to tatha, buriana na mulu toto ana taa la ana kasi maṉa seseka, talani nia kai faasukwai teefau ani kamulua, kai faatakwe kamulua, kai faaṉado kamulua

Efesasi 5:20

Si maṉa na muki sore lea ṉado talea tha God na Maka uria si do ki sui bana ana thatana Lord kulu tha Jesus Christ;

Roma 16:25

Sui nia ne sukwai ana faaṉado lamulua la sulia si faaroṉoa lea nau ma ṉata la eri sulia tha Jesus Christ, sulia si do eri na kera fatai nia ne toto thaufuni ita mai asi maṉa u asia mai inao ne ai si sui,

Fa Ṉu Abu ki 92:13

Toa eki na kera fasida i la biu tha Jihova, keki to ni lea la i la labata ki God kulu.

Fa Ṉu Abu ki 1:3

Ma wane eri kai ’uria ’ai na kera fasia i ninimana kafo baita ki, ne fuṉu asi maṉa na unii foee do nia; ma reena lau boo toto si dele; ma atona bana ta si do ne ilia kai mamana.

Jude 1:24

Ma sui nia ne sukwai fasi kai rau iamulua faisia taofai lamulua la, ma kai faatakwe kamulua muki dodoloa inaofana inotoa nia ana fula lana mai, ana seethathala la ne baita ka tatha,

I. Korinitha 15:58

Mania, doora liliothaua nau ki, muki takwe ṉado, kesi idu kamulua, muki seemabe ṉado faamau ana ra ṉa Lord, sulaania mulu thaitoomana na ra na mulu ulafu ania ta tonee do e ai ana ṉa Lord.

Hibaru ki 13:15

Mania kuki falea si sui do ni foa la ifatha God, na ṉa taṉo lana la ani nia, si foee do i ṉiduna imole na ka faamamanea thatana neri.

Kolose 3:17

Ma atona bana ta si do na muki ilia, ana bae la mado abula la, muka ilia ka sui ana thatana tha Lord Jesus, muki sore lea talea tha God na Maka ani nia.

I. Thesalonika 5:18

I maalutana si do ki sui bana na ka fula muki sore lea: uria na si do na tha God e thathamia atha Christ Jesus uri kamulua neri.

Luke 6:48

Nia e ’uria wane ne kasibiu, ne ili ka sifo ladoa, ma ka alua boa lana i fafona fau: ma si maṉa na kafo e luu, kafo eri e too ana biu eri, ma ka dora ana isu lana: uria na kera boa i fafona fau.

Efesasi 4:21

Mada sa mulu roṉoa ṉata lana, ma kera tooa si do ki isamulua ani nia, alafana mamana la na ni atha Jesus:

Jude 1:20

Ma ni kamulua, toa liliothaua nau ki, muki faasukwai kamulua, ’uria biu baita, fafia si do abu eki na mulu fitoona, muki foa atha Spirit Abu,

II. Korinitha 1:21

Ma ni nia na kai faaṉado kamilia bi kamulua atha Christ, ne kiki kulu ana gwai, na tha God;

Jude 1:12

Toa eki neri ne ’uria gwa mai ne to thaufuni ki ana fafaṉa kamulua ki ana liothau la si maṉa na kera faṉa bi kamulua, ma kesi mau ana thare lada la i talaada; si datha ne ai ta si kafo iei, na thauthau kai taria; ’ai ne ai si fuṉu ki asi maṉa na unii do kai rafo, na ka mae ana ro fa mae la, kera lafu fa lalida;

I. Korinitha 1:8

Na kai faaṉado kamulua lau boo ka fula ana susui la, muki dodoloa afa boṉi eri na Lord kulu tha Jesus Christ.

Hibaru ki 13:9

Kesi tole garo ani kamulua ana kwaifamanataia oro eeta ki: sulaania e lea na keki faaṉadoa rurui imole ana lea la; asi do ni ani lana ki e ai, si do ne ai si adomia toa ne oga kera faamau.