Kolose 2:6 - Ṉa Alaofua Falu 1923 1949

⁶ Mania talafana na mulu ṉalia Christ Jesus ṉa Lord, alafana na muki abula ani nia,

Kolose 2:6 Referans Kwoze

Kolose 1:10

Fasi muki abula ana abula la ne farana ṉa Lord asi do ki sui bana na kai faalea nia, muki fuṉu ana foee do asi ra ki sui bana ne lea, ma muki baita alaa ana thaitoomana lana tha God;

I. Jone 2:6

Wane na ka sorea ne to ani nia, lea na wane eri kai abula lau boo sulia abula lana.

I. Thesalonika 4:1

Si do iisi, doora kera, kamilia mika ṉata kwaitakoi mika soree isamulua atha Lord Jesus, na, talafana na mulu roṉoa ani kamilia sulia abula la ne kokoto muki abula sulia na tha God ka ala fafia, abula la kamulua eri kai sukwai alaa.

Galesia 2:20

Kera fota fafi nau sui naa ana ’ai rarafolo bia tha Christ; una ena mena, ku maruki bakua; sui ni nau e ai lau, tha Christ ana ne maruki i seeku; ma marukia eri na nau ku to ania i seena imole ku to ania ana fitooa, na ni ana Kaluwane tha God, ne liothau iaku, ma ka alamatai nia uri nau.

II. Korinitha 5:7

(Uria na mili abula ana fitooa, sulia si do na mili rikia ka ai);

Kolose 3:17

Ma atona bana ta si do na muki ilia, ana bae la mado abula la, muka ilia ka sui ana thatana tha Lord Jesus, muki sore lea talea tha God na Maka ani nia.

Jude 1:3

Toa liliothaua nau ki, si maṉa nau ku seemabe faamau ana kekeda la kau isamulua sulia marukia eri na kulu maruki ania, ruruuku e thathamia e ai si ei kwai kekeda bokau isamulua, kwai soree isamulua muki seemabe ana firu la uria si do eki na kulu fitoona na kera fale teefau naa ania fasi kai to ṉado ifana toa abu eki.

I. Jone 5:20

Ma kulu thaitoomana na Kaluwane tha God e fula naa, me falea manata lea la ifakulua, fasi kuka thaitoomana ni nia ne mamana, ma kulu to ani nia ne mamana, ana Kaluwane nia tha Jesus Christ. Ṉa God mamana neri, ma marukia tatha.

Filifae 1:27

Tee si do boo, abula lamulua kai farana si faaroṉoa lea tha Christ: fasi, mada sa kwa fula kwa riki kamulua mado kwa to mai i thara faisi kamulua, kwai roṉoa to lamulua, na muki takwe ṉado ana tee spirit, ma ana tee si manata muki aṉasi ana ra ofu la ifana si do eki na kulu fitoona na si faaroṉoa lea;

Hibaru ki 3:14

Uria na akulua ta si asi do tha Christ ki, mada sa kuki rau ṉado ana seeraa la na kulu seeraa ania totonao, kai ṉado maakwalia ṉa susui la:

Efesasi 4:1

Mania ni nau, wane ana ṉa Lord na kera suusi nau i la lokafu, ku ṉata kwaitakoi ku soree isamulua muki abula ana abula la ne farana aili la eri na kera aili kamulua mania,

Jone 14:6

Tha Jesus ka soree isana, Nau na ṉa tala, ma ṉa mamana la, ma ṉa marukia: e ai ta imole si lae mai isana ṉa Maka ata tala eeta, talitoona ani nau.

Jone 13:20

Mamana, mamana, ku soree isamulua, Wane na kai thathagonia ni tei bana na nau kwai arasia isana, kai thathagoni nau; ma wane na kai thathagoni nau kai thathagoni nia ne arasi nau mai.

Mathui 10:40

Wane na kai thathagona kamulua kai thathagoni nau, ma wane na kai thathagoni nau kai thathagoni nia ne arasi nau mai.

I. Korinitha 1:30

Ma ni kamulua mulu ita mai ani nia atha Christ Jesus, na kera alu nia kai liotooa ifakulua ita mai atha God, ma kokoto la ma faaabu la, ma tae la faisikulu:

Galesia 3:26

Uria ni kamulua sui boo kaluwane tha God ki, uria fitooa, atha Christ Jesus.