Kolose 2:2 - Ṉa Alaofua Falu 1923 1949

² Fasi keka faainamarukia ruruuda, uria na kera lado kera keka rao ana liothau la, ma keka rikii do faamau asi do na kera thaitoomana lea maalutana mamana lana, fasi keka thaitoomana si do tha God na Maka ne toto thaufuni, tha Christ neri,

Kolose 2:2 Referans Kwoze

Kolose 1:27

Na tha God e thathamii faaroṉoda keka thaitoomana si do eri ma keki rikii do ania uria faainoto lada la asi do eri ne toto thaufuni i maalutana Jenetaele ki, tha Christ ne ni ani kamulua neri, ne adea muki manatatoo ṉado uria inotoa:

Kolose 4:8

Wane na nau ku arasia kau isamulua uria si kula eri, fasi nia kai thaitoomana to lamulua, ma fasi kai faainamarukia ruruumulua;

Efesasi 6:22

Wane na nau ku arasia kau isamulua uria si do eri lau boo, fasi muka thaitoomana to lamilia, ma fasi kai faainamarukia ruruumulua.

Kolose 3:14

Ma muki tooni ana liothau la fafia do eki sui boo, si do ne faaṉadoa do eki kai too neri.

Roma 16:25

Sui nia ne sukwai ana faaṉado lamulua la sulia si faaroṉoa lea nau ma ṉata la eri sulia tha Jesus Christ, sulia si do eri na kera fatai nia ne toto thaufuni ita mai asi maṉa u asia mai inao ne ai si sui,

Filifae 3:8

Iu, me mamana manataku e sorea na si do ki sui bana e ilia na ku toto ana rofe la sulaania thaitoomana lana tha Christ Jesus na Lord nau e lelea ka tatha: Wane na ku faaaana si do ki sui bana inunufana, ma ku manatatoona na ka ’uria si do na kera naṉa ania i la taerau, fasi kwai toda tha Christ,

Filifae 2:1

Mania mada sa ta si lio ni faainamaruki lana imole ni atha Christ, mado ta si lio ana faalea lana manatana imole ana liothau la, mado ta kwaimani lea la atha Spirit, mado ta ruruui imole ne lea ma si lio ni tatakomi la,

II. Pita 1:3

Uria na sukwaia nia, na ṉa sukwaia tha God, e alamatania si do ki sui bana ifakulua ana marukia ma asi lio ni fare baita la atha God, ana thaitoomana lana ni nia ne aili kulu mai ana inotoa ma kokoto la;

Roma 15:13

Sui ku thathamia ṉa God na kera manatatoo ṉado uria kai faafuṉu kamulua ana seethathala la faamau ma enenoa si maṉa na muki fitoo, fasi muki manatatoo ṉado faamau uria si do ne lea, ana sukwaia tha Spirit Abu.

Jone 10:30

Ni nau ma ṉa Maka, kamarea tee Do boo.

Jone 6:69

Ma kamilia mili fitoo ma mili thaitoomana ni oe Christ ba, Kaluwane ṉa God ne maruki.

Hibaru ki 10:22

Kuki idu karaṉi mai fafia ruruukulua ne mamana, ana fitooa baita faamau, fafia ruruukulua na kera taṉasia si lio ne taa faisia, ma seekulua na kera taua asi kafo thathaulia:

I. Timothi 3:16

Me ai ta wane si tofea na do eri ne toto thaufuni asi lio ni fare baita la atha God e baita; kera fatai nia tha God ana seena imole, kera ala fafia kokoto lana atha Spirit, angel ki kera rikia, kera ṉata sulia isana Jenetaele ki, kera fitoona i fanua nei iano, kera tataea ana inotoa.

Hibaru ki 6:11

Ma mika thathamia ni kamulua sui, ta wane si ei boo, muki fatai nia seemabea eri boo, fasi si do na muki manatatoo ṉado uria muki maakwalia mamana boo maasia ṉa susui la:

Kolose 1:9

Sulia si kula eri ni kamilia lau boo, ita mai afa boṉi na mili bii roṉoa si do eri, mili foa uri kamulua ta si maṉa si ei ma mili gani, fasi keki faafuṉu kamulua asi lio ana thaitoomana lana si do ne thathamia ana liotooa ni sui bana ma manata lea la atha Spirit,

Galesia 3:28

E ai ta Ju si ni kunei ma ka ai ta wane i Girisi, e ai ta wane na kai tona ra ma ka ai ta wane na kai tona to, e ai ta do wane ma ka ai ta do kini: uria ni kamulua sui tee see do atha Christ Jesus.

I. Korinitha 2:12

Me ai misi ṉalia spirit fanua nei iano, tha Spirit ne ita mai atha God ni ana; fasi mika thaitoomana si do ba ki na tha God e tona falea iamilia.

Jone 17:3

Ma marukia tatha eri nai nia, na keki thaitoomamu God na talitoomu o mamana, bia keki thaitoomana tha Jesus Christ, no arasi nia mai.

Jone 16:15

Si do ki sui bana na ṉa Maka kai rikia, do nau ki lau boo: mania nau ku sorea, Nia kai ṉali asi do nau ki, ma kai fatai nia isamulua.

Jone 10:38

Sui mada sa ku ilia boo, musi fitooku mena, muki fitoona si ra eki: fasi muki thaitoomana ma muki faamamanea na ṉa Maka ni ani nau, ma ni nau ku ni ani nia.

Jone 5:23

Fasi toa ni sui bana keki fare baita ana ṉa Kaluwane, talafana lau boo na keki fare baita ana ṉa Maka. Wane ne ai si fare baita ana ṉa Kaluwane, e ai si fare baita ana ṉa Maka ne arasi nia mai.

Jone 5:17

Tha Jesus e luuda, ka una eri, Maka nau kai ra ka fula asi maṉa eri, ma ni nau ku ra.

Mathui 11:27

Si do ki sui bana Maka nau e falea naa ifaku: me ai ta wane si thaitoomana ṉa Kaluwane, talitoona ṉa Maka e thaitoomana; me ai ta wane si thaitoomana ṉa Maka, talitoona ṉa Kaluwane e thaitoomana, bia ni tei bana na ṉa Kaluwane e thathamia kai fatai nia isana.

Mathui 11:25

Asi maṉa eri tha Jesus e luua, ka sorea, Nau ku sore lea iamu, Maka ae, Lord ana thalo lo ma fanua nei iano, uria na thaufunia si do eki faisia toa liode too ma toa manatade kali, mo fatai nia isana wela aabu ki:

Fa Ṉu Abu ki 133:1

Rikia fasi, si abula la e lea me farana sa keki thathamia nai nia, doora kera keki to ofu ana tee si lio!

I. Jone 5:7

Sulaania toa na kera faamamanea si do kera thaitoomana i thalo kera ulu Ei, ṉa Maka, ma ṉa Baea, ma tha Spirit Abu: ma ulu Ei eki tee God boo.

I. Jone 3:19

Ma asi kula eri kuki thaitoomana ni kulu do ana mamana la, ma kuki faababatooa ruruukulua inaofana;

II. Pita 3:18

Ma muki sukwai alaa ana lea la ma thaitoomana lana Lord kulu ne faamaruki kulu, tha Jesus Christ. Keki fare inoto ani nia si maṉa eri ma toto si sui. Emeni.

II. Pita 1:10

Mania, doora kera, muki seemabe ka tatha fasi muki adea aili lamulua la eri ma fili lamulua la kai mamana: sulaania mada sa muki ilia si do eki, sa muka taofai kamulua ana ta si maṉa e ai:

I. Thesalonika 5:14

Ma miki soree isamulua, doora kera, muki faamanataia toa na kera abula kekeo, muki faainamarukia toa ruruude mau, muki rausualia toa na kera feda ki, muki doanita ka tau ana toa eki sui boo.

I. Thesalonika 3:2

Ma mili arasia kau tha Timothiasi, doorakulua ma wane ni ra ofu la bi kamilia ifatha God asi faaroṉoa lea tha Christ, fasi kai faasukwai kamulua, ma kai faainamaruki kamulua sulia si do eki na mulu fitoona;

I. Thesalonika 1:5

Uria na si faaroṉoa lea kamilia e ai si fula isamulua ana talitoona si baea, ana sukwaia ni lau boo, ma atha Spirit Abu, ma asi do ne fatai lalaa ana mamana lana; talafana na mulu thaitoomana to lamilia i maalutamulua na mili toto ania uri kamulua.

Si do Aposela ki kera ilidaki 4:32

Ma malului wane eki sui boo na kera fitoo kera to ana tee si lio ma ana tee si manata: me ai ta imole si sorea si do ne rikidaki si do nia ki i talaana; si do kera ki si do i ofuane ki bana.

Mathui 13:11

Nia luuda, ka soree isada, Kamulua kera alamatai kamulua muki thaitoomana si do eki ne to thaufuni ana tooa i thalo, ma ni kera e ai kesi alamatania ifada.

Luke 1:1

Uria na toa oro kera ili uria alu ofu la asi do ba ki na kera ilia ka mamana naa i maalutamilia,

Roma 2:4

Mado o fare faekwa ana lea la nia ne baita asia naa ma mamasoro la ma si lio ni doanita tatha la nia, uria nosi thaitoomana sulia lea la tha God eri ne tole oe mai uria manata akele la?

I. Korinitha 14:31

Uria ni kamulua sui boo kera alamatai kamulua muki ṉata mala porofeta, tee imole iamulua ana tee si maṉa, fasi kamulua sui boo muki too uria si do ki ma keki faainamaruki kamulua sui boo;

Efesasi 1:7

Wane eri na kulu rikia tae la faisi kulu ni ani nia sulia ’abuna, na manata lube la ana abula garo lakulua ki, sulia inotoa lea la nia.

Efesasi 3:3

Na kera fatai nia si do eri ne toto thaufuni isaku fasi kwa thaitoomana, ’uria aṉee si do ku keda dini na ba,

Efesasi 3:16

Fasi, sulia si do eki na nia kai rikii do ania uria faainoto lana, nia kai falea si kula eri ifamulua keki faasukwaia wane nai ruruumulua ana sukwaia ana Spirit nia;

Kolose 1:26

Si do ne toto thaufuni faisia si maṉa nai nao ki sui bana ma faisia unii wane ki sui boo neri: ma si maṉa eri kera fatai nia naa isana toa abu nia ki,

Kolose 2:19

Me ai si rau ana ṉa Gwau, na seedo eri sui boo, na lado la eki ma si lalali eki ka faasukwaia ma ka ladoa ka rao, kai baita alaa ani nia ana baita la ne ita mai atha God.

Kolose 4:3

Ma muki foa uri kamilia lau boo, fasi tha God kai ifinia maa ifamilia ifana si baea eri, miki ṉata sulia si do tha Christ ne toto thaufuni, si do na kera kani nau lau boo fafia;