Kolose 2:19 - Ṉa Alaofua Falu 1923 1949

¹⁹ Me ai si rau ana ṉa Gwau, na seedo eri sui boo, na lado la eki ma si lalali eki ka faasukwaia ma ka ladoa ka rao, kai baita alaa ani nia ana baita la ne ita mai atha God.

Kolose 2:19 Referans Kwoze

II. Pita 3:18

Ma muki sukwai alaa ana lea la ma thaitoomana lana Lord kulu ne faamaruki kulu, tha Jesus Christ. Keki fare inoto ani nia si maṉa eri ma toto si sui. Emeni.

I. Pita 3:8

Si do iisi, kamulua sui muki to ana tee si lio, muki tatakomi kamulua, muki liothau kwailiu ani kamulua ’uria tee baree wai doorana, si lio kamulua ana mamasoro la, ana abula seseka la:

Kolose 2:2

Fasi keka faainamarukia ruruuda, uria na kera lado kera keka rao ana liothau la, ma keka rikii do faamau asi do na kera thaitoomana lea maalutana mamana lana, fasi keka thaitoomana si do tha God na Maka ne toto thaufuni, tha Christ neri,

I. Thesalonika 4:10

Do na mulu ilia mamana boo uria baree wai doorana eri sui boo nai fanua i Masedonia ni sui bana. Ma mika ṉata kwaitakoi, mika soree isamulua, doora kera, na abula la kamulua eri kai sukwai alaa;

I. Thesalonika 3:12

Ma ṉa Lord kai adea liothau la kamulua kai baita alaa uri kamulua kwailiu, ma uria wane ki sui boo, ’uria lau boo liothau la kamilia uri kamulua;

II. Thesalonika 1:3

Mika sore lea ṉado atha God, e ai si ei boo, uri kamulua, doora kera, ma do kokoto neri, uria na fitooa kamulua ka tae ka baita alaa, ma liothau la kamulua uri kamulua kwailiu sui boo ka oro ka tatha;

Kolose 1:18

Ma nia gwauna seedo eri, na ṉa figua: nia na thafali la, ulunao faisia toa na kera mae; fasi nia kai inoto ka tatha asi do ki sui.

Kolose 1:10

Fasi muki abula ana abula la ne farana ṉa Lord asi do ki sui bana na kai faalea nia, muki fuṉu ana foee do asi ra ki sui bana ne lea, ma muki baita alaa ana thaitoomana lana tha God;

Filifae 1:27

Tee si do boo, abula lamulua kai farana si faaroṉoa lea tha Christ: fasi, mada sa kwa fula kwa riki kamulua mado kwa to mai i thara faisi kamulua, kwai roṉoa to lamulua, na muki takwe ṉado ana tee spirit, ma ana tee si manata muki aṉasi ana ra ofu la ifana si do eki na kulu fitoona na si faaroṉoa lea;

Efesasi 5:29

Sulaania ta wane si lalakwatania u seena i talaana; ka tharea boo ma ka beta lea sulia, ’uria lau boo ade lana ṉa Lord uria ṉa figua;

Efesasi 4:3

Muki seemabe fasi muki to ṉado ana tee si lio atha Spirit ana enenoa, si do na kai faaṉado kamulua muki too neri.

Efesasi 1:22

Ma nia alua si do ki sui bana ka roo sulia ifara aaena, ma ka fale nia ifana figua eri fasi kai gwau ania, inoto asi do ki sui bana,

I. Korinitha 3:6

Ni nau ku fasia foee do ki, tha Apolosi e kikia ana kafo; ma tha God ana e falea unii do.

I. Korinitha 1:10

Sui nau ku ṉata kwaitakoi isamulua, doora kera, ku soree isamulua ana thatana Lord kulu tha Jesus Christ, kamulua sui muki ṉata asi ṉata la ne totoo, musi to ana tafulu si lio; ma keki oolo kamulua muki to ofu ana tee si lio ma ana tee si manata la.

Roma 11:17

Ma mada sa kera oea tei tharee ’ai ana ’ai eri, ma ni oe, no olife kwasi, kera raofai oe oki ni ana ’ai eri i maalutada, mo ṉalia ofu bi kera ta si ana lalii olife ma sula;

Si do Aposela ki kera ilidaki 4:32

Ma malului wane eki sui boo na kera fitoo kera to ana tee si lio ma ana tee si manata: me ai ta imole si sorea si do ne rikidaki si do nia ki i talaana; si do kera ki si do i ofuane ki bana.

Jone 17:21

Fasi kera sui keki tee do boo; talafana ni oe, Maka, o to ani nau, ma ni nau ani oe, fasi ni kera lau boo keki to ani koro: fasi fanua nei iano kai fitoo no arasi nau mai.

I. Korinitha 11:3

Ma nau ku thathamia muki thaitoomana, na gwauna wane ki sui boo na tha Christ; ma gwauna ṉa kini na ṉa wane; ma gwauna tha Christ na tha God.

Efesasi 1:23

Ma figua eri na ṉa seena, si do ne to isana fasi nia kai laulau na ka faafuṉua si do eri sui bana ani nia ta si kula si ei.

Efesasi 2:21

Ma biu eri sui boo, na kera lado lea ania, kai tae ani nia fasi kai biu baita abu tha God ana ṉa Lord;

Luke 5:38

Waene na kera bii thauwai nia keki lula e ai si ei boo i la uṉee do seelea ki; ma ro do eki sui boo kai lea.