Kolose 2:16 - Ṉa Alaofua Falu 1923 1949

¹⁶ Mania musi alamatania ta wane si ṉata suli kamulua mala wane ni kotu sulia do ni faṉa la, mado do ni kuu la, mado sulia fa boṉi ana adeedoa mado fa boṉi ana madami falu mado fa boṉi ni mamaloa:

Kolose 2:16 Referans Kwoze

Roma 14:10

Ma ni oe, uria ta no ṉata mala wane ni kotu sulia dooramu? mado ni oe lau boo, uria ta no fare faekwa ana dooramu? uria ni kulu sui kuki takwe inaona do ni ono la tha Christ na Wane ni Kotu.

Galesia 4:10

Mula onotoona fa boṉi ki, ma madami ki, ma si maṉa ki, ma fa ṉali ki.

Hibaru ki 13:9

Kesi tole garo ani kamulua ana kwaifamanataia oro eeta ki: sulaania e lea na keki faaṉadoa rurui imole ana lea la; asi do ni ani lana ki e ai, si do ne ai si adomia toa ne oga kera faamau.

Nehemiah 10:33

Ifana berede abu eri, ma si mila na keki falea ana do ni foa la ki sulia boṉi, ma ifana do ni afufu ki na keki falea nado afa boṉi mamaloa ki, ma afa boṉi ana madami faalu ki, ma fafaṉaa eki na kera gwalua, ma ifana si do abu ki, ma do na keki thauṉia ana tae la faisia Isirela uria abula taa lada, ma ifana ra ni sui bana ana biu God kamilia.

Mathui 15:11

Si do na kai liu i la fokona e ai na kai faasua wane; si do na kai tatha mai faisia fokona, si do eri kai faasua wane.

Hibaru ki 9:10

Si do ana talitoona bana do ni faṉa la ki ma do ni kuu la ki ma sisiu la oro ki, si ṉata sulia seena imole ni bana, na kera alua maakwalia si maṉa ana alu kokoto la asi do ki.

Jemesi 4:11

Musi ṉata taa kwailiu i seemulua, doora kera. Wane na ka ṉata taa i seena doorana, mado ka ṉata mala wane ni kotu sulia doorana, ka ṉata taa sulia ṉa lo, ma ka ṉata mala wane ni kotu ana ṉa lo: ma sui mada sa oki ṉata mala wane ni kotu ana ṉa lo, oe wane osi ade sulia ṉa lo, oe wane ni kotu ania.

Mako 7:19

Uria ne ai si liu i la ruruuna, kai liu uri la rakena, sui ka tatha lau bana i masuu? Nia ṉata una eri, kai faawaluda si faṉa ni sui bana.

Si do Aposela ki kera ilidaki 15:20

Kuki keda si kula eri isada, keki to faisia si do eki ana god eeta ki na ka faasua kera, ma faisia oe la, ma fai sia seena do na kera lioa ki, ma faisia abuna do ki.

Fa Ṉu Abu ki 81:3

Ufia fasi buṉu afa boṉi ana madami faalu, afa boṉi ana madami arakwa, afa boṉi ana adeedoa kulu.

Fa Ṉu Abu ki 42:4

Ku onotoona si ade la nei ki, ku bii kikiraa maṉoku i la seeku, na lae laku na nau ku lalae ania na ba ofu bia malului wane eki, ku tatalaida uria biu tha God, bia liṉana ṉata lana toa na kera thalume ma keka taṉo nia, malului wane na mili faaabua fa boṉi ana adedoa neri.

Nehemiah 10:31

Ma mada sa toa eki ana fanua nei keka ṉalia mai do ni usi la anidaki mado ta si faṉa sa keka usi ania afa boṉi mamaloa, kamilia sa mika usia mai afa boṉi mamaloa eri, mado ana ta fa boṉi abu, e a’i: ma miki to faisia unii do na kai tae ki mai sulia fiuna fa ṉali ki, ma misi suuwai nia toa keki oli fafia ta sii bana asi do na kera ṉali laṉa anidaki.

Nehemiah 8:9

Ma tha Niimaea, ṉa wane gwauwai gafumanu, ma wane ni foa eri na tha Esera na wane ni kekeda, ma Lifaete ki na kera kwaifamanatai isana toa eki, keka soree isana toa eki sui bana, Fa boṉi nei fa boṉi abu ifatha Jihova na God kamulua; musi tatao, ma musi aṉiṉi. Uria na toa eki sui bana kera aṉi si maṉa na kera roṉoa si ṉataa ana ṉa lo.

Kolose 2:20

Mania mada sa mulu mae naa bia tha Christ faisia si do totonao fanua nei iano ki, uria ta na mulu ’uria imole ne maruki u ana fanua nei iano, mulu roo sulia si ṉata fifi ki,