Kolose 2:11 - Ṉa Alaofua Falu 1923 1949

¹¹ Ma kera kwai kali kamulua lau boo ani nia ana kwai kakali la na kesi kwaia ana abee imole, ana tanusi lana seemulua mala fanua nei iano, ana kwai kakali la tha Christ.

Kolose 2:11 Referans Kwoze

Roma 2:29

Wane eri molo e Ju, na ruruuna kai ’uria Ju; ma kwai kakali la mamana na ṉa kwai kakali la ana rurui wane, asi do tha Spirit, asi do na kera keda fetei e ai; si do wane ki keki taṉoa e ai neri, tha God ana.

Filifae 3:3

Uria ni kulu toa ana kwai kakali la, na kulu faabaita tha God atha Spirit, ma kulu seethathala atha Christ Jesus, me ai kusi fitoona seena imole:

Efesasi 4:22

Ma do eki nai nia, mulu tanusia naa, sulia abula lamulua mai inao, wane nai nao, na kai fufuraa uria si thathami la taa ana kaura lana;

Roma 6:6

Uria na kulu thaitoomana si do eri neri, wane totonao kulu kera fota fafia ofu bi nia, fasi keki faaaia seedo eri ana abula taa la, fasi ita asi maṉa eri kesi suuwai kulu kuki roo lau sulia abula taa la;

Galesia 5:24

Ma toa eki atha Christ kera fota fafia seena imole ana ’ai rarafolo ana si lio ma si thathami la taa nia ki.

Galesia 2:20

Kera fota fafi nau sui naa ana ’ai rarafolo bia tha Christ; una ena mena, ku maruki bakua; sui ni nau e ai lau, tha Christ ana ne maruki i seeku; ma marukia eri na nau ku to ania i seena imole ku to ania ana fitooa, na ni ana Kaluwane tha God, ne liothau iaku, ma ka alamatai nia uri nau.

II. Korinitha 5:17

Mania mada sa ta wane ni atha Christ, nia do falu: si do u inao ki ka sui naa; rikia fasi, si do ki sui bana e falu naa.

Hibaru ki 9:24

Uria na tha Christ e ai si kotho ana kula abu eki na kera kasia ana abee imole, na riki lana ka ’uria do mamana eri; e kotho mamana boo i thalo, fasi asi maṉa eri kai fatai nia inaona maana tha God uri kulu:

Hibaru ki 9:11

Ma sui tha Christ lalae e fula, aofia ni foa asi do lea na ni u ki mai, ana biui maku ne baita ka tatha ma ka sukwai ka tatha, ne ai kesi kasia ana abee imole, ma inifita lana si do eri, na do ana thauwaia eri e ai,

II. Korinitha 5:1

Sulaania mili thaitoomana biui maku kamilia na mili to iei i fanua nei iano mada sa kere ogea, amilia ta biu na tha God kai tabalia, biu na kesi thauwai nia ana abee imole, na kai to tatha, i thalo lo ki.

Si do Aposela ki kera ilidaki 17:24

Ṉa God ne thauwai nia fanua nei iano bia si do ne ni iei ki sui bana, uria ne Lord ana thalo lo ma fanua nei iano, e ai si to ana biu na kera thauwanidaki ana abee imole;

Si do Aposela ki kera ilidaki 7:48

Una ena mena Nia ne Inoto ka tatha e ai si to ana biu na kera thauwanidaki ana abee imole; ’uria si do ṉa porofeta e sorea na ba,

Luke 2:21

Ma si maṉa na kwalu fa boṉi e sui naa uria kwaikakali la ana wela eri thatana keka alaṉia atha JESUS uria na angel eri e alaṉi nia ania si maṉa na thainana e ai si iana u.

Mako 14:58

Kamilia mili roṉoa e sorea, Nau kwai ogea biu baita tha God nania na kera thauwai nia ana abee imole, ma ta do lau na kesi thauwai nia ana abee imole kwai kasia sulia ulu fa boṉi.

Roma 7:24

Wane ni ruruuku ne taa iamu ae! ni tei na kai faamaruki nau faisia seedo ana maea eri?

Kolose 3:5

Mania muki faamaea si do na ana seemulua ki na ni fanua nei iano; oe la, manata taa la, si lio ni oea, thathami lana do taa, ma thathami lana si do kera ki, si do eri na ṉa foa la ana god eeta ki;