Kolose 1:9 - Ṉa Alaofua Falu 1923 1949

⁹ Sulia si kula eri ni kamilia lau boo, ita mai afa boṉi na mili bii roṉoa si do eri, mili foa uri kamulua ta si maṉa si ei ma mili gani, fasi keki faafuṉu kamulua asi lio ana thaitoomana lana si do ne thathamia ana liotooa ni sui bana ma manata lea la atha Spirit,

Kolose 1:9 Referans Kwoze

Jemesi 3:17

Ma liotooa eri ne ita mai ia kai thathaulia totonao, sui kai eno, kai abula thathaore, kai thathamii falea si do na keki gania, kai fuṉu ana tatakomia ma asi foee do lea ki, oli susuua ka ai faisia, olodola la ka ai faisia.

Jemesi 1:5

Mada sa ta wane iamulua manata lea la ka ai faisi nia, kai gania atha God, na ka fale baita ifana imole ki sui bana ma ka ai si soreda; ma keki falea ifana.

Kolose 4:5

Muki abula ana liotooa uria toa nai thara ki, ma muki duu i maana si maṉa totonao.

Hibaru ki 13:21

Kai faasukwai teefau ani kamulua asi ra lea ki sui bana fasi muki ilia si do ne thathamia, ma ka ilia si do nia rikia ka lea ani kamulua, atha Jesus Christ; na keki fare inoto ani nia toto si sui. Emeni.

I. Pita 2:15

Uria na si do na tha God e thathamia neri, na ana abula lea lamulua muki faabona wane oewanea ki na kesi thaitoomana maalutana si do ki:

II. Thesalonika 1:11

Ma uria si kula eri mili foa ṉado lau boo uri kamulua, fasi God kulu manatana na muki farana aili la ne aili kamulua mania, ma fasi kai adea do eki sui bana na lea la nia e thathamia, ma ra eri ana fitooa, kai mamana boo ana sukwaia;

I. Thesalonika 5:17

Muki foa ta si maṉa si ei;

Fa Ṉu Abu ki 143:10

Faamanatai nau fasi, kwa bii ilia si do no thathamidaki; uria na God nau na ni oe: spirit oe e lea; oko talai nau i la fanua ana oolo la.

I. Jone 5:20

Ma kulu thaitoomana na Kaluwane tha God e fula naa, me falea manata lea la ifakulua, fasi kuka thaitoomana ni nia ne mamana, ma kulu to ani nia ne mamana, ana Kaluwane nia tha Jesus Christ. Ṉa God mamana neri, ma marukia tatha.

Kolose 3:16

Bae lana tha Christ kai to kai oro i la ruruumulua ana liotooa ni sui bana; muki kwaifamanatai ma muki faamanatai kamulua ana ṉu ki, ana ṉu ana taṉo la ki ma ṉu tha Spirit ki, muki ṉu ana lea la i la ruruumulua ifana ṉa Lord.

Hibaru ki 10:36

Uria na muki rofea si lio ni susuu la, fasi, lalae mulu ilia naa si do na tha God e thathamia, muki bii ṉalia alaṉaia eri.

Filifae 1:4

Ma ana foa la nau ki uri kamulua sui boo, ta si maṉa si ei, ku foa ana seethathala la,

Faelimone 1:4

Ku sore lea ana God nau, ma nau ku ṉata ṉado suli oe ana foa la nau ki,

Efesasi 6:6

Ana si maṉa eri bana na keki rikia ra lamulua, sa muki ade mala toa na kera thathamia fafalea lana imole ki e ai; ma uria na kamulua toa ni ra tha Christ ki, liomulua na kai ilia si do na tha God e thathamia;

Roma 12:2

Ma musi abula ’uria abula lana unii wane nai maṉa eri: keki alu kamulua muki eeta uria manatamulua na kera adea e falu, fasi muki ilitoona si do na tha God e thathamia ne lea, ma do na kera ala fafia, ma ka sukwai teefau.

I. Thesalonika 1:3

Uria na mili manatatoona, ta si maṉa si ei, ra kamulua ana fitooa ma ulafu la kamulua ana liothau la ma si lio ni susuu la na mulu manatatoo ṉado ania uria si do ki ana Lord kulu tha Jesus Christ, inaofana God kulu na ṉa Maka kulu;

I. Jone 2:17

Ma fanua nei iano kai tatha, ma thathami la nia lau boo: ma wane na kai ade sulia si do na tha God e thathamia kai toto si sui.

I. Pita 4:2

Fasi asi maṉa na nia kai to u ana seena imole e ai si to lau uria si do eki na wane ki kera thathamia, si do na tha God e thathamia naa na nia kai to uria.

Kolose 4:12

Epafarasi, wane ani kamulua, na wane ni ra tha Christ, e thathamia kwai ṉata isamulua ’uria sa ni nia kai ṉata, me aṉasi ṉado uri kamulua ana foa la nia ki, fasi muki takwe ṉado, muki sukwai teefau asi do ki sui bana na tha God e thathamia.

Kolose 1:6

Ne fula isamulua; ’uria lau boo e ni ana fanua nei iano ni sui bana me fuṉu ana foee do, alafana lau boo ani kamulua, ita mai afa boṉi eri na mulu bii roṉoa ma mulu thaitoomana mamana lea la tha God;

Efesasi 5:17

Mania musi oewanea, muki thaitoomana maalutana si do na tha God e thathamia.

Efesasi 5:10

Muki ilitoona mamana lana si do na ṉa Lord kai ala fafia;

Efesasi 1:8

Ne adea ka oro uri kulu ana liotooa ni sui ma manata kali la,

Jone 7:17

Mada sa ta wane e susuu uria ili lana si do ni nia e thathamia, nia kai thaitoomana kwaifamanataia eri, mada sa si do tha God neri, mado kwai ṉata bakua i talaaku.

Fa Ṉu Abu ki 119:99

Ana thaitoomana la nau maalutana si do ki, ku tatha naa ana wane ni kwaifamanatai nau ki sui boo; uria na si do ku manatatoona ṉado na faamamane la oe ki neri.

I. Korinitha 1:5

Uria na kera ilia na mulu rikii do ani nia asi do ki sui, asi baea oro ki ma ana thaitoomana lana si do ki sui bana;

Si do Aposela ki kera ilidaki 12:5

Mania kera suusia tha Pita i la lokafu: ma figua eri keka seemabe ana foa la atha God uri nia.

Faelimone 1:6

Fasi kwaimani lea la eri ana fitooa oe kai ra sukwai ifatha Christ Jesus, uria na kera thaitoomana si do lea eki sui bana na ni ani oe.