Kolose 1:6 - Ṉa Alaofua Falu 1923 1949

⁶ Ne fula isamulua; ’uria lau boo e ni ana fanua nei iano ni sui bana me fuṉu ana foee do, alafana lau boo ani kamulua, ita mai afa boṉi eri na mulu bii roṉoa ma mulu thaitoomana mamana lea la tha God;

Kolose 1:6 Referans Kwoze

Jone 15:16

Kamulua e ai musi fili nau, nau na ku fili kamulua, ku alu kamulua, fasi muki lae, muki fuṉu ana foee do ki, bia fasi foee do kamulua eki kai to ṉado: fasi atona bana ta si do na muki gania ana ṉa Maka ana thataku, nia kai falea iamulua.

Filifae 1:11

Ma muki fuṉu asi foee do ana kokoto la, na kai fula mai atha Jesus Christ, ana inotoa tha God ma taṉo lana.

I. Pita 5:12

Atha Silafenasi, doora mamana kamulua (manataku neri), ku kekeda ṉuṉuru kau isamulua, ku soree isamulua, ma ku faamamanea si do na nau ku thaitoomana, na lea la mamana tha God neri: muki takwe ṉado ania.

Kolose 1:23

Mada sa muki to ṉado asi do eki na kulu fitoona, ma keka faaṉado kamulua muki takwe ṉado, ma kesi idu kamulua faisia si do eri na kulu manatatoo ṉado uria asi faaroṉoa lea na mulu roṉoa, na kera ṉata sulia isana imole eki sui boo na kera thauwai nia ifara thalo lo; si do na kera alu nau tha Polo nau wane ni ra la ania.

Roma 16:26

Ma sui kera fatai nia si maṉa eri, ma sulia si ṉata fifi tha God ne to tatha, kera ’ai taloṉania isana kulee toa eki sui bana, ana kekeda la porofeta ba ki, uria ade la sulia ana fitooa;

Roma 1:13

Ma nau ku lalakwa na musi thaitoomana, doora kera, na ruruuku e thathamii lae kau isamulua asi maṉa oro ki bana (ma kera suusi nau faisia ka fula asi maṉa eri), fasi kwai alua tei foee do ani kamulua lau boo, ’uria lau boo ana Jenetaele ki sui bana.

Jone 4:23

Si kadee maṉa eri karaṉi na mai, ma ka fula naa, si maṉa toa na keki foa mamana keki foa mamana ana ṉa Maka ana spirit kera: uria na ṉa Maka kai rofea toa una eki keki foa ani nia.

Mako 16:15

Ma nia ka soree isada, Muki lae i la fanua nei iano ka sui bana, muka ṉata sulia faaroṉoa lea eri isana imole ni sui.

Mako 4:8

Ma tei fo lau ka asia i la gano lea, ka fuṉu, ka kobu ma ka baita; tei ei ka fuṉu ana ulu finitee do, tei ei ka fuṉu ana ono finitee do, ma tei ei ka fuṉu ana tee taleṉee do, fuliṉana do na kera fasidaki.

Mathui 24:14

Ma faaroṉoa lea nei ana tooa keki ṉata sulia i la fanua ni sui bomana ana faamamane la ifana toa ana fanua ni sui: ma susui lana kada nei ka bii fula.

Fa Ṉu Abu ki 98:3

Nia e onotoona tatakomia nia ma mamana lana uria kwalafaa tha Isirela: asi kula eki mena ne tau asia naa i la fanua na i iano kera rikia naa marukia eri na God kulu e faamaruki kulu mania.

II. Thesalonika 2:13

Ma mika sore lea ṉado atha God, e ai si ei boo, uri kamulua, doora kera na ṉa Lord e liothau ani kamulua, uria na tha God e fili kamulua ita i thafali la mai uria marukia ana faaabu lamulua la atha Spirit ma ana fitoona lana mamana la eri:

I. Thesalonika 2:13

Ma uria si kula eri mili sore lea atha God ta si maṉa si ei, uria na, si maṉa na mulu ṉalia bae lana tha God ani kamilia, mulu ala fafia mala bae lana imole ki e ai, mala bae lana tha God, ma do eri boo nania, do ne ra lau boo ani kamulua na mulu fitoo.

I. Thesalonika 1:5

Uria na si faaroṉoa lea kamilia e ai si fula isamulua ana talitoona si baea, ana sukwaia ni lau boo, ma atha Spirit Abu, ma asi do ne fatai lalaa ana mamana lana; talafana na mulu thaitoomana to lamilia i maalutamulua na mili toto ania uri kamulua.

Kolose 1:10

Fasi muki abula ana abula la ne farana ṉa Lord asi do ki sui bana na kai faalea nia, muki fuṉu ana foee do asi ra ki sui bana ne lea, ma muki baita alaa ana thaitoomana lana tha God;

Filifae 4:17

Uria na nau ku rofe uria si do na muka tona falea e ai; sui nau ku rofe boo uria si foee do na kai oro alaa na keki keda sulia ifamulua.

Efesasi 5:9

(Uria foana lalaa la eri ni ana abula lea la ni sui bana ma kokoto la ma mamana la),

Efesasi 4:23

Ma kera thauwai falu ana spirit nai manatamulua,

Efesasi 4:21

Mada sa mulu roṉoa ṉata lana, ma kera tooa si do ki isamulua ani nia, alafana mamana la na ni atha Jesus:

II. Korinitha 10:14

Uria ne ai misi tekwasi kamilia si tatha, ’uria sa misi tekwa si fula isamulua: sulaania mili lae mili fula mena isamulua fafia si faaroṉoa lea tha Christ:

II. Korinitha 6:1

Ma mika ra ofu bi nia, mika ṉata kwaitakoi lau boo, mika sorea musi maruṉee ṉalia lea la tha God.

Roma 15:19

Ana sukwaia bala si do ki ma do ni kwele la ania, na sukwaia Spirit tha God; adedea ita mai ana Jerusalema ma fanua ni kakalia, ka fula mena ana Ilirikama, ku ṉata teefau sulia si faaroṉoa lea tha Christ;

Si do Aposela ki kera ilidaki 26:18

Fasi oki ifinia maada, kikui akele faisia maerodo uria ṉa lalaa la, ma faisia sukwaia tha Satan isatha God, fasi keki manata lubea abula taa la kilua ki, ma kikui ṉalia si do na kikui fulatoona i maalutana toa na kera faaabuda ana fitoona laku la.

Si do Aposela ki kera ilidaki 16:14

Ma tee kini, thatana ni Lidia, na ra nia usi la asi maku momothelaa ki, kini ana toaa susu i Thaeatira, ne faabaita tha God, e roṉo kamilia: ma tha Lord e ifinia ruruuna, adedea nia fale nia ana manatatoona lana si do na tha Polo e soredaki.

Si do Aposela ki kera ilidaki 12:24

Ma bae lana tha God ka tae ma ka oro ka oli alaa.

Si do Aposela ki kera ilidaki 11:18

Ma si maṉa na kera roṉoa si do eki, keka bona bada, sui kera taṉoa tha God, keka una eri, O ma Jenetaele ki lau boo tha God e falea manata akele la ifada uria marukia.

Mathui 28:19

Mania muki lae, muki to’oa si do ki isana kulee toa ki sui bana, muki babataesi kera ana thatana ṉa Maka ma ṉa Kaluwane ma tha Spirit Abu:

Fa Ṉu Abu ki 110:3

Toa oe ki keka tala thathamii fale kera italaada afa boṉi eri ana sukwaia oe: asi lio eki ni faaabu lada na rikia lane lea asia naa, faisia rakena fanua ne bii dani, amua si oru ana faekwa lamu.

Efesasi 3:2

Mada sa mulu roṉoa lea lana tha God neri na kera takofale nau ania fasi kwai ra ania ifamulua;

Roma 15:28

Mania lalae ku ilia si do eri ka sui naa, ma ku faaṉadoa si foee do eri ifada, kwai lae, kwa tatha i fanua kamulua fasi kwai fula i Sipena.

Jone 17:19

Ma ifadalua ku faaabu nau i talaaku, fasi ni kera lau boo keki faaabuda ana mamana la eri.