Kolose 1:5 - Ṉa Alaofua Falu 1923 1949

⁵ Sulaania si do lea eri na mulu manatatoo ṉado uria na kera alua maakwali kamulua i thalo lo, si do eri na mulu roṉoa mai inao asi baea sulia mamana la eri na si faaroṉoa lea,

Kolose 1:5 Referans Kwoze

Efesasi 1:13

Nia na ni kamulua lau boo, buriana na mulu roṉoa si baea ana mamana la eri, si faaroṉoa lea ana marukia kamulua, — nia na, si maṉa na mulu fitoona, kera faaṉado kamulua lau boo ani nia atha Spirit Abu ana alaṉaia eri,

II. Timothi 4:8

Ita asi maṉa eri ka lae alaa, kera alua naa do ni eregwau la ana kokoto la maakwali nau, na ṉa Lord, na Wane ni Kotu kokoto, kai falea ifaku afa boṉi eri: ma talifili nau e ai, kai falea lau boo ifana toa eki sui boo na kera liothau ana maṉo lana mai.

Taetasi 1:2

Ana manatatoo ṉado la uria marukia tatha, do na tha God, ne dora ania lole la, e alaṉai nia to u asia mai inao ne ai si sui;

Kolose 1:27

Na tha God e thathamii faaroṉoda keka thaitoomana si do eri ma keki rikii do ania uria faainoto lada la asi do eri ne toto thaufuni i maalutana Jenetaele ki, tha Christ ne ni ani kamulua neri, ne adea muki manatatoo ṉado uria inotoa:

I. Pita 2:2

Mala kala wela aabu ki, muki thathamia faamau susu na lole la e ai si ni ania, si baea eri neri, fasi ka thare kamulua muka tae uria marukia;

Kolose 1:23

Mada sa muki to ṉado asi do eki na kulu fitoona, ma keka faaṉado kamulua muki takwe ṉado, ma kesi idu kamulua faisia si do eri na kulu manatatoo ṉado uria asi faaroṉoa lea na mulu roṉoa, na kera ṉata sulia isana imole eki sui boo na kera thauwai nia ifara thalo lo; si do na kera alu nau tha Polo nau wane ni ra la ania.

I. Korinitha 15:19

Mada sa ana talitoona to lakulua i fanua nei iano kulu manatatoo ṉado uria si do lea ki atha Christ, do na kera tatakomi kulu ka tatha ana imole ki sui bana.

Hibaru ki 7:19

(Sulaania ṉa lo e ai si faasukwai teefau ana ta si do), ma kera bii ṉalia mai do lea ka tatha na kulu manatatoo ṉado uria, si do na kulu idu karaṉia tha God ania neri.

I. Thesalonika 2:13

Ma uria si kula eri mili sore lea atha God ta si maṉa si ei, uria na, si maṉa na mulu ṉalia bae lana tha God ani kamilia, mulu ala fafia mala bae lana imole ki e ai, mala bae lana tha God, ma do eri boo nania, do ne ra lau boo ani kamulua na mulu fitoo.

I. Jone 3:3

Ma ni tei na ka manatatoo ṉado uria si do eri ani nia kai faafalu nia i talaana, ’uria lau boo ni nia e falu.

Galesia 5:5

Sulaania atha Spirit kulu maakwalia ana fitooa si do eri na kulu manatatoo ṉado uria na ṉa kokoto la.

II. Korinitha 5:19

Ma kwaimani la eri nania, tha God e to atha Christ ka ilia na toa na fanua nei iano kai kwaimani lau bi nia, ka ai si alaṉi kera ana abula garo la kera ki, me takofalea si baea sulia kwaimani la eri ani kamilia.

Si do Aposela ki kera ilidaki 23:6

Ma sui si maṉa na tha Polo e rikia na ta bali wane iada kera Sadiusi ki, ma ta bali wane kera Farisi ki, nia ’ai faamau ana ofu la eri, Doora kera, nau ku Farisi, kaluwane Farisi: sulia si do kulu manatatoo ṉado uria ma tatae lana toa mae ki kera alaṉi nau.

I. Pita 3:15

Muki faaabua tha Lord God i ruruumulua: ma muki fifarao ṉado uria luu lana atona bana ta wane na kai soetoomulua uria maalutana manatatoo ṉado la na ni ani kamulua, sui muki luua ana abula marabibi la ma ana mau la:

I. Korinitha 13:13

Ma si maṉa eri fitooa ka to bana, ma manatatoo ṉado la uria si do lea ki, ma liothau la, ulu si do eki; ma si do iada ne baita ka tatha na ṉa liothau la.

Si do Aposela ki kera ilidaki 24:15

Ku manatatoo ṉado atha God uria si do eri, na ni kera keka maakwalia lau boo, na si maṉa ana tatae lana toa mae ki kai fula mai, tatae lana toa kokoto ki ma toa na kesi kokoto lau boo.

Fa Ṉu Abu ki 31:19

Ade lea lamu ka baita faamau! si ade la eri no alua naa maasia toa eki na kera takofale kera iamu inaofana kaluwane imole ki!

I. Timothi 1:15

Si ṉata mamana neri, me farana na keki faamamanea ṉado, na tha Christ Jesus e lae mai uria fanua nei iano uria faamaruki lana toa na kera abula taa; ma ni nau wane ku abula taa ka tatha ani kera sui:

II. Thesalonika 2:16

Ma Lord kulu tha Jesus Christ talani nia, ma tha God na Maka kulu ne liothau ani kulu me faainamaruki kulu ana inamaruki la na kai to tatha me falea si do lea na kulu manatatoo ṉado uria ana lea la,

Kolose 3:16

Bae lana tha Christ kai to kai oro i la ruruumulua ana liotooa ni sui bana; muki kwaifamanatai ma muki faamanatai kamulua ana ṉu ki, ana ṉu ana taṉo la ki ma ṉu tha Spirit ki, muki ṉu ana lea la i la ruruumulua ifana ṉa Lord.

Roma 10:8

Sui si ta na kai sorea? Si baea ni karafi oe, i fokomu, ma i la ruruumu: si baea ana fitooa neri, na mili ṉata sulia:

Si do Aposela ki kera ilidaki 10:36

Si baea eri ne falea mai isana kwalafa tha Isirela, si maṉa ne ṉata sulia enenoa atha Jesus Christ (nia Lord ana toa na fanua ni sui bana)

Luke 12:33

Muki usi asi do na mulu alua, ma muki tona faledo ifana toa na kesi rikii do; muki thauwai nia wai ni alumalefo ifamulua na toto si lafu, ṉa ogogonia i thalo lo ki mai na toto si sui, si kula na wane na kai bili si fula karaṉia, ma fufuru si labatania.

Si do Aposela ki kera ilidaki 13:26

Doora kera, wela ana kwalafa tha Aberahamo ki, ma toa iamulua na kera mau atha God, ni kamulua toa na kera falea mai si baea ana marukia nai ifamulua.

II. Korinitha 6:7

Asi baea ana mamana la, ana sukwaia tha God; ana rauma kokoto la ana aba aola ma ana aba mauli,

Galesia 2:5

Ma toa eki e ai dodoloa mili roo sulida sulia tee si kadee maṉa mena; fasi mamana la eri na ni asi faaroṉoa lea kai to ṉado isamulua.

Galesia 2:14

Ma si maṉa nau ku rikia na kesi abula kokoto sulia mamana la eri na ni asi faaroṉoa lea, ku soree isatha Pita inaofana toa eki sui boo, Mada sa ni oe, no Ju, o ade sulia ade lana Jenetaele ki, ma sulia ade lana Ju ki ka ai, uria ta no suuwai nia Jenetaele ki keki ade sulia ade lana Ju ki?

Efesasi 4:21

Mada sa mulu roṉoa ṉata lana, ma kera tooa si do ki isamulua ani nia, alafana mamana la na ni atha Jesus:

II. Pita 1:12

Mania nau kwai fifarao ṉado uria faaroṉo lamulua la lau asi do eki fasi muki onotoona, boro sa muka thaitoomana mena naa, ma kera faaṉado sui naa ani kamulua ana mamana la eri na ka to isamulua.