Kolose 1:23 - Ṉa Alaofua Falu 1923 1949

²³ Mada sa muki to ṉado asi do eki na kulu fitoona, ma keka faaṉado kamulua muki takwe ṉado, ma kesi idu kamulua faisia si do eri na kulu manatatoo ṉado uria asi faaroṉoa lea na mulu roṉoa, na kera ṉata sulia isana imole eki sui boo na kera thauwai nia ifara thalo lo; si do na kera alu nau tha Polo nau wane ni ra la ania.

Kolose 1:23 Referans Kwoze

Hibaru ki 3:14

Uria na akulua ta si asi do tha Christ ki, mada sa kuki rau ṉado ana seeraa la na kulu seeraa ania totonao, kai ṉado maakwalia ṉa susui la:

Hibaru ki 3:6

Tha Christ molo mala kaluwane, ne inoto ana biu nia; ma biu eri ni kulu, mada sa kuki rau ṉado ana seeraa la kulu ma faabaita lakulua la asi do na kulu manatatoo ṉado uria, kai ṉado maakwalia ṉa susui la.

Hibaru ki 10:38

Ma wane kokoto nau kai maruki uria fitooa: Ma mada sa nia kai dua falaburi, manataku sa ka lea uri nia e ai dodoloa.

Galesia 6:9

Ma kusi seseedadaola ana ili lana si do ne lea: uria na asi maṉa na fuliṉana kuki kasia unii do ki, mada sa kusi feda faisia.

Si do Aposela ki kera ilidaki 14:22

Keko faaṉadoa ruruuna toa na tha Jesus e toleda, keko soree isada keki to ṉado asi do eki na kulu fitoona, keko faaroṉoda na kuki to e ai si ei boo ana taa la oro ki fasi kuki kotho ana tooa tha God.

Efesasi 3:17

Fasi tha Christ kai to i ruruumulua ana fitooa; adedea, na keka faaṉadoa lalimulua ana liothau la,

Roma 10:18

Ma nau ku sorea, Kesi roṉoa? Iu, mamana, Liṉana ṉata lada e tatha i fanua nei iano ni sui bana, Ma bae lada uria si kula ne tau asia ki i fanua nei iano.

Hibaru ki 6:19

Manatatoo ṉado la na ni ifakulua ’uria gwalu na kai faaṉadoa maṉokulua, do ne sukwai ma ka ṉado na ka kotho isana si do eki ne to buira maku eri ni taru la faisia;

I. Thesalonika 3:5

Mania, si maṉa na nau ku dora ania to la lau faisia, ku kwaiarasi kau fasi kwai thaitoomana maalutana fitooa kamulua, ada mado e ai nia na kai bae aliṉana imole e bae aliṉamulua, ma ra ba mili ululafu ania na ṉa tonee do.

Efesasi 1:18

Keki ifinia maana wane nai ruruumulua, fasi muki thaitoomana si do eri ne manatatoo ṉado uria si maṉa ne aili kulu mai, ma si do eki na nia kai rikii do ania uria faainoto lana la na nia kai fulatoona ana toa abu eki,

II. Korinitha 3:6

Ne faasukwai kamilia lau boo fasi mika toa ni ra ki ana alaofua falu; ana si do eri na kera keda e ai, atha Spirit: uria si do eri na kera keda kai thauwane, ma tha Spirit kai kwaifaamaruki.

Si do Aposela ki kera ilidaki 2:5

Ma Ju ki na kera faa baita tha God, na kera ofu mai faisia i maalutana kulee toa ni sui bana, kera ni Jerusalema.

Si do na kera fatai nia 2:10

Osi mau ana taa la eki na toto oki to ania: rikia fasi, e ai si tau na tha devil kai suia tai toa iamulua uri la lokafu, fasi keki ilitoomulua; ma muki to ana taa la sulia tafulu fa boṉi. Oki to mamana boo uria maea, kwai falea do ni eregwau ana marukia ifamu.

Kolose 1:25

Na kera alu nau nau wane ni ra la ania, sulia si do na tha God e takofale nau ania kwai ra ania uri kamulua, uria faamamane lana bae lana tha God,

Jone 15:6

Mada sa ta wane e ai si to ṉado ani nau, kera naṉa ani nia ’uria ta tharee do, kai dele bonaa; ma kera ofuda, keki u anida i la era, ma kai akofida.

Luke 22:32

Sui nau ku foa uri oe, fasi fitooa oe si sui: ma lalae o akele lau mai, oko faaṉadoa dooramu kera.

I. Pita 1:3

Taṉo nia ne God na Lord kulu tha Jesus Christ ma Maka nia, na sulia tatakomia baita nia e kwalafi kulu lau uria manatatoo ṉado la ne maruki, ana tatae lana tha Jesus Christ faisia toa mae ki,

Hibaru ki 4:14

Mania uria na akulua aofia ni foa ne inoto ka tatha, ne tatha bonaa ana thalo lo ki, tha Jesus Kaluwane tha God, kuki rau ṉado asi do na kulu faamamanea.

Kolose 2:7

Lalimulua kai ṉado ani nia ma keka faasukwai kamulua ani nia lau boo, muki takwe ṉado asi do eki na kulu fitoona, ’uria lau boo kera tooa isamulua, ma muki sore lea faamau.

Galesia 5:7

Mulu fifita ni lea la; ni tei ne suusi kamulua faisia fasi musi ade sulia mamana la eri?

II. Korinitha 6:1

Ma mika ra ofu bi nia, mika ṉata kwaitakoi lau boo, mika sorea musi maruṉee ṉalia lea la tha God.

Mako 16:15

Ma nia ka soree isada, Muki lae i la fanua nei iano ka sui bana, muka ṉata sulia faaroṉoa lea eri isana imole ni sui.

I. Jone 2:27

Ma ni kamulua, gwai eri na nia e kiki kamulua ania ka to ani kamulua, ma musi rofea ta wane na kai kwaifamanatai isamulua; ma ’uria lau boo do nia e kiki kamulua ania ka kwaifa manatai isamulua sulia si do ki sui boo, ma ka mamana, ma do ni lole la e ai, ma ’uria si do ne tooa isamulua, muki to ani nia.

I. Pita 1:5

Toa na sukwaia tha God ka fono toi kakali kamulua sulia fitooa uria marukia na ka thathai fasi keki fatai nia asi maṉa iisi eri.

Taetasi 3:7

Fasi, uria na kera ala fafia kokoto lakulua uria lea la nia, kuki inamaruki ana Maka kulu asi do na kulu manatatoo ṉado uria na ṉa marukia tatha.

I. Timothi 2:7

Sulia si do eri kera alu nau nau wane ni ṉaliṉata ma aposela (Nau ku ṉata mamana atha Christ, nau kwasi lole), wane ku kwaifamanatai isana Jenetaele ki ana fitooa ma mamana la.

I. Timothi 1:12

Ma nau ku sore lea atha Christ Jesus na Lord kulu, ne faasukwai nau mai, uria nia e takofale nau ku mamana, me alu nau ana ra nia;

II. Thesalonika 2:16

Ma Lord kulu tha Jesus Christ talani nia, ma tha God na Maka kulu ne liothau ani kulu me faainamaruki kulu ana inamaruki la na kai to tatha me falea si do lea na kulu manatatoo ṉado uria ana lea la,

I. Thesalonika 5:8

Ma ni kulu, uria na kulu do ṉa thato, kuki inoto ana seekulua, kuki alua fafia ruruukulua do na kai suusia taa la faisia, na ṉa fitooa ma ṉa liothau la; ma fafia gwaukulua do na kai suusia taa la faisia, na ṉa manatatoo ṉado la uria marukia.

I. Thesalonika 3:3

Fasi taa la eki e ai si isua ta wane; uria ni kamulua mulu thaitoomana na kulu to bonaa uria si do eki.

Efesasi 4:16

Ma see do eri sui boo na kera thauwai lea ania ma kera ladoa ka rao uria si do na lado la eki sui boo ka falea, ta do boo si kula nia, ma ta do boo si kula nia, sulia ra lana ne talaana, kai tala adea see do eri kai baita alaa ani nia, ma kai tala tola alaa i talaana ana liothau la.

Efesasi 2:21

Ma biu eri sui boo, na kera lado lea ania, kai tae ani nia fasi kai biu baita abu tha God ana ṉa Lord;

Galesia 5:5

Sulaania atha Spirit kulu maakwalia ana fitooa si do eri na kulu manatatoo ṉado uria na ṉa kokoto la.

Galesia 4:11

Nau ku mau uri kamulua, ada mado e ai ku tona ulafu ifamulua.

II. Korinitha 11:23

Kera toa ni ra tha Christ ki? (ku ṉata mala wane oewanea) ni nau ku tatha ani kera ania; si ra ku ulafu ania e oro ka tatha, ana aliliboa la oro ka tatha, i la lokafu oro ka tatha ki, ana mae la ki asi maṉa oro.

I. Korinitha 15:58

Mania, doora liliothaua nau ki, muki takwe ṉado, kesi idu kamulua, muki seemabe ṉado faamau ana ra ṉa Lord, sulaania mulu thaitoomana na ra na mulu ulafu ania ta tonee do e ai ana ṉa Lord.

I. Korinitha 3:5

Ṉa ta ni atha Polo? ma ṉa ta ni atha Apolosi? Wane ni ra ki na kero ilia na mulu fitoo; ta wane iamarea ma ta wane iamarea talafana fale la na tha God e falea ifana.

Roma 15:16

Kwa wane ni ra tha Jesus Christ uria Jenetaele ki, kwa ra asi faaroṉoa lea tha God, fasi fale lana Jenetaele ki ’uria do ni foa la keki ala fafia, uria na tha Spirit Abu e faaabua.

Roma 5:5

Ma manatatoo ṉado la eri e ai si faaseenoni kulu; uria na kera kikira liothau la tha God i la ruruukulua atha Spirit Abu na kera falea ifakulua.

Roma 2:7

Ifana toa eki na kera rofe, asi lio ni susuu ṉado ana ili lana lea la, uria inotoa ma fare baita la ma si do na toto si fufura, kai falea marukia tatha:

Si do Aposela ki kera ilidaki 26:16

Ma oki tatae, oki takwe ana aemu: sulaania nau ku fula fatai isamu uria si kula eri, fasi kwa alu oe ṉa wane ni ra ma wane ni faamamane lana si do no thaitoomana sulia si do eki no bii rikia, ma sulia si do na toto kwai fatai nau isamu anidaki;

Si do Aposela ki kera ilidaki 20:24

Ma nau ku doanita asi do eki sui boo, ma kwasi ogoni ana maṉoku, ’uria si do nau ku liothau ania, fasi kwai fita lea ana fita la nau, ma kwai ilia si ra eri na nau ku ṉalia atha Lord Jesus, faamamane lana si do nau ku thaitoomana sulia si faaroṉoa lea ana lea la tha God.

Si do Aposela ki kera ilidaki 11:23

Nia lalae mai e fula, me rikia lea la tha God, ka seethathala; ma nia soree isada sui, keki susuu ana ruruuda, keki rau ṉado ana ṉa Lord:

Si do Aposela ki kera ilidaki 4:12

Ma marukia e ai si ni ata wane lau: sulaania e ai lau ta thata si to ifara thalo, ana thata eki na kera falea ifana wela wane ki, na keki faamaruki kia e ai si ei boo ana thata eri.

Si do Aposela ki kera ilidaki 1:25

Fasi kai tae fulii atha Judasi ana ra eri ma ra aposela, si do ne asi nia faisia, fasi kai lae uria si kula ne talaana.

Si do Aposela ki kera ilidaki 1:17

Sulaania kera teemai nia bi kamilia, ma kera ukalia ta si asi ra eri ifana.

Luke 6:48

Nia e ’uria wane ne kasibiu, ne ili ka sifo ladoa, ma ka alua boa lana i fafona fau: ma si maṉa na kafo e luu, kafo eri e too ana biu eri, ma ka dora ana isu lana: uria na kera boa i fafona fau.

Fa Ṉu Abu ki 125:5

Toa eki molo na keka keto uria tala kekeo kera ki, tha Jihova kai talaida kau ofu bia toa na keka ilia si ade la ne lufidaki. Enenoa kai to fafia Isirela.

II. Korinitha 4:1

Mania uria na amilia ra eri, uria na mili fulatoona tatakomia, misi feda ania:

Si do Aposela ki kera ilidaki 1:8

Ma lalae tha Spirit Abu e fula fafi kamulua, muki bii ṉalia sukwaia: ma si do mulu thaitoomana suli nau muki faamamanea i Jerusalema, ma i fanua i Judia ka sui bana ma i Sameria, ma ana si kula ne tau faamau mena i fanua nei iano.

II. Korinitha 10:1

Ma ni nau tha Polo ku ṉata kwaitakoi, ku soree isamulua sulaania abula marabibi la ma abula thathaore la tha Christ, ni nau wane na riki laku si inoto inaofamulua, ma si maṉa nau ku to mai i thara faisi kamulua kwai seeraa uri kamulua:

I. Timothi 3:16

Me ai ta wane si tofea na do eri ne toto thaufuni asi lio ni fare baita la atha God e baita; kera fatai nia tha God ana seena imole, kera ala fafia kokoto lana atha Spirit, angel ki kera rikia, kera ṉata sulia isana Jenetaele ki, kera fitoona i fanua nei iano, kera tataea ana inotoa.