Kolose 1:22 - Ṉa Alaofua Falu 1923 1949

²² Ana seena i talaana uria maea, fasi kai fatai kamulua muki abu ma muki dodoloa ma kesi rikia ta si do na keki sore kamulua fafia inaofana:

Kolose 1:22 Referans Kwoze

Efesasi 5:27

Fasi kai fatai nia ṉa figua fani nia i talaana na do inoto, e ai si karua me ai si lukuta me ai ta si taa la una eri si to ania; kai abu ma kai dodoloa.

Jude 1:24

Ma sui nia ne sukwai fasi kai rau iamulua faisia taofai lamulua la, ma kai faatakwe kamulua muki dodoloa inaofana inotoa nia ana fula lana mai, ana seethathala la ne baita ka tatha,

Hibaru ki 10:10

Ma sulia si do eri ne thathamia, kera faaabu kulu ka sui naa ana fale lana seena tha Jesus Christ ana tee si maṉa boo.

Efesasi 1:4

’Uria lau boo e fili kulu ani nia si maṉa na kesi boa u fanua nei iano, fasi kuki abu ma kuki dodoloa inaofana ana liothau la:

Taetasi 2:14

Ne fale nia uri kulu, fasi ka tae faisi kulu faisia si do eki sui bana na kera lufia, ma ka faafalua ta toa abu nia ifana, na keka seemabe asi ra lea ki.

Roma 7:4

Mania, doora kera, ni kamulua lau boo kera adea na mulu mae naa faisia ṉa lo ana seena tha Christ; fasi muki toowane ata Wane lau, ana Wane eri na kera tataea faisia toa mae ki, fasi kuki fuṉu ana foee do ifatha God.

Hibaru ki 10:20

Ana tala eri ne faaabua ifakulua, tala falu ma maruki, na ka tatha ana maku ni taru la faisia, na ṉa seena i talaana;

Hibaru ki 13:21

Kai faasukwai teefau ani kamulua asi ra lea ki sui bana fasi muki ilia si do ne thathamia, ma ka ilia si do nia rikia ka lea ani kamulua, atha Jesus Christ; na keki fare inoto ani nia toto si sui. Emeni.

II. Korinitha 11:2

Sulaania nau ku aarimadoa suli kamulua ana aarimadoa la tha God: uria nau ku faatoowane kamulua ana tee nonii wane boo, fasi kwai fale kamulua ’uria thari laulau ifatha Christ.

II. Pita 3:14

Mania, toa liliothaua nau ki, uria na mulu maakwalia si do eki, muki seemabe fasi keki fulatoomulua ana enenoa, muki dodoloa ma maana si rikia ta si do taa ani kamulua.

I. Thesalonika 4:7

Uria na tha God e ai si aili kulu uria manata taa la, ana faaabu lakulua la bana.

Luke 1:75

Ana abu la ma kokoto la inaofana sulia fa boṉi na kuki to ki.

Fa Ṉu Abu ki 51:7

Taṉasi nau asi isofa, kwai faalu lau: oko tau nau, ma nau kwai kwakwaoa ka tatha ana sino.

II. Korinitha 4:14

Uria na mili thaitoomana ni nia ne tataea tha Lord Jesus toto kai tatae kamilia lau boo bia tha Jesus, ma kai fatai kamilia bi kamulua.

II. Korinitha 5:18

Ma si do ki sui bana ita mai atha God, ne ilia na mili kwaimani lau bi nia sulia tha Jesus Christ, me falea si kulu eri iamilia miki ra ana kwaimani la eri;

Kolose 1:28

Wane na mili faaroṉo ania neri, mili ṉata fifi isana wane eki sui boo ma mili kwaifamanatai isana wane eki sui boo ana liotooa faamau, fasi miki fatai nia wane eki sui boo keki sukwai teefau atha Christ Jesus;

I. Pita 3:18

Uria na tha Christ lau boo ana tee fa to la ana taa la uria abula taa la ki, Wane kokoto uria toa na kesi kokoto, fasi nia kai tole kulu isatha God; uria na kera thauṉia seena, ma sui kera faamaruki nia atha Spirit;