Kolose 1:14 - Ṉa Alaofua Falu 1923 1949

¹⁴ Wane eri na kulu rikia tae la faisi kulu ni ani nia ana ’abuna, na manata lube lana abula taa la kulu ki.

Kolose 1:14 Referans Kwoze

Efesasi 1:7

Wane eri na kulu rikia tae la faisi kulu ni ani nia sulia ’abuna, na manata lube la ana abula garo lakulua ki, sulia inotoa lea la nia.

Hibaru ki 9:22

Ma sulia ṉa lo, karaṉia kwai sorea, si do ki sui bana kera faafalua asi ’abu, ma igwa lana ’abu ka ai faisia, doanita la ka ai lau boo faisia.

Hibaru ki 9:12

Ma ana abuna gota ki ma kalee buloka ki ka ai lau boo, ana abuna i talaana, e kotho naa ana tee si maṉa asi kula ne abu, uria ne fulatoona tae la faisi kulu na kai to tatha.

Si do na kera fatai nia 5:9

Ma keka ṉulia tee fa ṉu falu, keka una eri, O farana ṉali lana ṉa buka, ma dekwe lana do ne faaṉadoa ki: sulaania kera thauṉi oe oko mae, mo usia imole ki ifatha God ana abumu faisia kulee toa ni sui, ma toa ana ṉata la eki sui bana, ma ina lana imole ni sui boo, ma toa ana fanua eeta ki sui bana,

Galesia 3:13

Tha Christ e tae faisi kulu faisia taa la eri ne toto fafi kulu sulia ṉa lo, sulaania taa la e toto fafi nia uri kulu: uria na kera keda, Taa la kai to fafia ni tei na kai taru sulia rebee ’ai:

Mathui 20:28

Ka ’uria boo Kaluwane imole ne ai si fula fasi keki ra iana e ai, e fula uria ra la ifana imole, ma fale lana maṉona ana tae la faisia toa oro.

Si do na kera fatai nia 1:5

Ma atha Jesus Christ, Wane fitoo ni faamamane lana si do ne thaitoomana, ulunao faisia toa mae ki, ma Wane Gwauwai ne tatha ana kiṉa fanua nei iano ki. Nia na ka liothau ani kulu, me lube kulu faisia abula taa la kulu ki ana abuna i talaana:

Efesasi 5:2

Ma muki abula ana liothau la, talafana lau boo tha Christ e liothau ani kulu, me alamatai nia uri kulu, ana do na kera tona falea ma do ni foa la ne makwa lea ifatha God.

I. Jone 2:2

Ma nia Wane na ka dianalio faisi kulu uria abula taa la kulu ki; ma talitoona abula taa la kulu ki e ai, abula taa la toa na fanua nei iano ka sui bana.

I. Pita 3:18

Uria na tha Christ lau boo ana tee fa to la ana taa la uria abula taa la ki, Wane kokoto uria toa na kesi kokoto, fasi nia kai tole kulu isatha God; uria na kera thauṉia seena, ma sui kera faamaruki nia atha Spirit;

Fa Ṉu Abu ki 130:4

Sui si lio ni manata‐lube la ni isamu, fasi keki faare baita iamu.

I. Jone 2:12

Kwai kekeda kau isamulua, kala wela ki, sulaania abula taa la kamulua ki kera manata lubea ana thatana.

Taetasi 2:14

Ne fale nia uri kulu, fasi ka tae faisi kulu faisia si do eki sui bana na kera lufia, ma ka faafalua ta toa abu nia ifana, na keka seemabe asi ra lea ki.

I. Timothi 2:6

Ne fale nia ana tae la faisia toa ni sui; si do na toa na kera thaitoomana keki ṉata sulia asi maṉa nia bonaa;

Kolose 2:13

Ma ni kamulua, na mulu mae naa uria ade garo la kamulua ba ki ma uria seemulua na kesi kwai kakalia, e faamaruki kamulua ofu bi nia, uria ne doanita iamulua ana ade garo la kamulua ki sui bana;

Efesasi 4:32

Ma muki ade lea kwailiu iamulua, si lio kamulua ana mamasoro la, muki manata lube kamulua kwailiu, ’uria lau boo tha God e manata lube kamulua atha Christ.

Si do Aposela ki kera ilidaki 20:28

Mania muki beta suli kamulua, ma sulia aini sifi eki sui boo, na tha Spirit Abu e alu kamulua muka nanao ania, muki tharea figua tha God, ne usia ana abuna i talaana.

Si do Aposela ki kera ilidaki 10:43

Porofeta eki sui boo keka faamamanea si do na kera thaitoomana suli nia, na ni tei bana na kai fitoona keki doanita ana abula taa la nia ki ana thatana.

Kolose 3:13

Muki mamasoro kamulua, ma muki manata lube kamulua kwailiu, mada sa ta wane kera abula taa iana ana ta si do; uria na tha Christ e manata lube kamulua naa, muka ade una eri lau boo.

Si do Aposela ki kera ilidaki 2:38

Ma tha Pita e soree isada, Muki akeletania manatamulua, ma keki babataesi kamulua, ta wane iamulua si ei, ana thatana tha Jesus Christ uria doanita la ana abula taa la kamulua ki; ma muki bii ṉalia si do na kera tona falea na tha Spirit Abu.

I. Jone 1:9

Mada sa kuka faaroṉo lalaa ana abula taa la kulu ki, nia e mamana ma kokoto fasi kai manata lube kulu ana abula taa la kulu ki, ma kai faafalu kulu faisia si abula la ni sui bana ne ai si kokoto.

Si do Aposela ki kera ilidaki 26:18

Fasi oki ifinia maada, kikui akele faisia maerodo uria ṉa lalaa la, ma faisia sukwaia tha Satan isatha God, fasi keki manata lubea abula taa la kilua ki, ma kikui ṉalia si do na kikui fulatoona i maalutana toa na kera faaabuda ana fitoona laku la.

Si do na kera fatai nia 14:4

Toa ne a kesi faasuada ana kini ki neri; sulaania kera wane dara ki. Toa na keki lae buriana ṉa Lama atona bana si kula ne lae uria. Toa na kera usida faisia i maalutana wane ki neri, kera foee do totonao ki ifatha God ma ifana ṉa Lama.

Luke 5:20

Ma si maṉa nia rikia fitooa kera, nia ka sorea, Wane ena, abula taa la oe ki kera manata lubea.

I. Korinitha 1:30

Ma ni kamulua mulu ita mai ani nia atha Christ Jesus, na kera alu nia kai liotooa ifakulua ita mai atha God, ma kokoto la ma faaabu la, ma tae la faisikulu: